¹ Koikio uode usuru, igwe upungwa, kakira icho uhukumuyo vengi vane kuvikia uvichwenyi vavenyi. Kokira igwe uneukumu unerunda shindo shija shija. ² Kake jilevamanya hukumu ya Makilunga va loi uye vanerunda shindo cha isho. ³ Kake igwe lawambwa iki, igwe unehukumu vajavanerunda shindo ishi ikava nainwe unerunda shindo ishi. Upeepuka hukumu ya Makilunga? ⁴ Aana unemanya kinina sana uye ya vengi va wema wake, ikelejwa ko asabu yake, irimija jake? Kira, uichi wema wake unetakiwa kukudamada katika toba? ⁵ Bali ko kadiri ya uomi ko ngoo yapo ulaode toba vakuvikia vavenyi akiba ya saimbi ko furi ija y asambi, yaani, furi ija ya ufunuo o hukumu na haki ya Makilunga. ⁶ Icho apemuninga mundu kipimo sawa na shindo shake: ⁷ Kovaja usibiti na shindo vashiga sifa heshima kilanyamurike, apevaninga moo o ndarasi. ⁸ Kakira vaja vabinafusi, valanaidija loi balihutii sambi, gasabu na nyashi ndue ipecha. ⁹ Makilunga apende ziki na shida uye kila nafsi ya mundu alerunda saba, ko Wayahudi kwanzi na ko Muyahudi. ¹⁰ Kake sifa, heshima na amani ipecha ko kila mundu anerunda kicha ko Muyahudi o kuvoka, na ko Myunani. ¹¹ Kokira kode upendeleo ko Makilunga. ¹² Kakira kama vengi valekosa uloi upedeka kikeri uloi cha kundu vengi valekosa elingana na uloi vapepungwa ko uloi. ¹³ Maana chi vaichwa va uloi vaja vaode haki ndarasi ko Makilunga, bali valenda uloi vapeilalwa haki. ¹⁴ Kokira mundu o masanga, kakira iva uloi, vanerunda ko asili shindo sha uloi, ivo, vameva uloi nafsi savo, ikava ivo vaode uloi. ¹⁵ Koiki vanelora shindo shineitajika ko mujibu o uloi varengwa mumbenyi ke ngoo yavo. Dhamiri savo sinevashudia ivo na kusava kwava vavenyi ana navashitaki na varinge ivo vavenye. ¹⁶ Na Makilunga. Iva vapefumia furi ko Makilunga apefuna siri sa vandu vose, sawasawa na injili yakwa, ko njia ya Yesu Kristo. ¹⁷ Jiambe unekudikira kumonyi Muyahudi, aledamia katika uloi kavo kelele ko sifu katika Makilungu, ¹⁸ Umanye ikunda jake, ne epima shindo shanetofatiana nacho bada ye agiswa na uloi. ¹⁹ Jiampe kwamba vode ujasiri igwe umonyi mudue o vala cheoneye, mwango ko vaja vakeri momenyi, ²⁰ Musahihi o vajinga, mulosha o vana, kira uode katika uloi na elimu na loi. ²¹ Igwe basi, uvavie vengi, kira unekurosha umonyi? Igwe unelosha jinaive kira igwe uneivaao? ²² Igwe uneamba ulazini, kira unezini? Igwe unechukia sanamu, kira uneiva kanisa? ²³ Igwe unekuita katika uloi kira umemufaidisha Makilunga katika idosa uloi? ²⁴ Kokira ''rina ja Makilunga jineteswa kati ya vandu va musanga ko sababu yanu,''Kira yarengwa. ²⁵ Kokira idimwa loi ipeva kira atii uloi, kake igwe mukiukaji o uloi, idimwa kwapo kupeva kulamedimwa. ²⁶ Basi, kava, mundu alamedimwa aneendelea eadwa matakwa na uloi, alapedimwa kwake kupeirwa kana kira amedimwa. ²⁷ Naicho alapedinwa ko asili ape kuhukumu kira apelumi uloi? ii ko sababu vode shirengo varengwa tohara kake bado uke kiuka uloi. ²⁸ Kokira icho chi muyahudi akero ko hali ya njaa, wala edinwa chi kuja ambak ku njaa tu katika usese. ²⁹ Kake icho muyahudi akeri numbenyi, na tohara nnyiva ngoo, katika ngoo, chi katika kirengo. sifa ya mundu o namuna iyo inefanana na vandu bali vanefuma ko makilunga .