¹ Yenya igumusondelezya wani. watigombe idala kwilongolela yani. nutata wemukumwanza, ahayiza ahayigandushizya pa shibha shakwe. ula awene mkusha, yenye akwinza." alonga utata uwamugambo. ² Wunanu wahayigulila isiku ilyakwiza kukwakwe? wananu wahayimilila wafumila? awene angati mundu wa kwonzya numwota inza sopo iya kuhandila. ³ Ahayihala na kwozya inhela, bhahayibhozya abhana bha Lawi. ahayibhagomba kubha bhinza inza imbiwe ni hela. bhahayileta isadaka izyanalyoli kwa tata. ⁴ Ni sadaka iyayuda na Yelusalemu ihayihondezya kwa tata inzi siku izyimandi. namaha igimandi. ⁵ Ilelo inhayishila papipi nimwe inhayibha na muketi umupupusu kushila abhalozi abhalondo abhaketi ibhilenga, ishingunga ishabhala bhebhakubhonela ibhimbombo umuzigo wakwe. bhakubhabhonela abhafwile na bhapina nabhebhakumubhinga umujeni kufuma kumunalo wakwe nabala bhebatakunitiha ine,"alonga utata uwamugambo. ⁶ Ine natata nindakugaluhana, iwinza imwe abhandu bhayakobo mutahabhombela. ⁷ Kufuma isiku ilyayise winya muhagalunhana apatali zyani mutagasengula galunhani, nine indigalushe imwe alonga utata uwamugambo. ilelo mwalonga , tetukugalushile? ⁸ Umwandamu akuwezya kumwila umulunga? mukunibhila ine, ilelo mwalonga twakwibhila bhulibhuli? ifinjile ni sadaka. ⁹ Nabhaguna kushiguni kwa kunibhila ine lyondi ili. ¹⁰ Mutwale ifinjile inzyanaloli mushanga, iengeshibhe ishakulya mumbanga yani. Na mundinjizye kulili, alona utata uwamugambo ingindahahigulila amadilisha iga kumwanya na kubhitila pamwanya yinyu kuti tekubhe nishibhanje ishakukwila kuposhela. ¹¹ Inhayimushemela wakunanganya kukwaho kuti atahananganye aginyu munsi yinyu, mushisi tegahapukusushe asuti kwisiku lwakwe ," alonga utata uwamagambo. ¹² Ibhapanzi bhondi bhayikubhishilila kuti kukwaho ihayibha insi yeyishiye akulonga utata uwamugambo. ¹³ Inogwazyinyu zyaha gomu ishingunga shaho."alonga utata, ilelo mwalonga," twalonga nine ishingu shaho? ¹⁴ Mwalonga, numukumubombela umu luungu. kuna faida yeni kusengula indajizyo izyakwe au kujenda uku mkulila pilongolela patata uwamugambo? ¹⁵ Nalelo tukumubhilisha uwamaruti bhebhakunanganya na kupata yalikumulinjizya umuluungu na kuseguha." ¹⁶ Nisho bhebhakumutiniha utata bhahabhu zilizanya weka iya wamwabho, utata alipo atuliye kututejelezya, na makalata kusengula asimbile pilongolela yakwe kuti bhala bhebha kumwogopa utata na kulitiniha itawa lyakwe. ¹⁷ "Bhahayibha bhani," alonga utata uwamugambo kusengula kwani, kuti isiku lyihayibhomba, ihayibhagana uzu mundu sha muganile umwana wakumulisya. ¹⁸ Ilelo zaidi ititanganishe uwanalyoli nuwimbibhi na wakuputa umuluungu na watakumuputa awene.