¹ Koikyo avatereva, mdodi, kuhuruma sa Makilunga, ivinenyi oseselawamu lufe dhabihu iliyo hai, mwele, iuaidikija na Makilunga. Hiki njulio ibada isa iode maana. ² Nama mlavodye chakundu shindo shauri kalu kake mghalukye koitobirya uhya nia sanu. Utenyi kudi mdime manyo sha urikau kake mgharuswa uhya o nia savo utenyi kudo mdime manya saja vacha, vajavaorokye ko ukamilifu. ³ Kake nganamba, kokitevi kya neema iyo mleningigwa, kee kila mndu usaakeri kundi ikundinyajamwa apaswa ikusaramunu uye yake amonyi chakundo aketakirwa ikusara. Kake, nyamwika ikusara ko hekima, chakundu Makilunga amvavi kila mndu kiasi kya imani. ⁴ Amu jiode shilungo shifoje usesenyi umu, kake shilungo shose shiode kasii mupo. ⁵ Kudo kudo, isejikeri vafoje jikeri usese umu katika Kristo, na shilungo kila mndu mu koongi. ⁶ Jiode karama sisa sikeri kwacha kwacha sisajileningwa chakundu jileningiwa. Ikava kipaji kya unabii, naiutike yemanya jake. ⁷ Amu kipaji kya mndu nyi huduma, na utike na tumike. Nakoja ungi nyaode kipaji kye lose, basi, nafundishe. ⁸ Kokitevi kipaji kya mndu nyi faraja, kake, nafariji. Nakoje kipaji kya mndu nyifuna, naute kudo kudo ukarimu. Nakoje kipaji kya mndu nyishangwa, na kiutike ko ilambwa nacha. Kikava kipaji kya mndu nyi lora huruma, naiutike ko raha. ⁹ Ukundo ulave na kumeno. Ilishenyi shindo shivichwa; mshiadye shija shicha. ¹⁰ Kuhusu ukundo o vandondu, kundo nenyi inywe ko inywe. Kokitevi kya heshima kundanenyi inywe ko inywe. ¹¹ Chakundu ikuduma, mlave vanyonge. Chakundu ngoo, ivena shauku. Kokitevi kya Mndumi, muutienyi. ¹² Orokyenyi kokitevi kya ujasiri vajamkeri navo furi seichurisya. Mwe na ivedeja kokitevi kya shida sanu. Mwe motereva. ¹³ Muungie kuja ko mahitaji vavaja vaichi. Shiguenyi mwido ungi olore ukarimu. ¹⁴ Vaninginyi mbora vose vakinavatesa inywe; mvaninge mbora mlavadeje mbiagho. ¹⁵ Orokowenyi anduamu navaja vanaorokiwa fughenyi anduamu navaja vakerefugha. ¹⁶ Muve na mdoumu inywe ko inywe. Mlakusare ko iji kwesa, kake vaidikyenyi vandu va hali ya wanela. Mlove na hekima uye ya kisaro kyanu vavenye. ¹⁷ Mlamlike mndu wowose kivichwa ko kivichwa. Utenyi shindo shicha mesonyi ko vandu vose. ¹⁸ Chakundu kitakiwa, chakundu kilevikiwa kwanu, muve na imani na vandu vose. ¹⁹ Vakundo, mlakulihye ovichwa vavenyi, kake iseghenyi nyashi ya Makilunga. Amu kilere ghwa, ''Ovichwa nyokwa; Inyi ngapeliha,' Aamba Mndumi.'' ²⁰ ''Kake kikara mndu mbichwa wapo nyaichwe njaa, mwiuse. Kava na nyoda, mrise. Kokitevi kaaite kudo, nyupembikya makaa uye ya mdo wake.'' ²¹ Ulalemwa na uvichwa, kake uudime uvichwa ko ucha.