¹ Ade faida njiki aiode myahudi? na faida ya idinwa nyi ngikyo? ² Nyi ucha munu ko kila njia. kuliko ya shose, wayahudi velenengwa urango ifuma ko mailunga. ³ Kake kuda kipeva amu baathi ya wayahudi vaode ucha po, amm vaode ucha luvafaha na ida ucha ko makilunga ipeva unesi. ⁴ Eto tija kudo kitevi kyake makilunga nave nyo loi, hata koje mndu nyo vongo ihakundu kiveghwa, kya loi umanyike ivode haki ya shidedo shapo na idime ishinda hukumunyi. ⁵ Koja uvichwa odu ukerola ucha o makilunga, diambe kuda, makilunga le chi mbichwa ifuna adhabu po angesa nakudo, ngekededa kitevi kya kibinadamu. ⁶ Kuda ee divike kuda ko makilunga na hukumu orikenyi. ⁷ Kake koja naloi makilunga idya vongo okwa ifuna sha vongo kokitevi kyake na ngiki bado ngakenahumiwa cha uja aodwe urichwa. ⁸ Ngiki dila ambe, chakundu dileili kuwa na idediwa vongo, diute uvichwa ili nchuche? hukumu kitevi kyavo nyi loi. ⁹ Nyi kuda luvaha? dikekutavirija divenyi? kuode ghupo, ko kiteve ise dilevaranguhya iva wayahudi na wayunani vose anduamu, amu vakeri ghwanda ya urichwa. ¹⁰ Kudi chakundu kilereghiwa, kuode aode loipo hata umu, po. ¹¹ Kuode mndu aihci po, kuode mndu akemshigha makilunga po. ¹² Vose veleghahika, ivo ko anduamu veleona vaode loi, kuode echeuta shichapo, wai, nama na umu. ¹³ Shilika shavo nyi kabu sikuliwa, njolumi savo silelemba, uvoi o njoka nyukeri mumunyi yavo. ¹⁴ Momunyi yavo nyichurye mbiagho ipesakya. ¹⁵ Madenda vavo vakekambirana ibuswandakame. ¹⁶ Unyamari na ivinisana jikeri nji savo. ¹⁷ Vandu iva vaichi njia ya ucha po. ¹⁸ Kuode woghu o makilunga mbele ya meso vavopo.'' ¹⁹ Luvaha diichi ke sheria kyo kyose, yadeda, nyichededa na vaja vake gwanda ya sheria. kudi kitevi kyake momu ipugwa na orika lose ludime idamia anduamu ko makilunga. ²⁰ Ko kudonyi kuode osese lumeitawala loi shija shikenautika kufui na mesavo vandu ko iidya loi kuchecha uvichwa. ²¹ Kake loi kulaode, imanyika ja makilunga jipemanyika, nyileidikijwa na manabii. ²² Ikyo nyi, haki yamakilunga iidya ko mwana wake yesu krissto kovaja vakemwamini amu kuode tofauti po. ²³ Ko kija vose veleuta uvichwa, na idesa mbora ya makilunga. ²⁴ Valeitawala inengwa mbora ya maana ikombolewa ja yesu kristo. ²⁵ Ko kitevi nyelemufma yesu ave icho apedipatanisha ko njia ya ucha ko ndakame yake. nyalemfuna kristo cha ushahidi, kitevi ilekeja uni nwa uleida. ²⁶ Kiteve kya wifu wake. ishi shose shilefumia nyiilora loi ikeri hata na luvaha. iki kivekeri ili nadime ijidhibitisha va vainyarie vave na loi na itore vakeitaliwa haki mndu wowoses ko ucha o yesu. ²⁷ Nyi anga kotirima, kuderijwa mbarinyi? ko kitevi kya kiki? ko ikirima ja iuta, wai ko tirima cha ucha. ²⁸ Ikyo dikenamba ke mndu nyakenengwa ucha ko loi kulaade shidedo sha sheria. ²⁹ Ana makilunga nyi makilunga o wayahudi? ke icho makilunga o vandu po va mataifa kudo, ee nyo mataifa. ³⁰ Kikava nyi loi makilunga nyi umu, apetalia loi ko vaja vadiniwa ko ucha na va veledinwa ko njia njicha. ³¹ Angesa dipedima ighalusa sheria ko njia ya ucha. kinyume kya iho dicheidikija loi.