¹ Basi nganeamba, kira, Makilunga alevadikira vandu vake? Atu kinina. Kokira inyi Mwiisraeli, o ukoo o Abrahamu, o kabila ja Benyamini. ² Makilunha alevakunda vandue vake, olevamanyafunzi kata. Muichi kirengo kileamba kuhusu Eliya, jinsi alemukiri Makilunga uye ya Israeli? ³ ''Mundumi, valevanga manabii vapo navo varumbwa mazabahu sakwa. Inyi nyimonyi ngatereva, na vovaneshiga ucha okwa.'' ⁴ Kake ijibu ja Makilunga jineamba ki kwapo?'' Ngaderije ko vandu vakwa elufu sabini kira vanemukavia mgoti Baali.'' ⁵ Atu kudo, kieri ichu o lwaha kode valeteteva kokira uchaguzi o mbora. ⁶ Kake ivekeri ko mbora chi kavi ko shibende shingi mbora ipeva kavi mbora . ⁷ Ngi basi? Kindo iki Israeli avekenashiga, alepatapo, ila vaja valekipala, na vengi valetiwa milago. ⁸ Nakira ivekeri: ''Makilunga alevaninga ngo ya ubutu, meso ili valaone na madu valaichwa mupaka inu ijii.'' ⁹ Nacho Daudi aleamba, ''Tija mwsa savo sidamie ari, mudere, andu, ko kava mutidia, nelipiza kisasi dhidi yavo. ¹⁰ Tia meso vana vavikie moma ili valadime eona uvaramise mongo yava daima.'' ¹¹ Basi aamba, ''Vakavwa mutulia ata vakagwa?'' Ilave kudo kamwe. Badala yake, eshindwa kwavo, wokovu oshika ko masanga, ili ivo venyi vaningwa wivu. ¹² Lwaha ikava alemwa kwao ngi utajiri o urika, na kira nyashi yavo na utajiri o masanga, nyi kiasi kiki zaidi ipeva ekamilika kwavo? ¹³ Na lwaha ngane dedana inywe vandu va masanga. Kokira ngava mondumwa o vandu o masanga vafoje, nganekuvunia huduma yakwa. ¹⁴ Labda ngapevavikia wivu vakeri na usese umu na nyi. Labda jipe vakomboa baasi yanu. ¹⁵ Maana ikava ilengwa javo ikunda ko urikia, ledijwa kwao kipeva kuda ila uhai ifuma ko wafu? ¹⁶ Kira ndunda sa kuvoka nyi akiba, nkudo ikeri ko ibonge ja unga. Cha miru ya akiba, matawi navo kusalika. ¹⁷ Kake basi ya matawi vametemwa, kakira igwe itawi ja muzeituni, ulederwa kati yavo, kira uleshiriki anduamu nacho katika miru ya utajiri o muzabibu, ¹⁸ Ulakuichwe uyeya matawi. Kake kira munekuichwa, chi igwe uneitarama miru bali miru inekutarama igwe. ¹⁹ Basi upeamba, ''Matawi valetemwa ili ngipale evaja katika irungu.'' ²⁰ Ikinyi iloi. kokira muleapeamini kwavo valetemwa,kake ingwe uleimuka imara ko sababu ya imani japo.Ulakusare imonyi ko hali ya uye sana bali ogwa. ²¹ Ko maana Makilunga aletia matawi va asili, apekuhurumia igwe. ²² Lumbua,basi,shitende shicha na ukali o Makilunga. Koupande umu,ukali ulecha uye ya wayahudi kira valengwa.Kake ko ikunda jingi, ucha o makilunga upecha uye yapo,kira upedumu katika ucha ungi shinginasha igwe upelengwa kwacha. ²³ Nakira, vapendelea katika kutoamini kwavo, vapederwa kavi. Maana Makilunga aode uru o evadera kavi. ²⁴ .Ko maana ikava nywe muletemwi nnja ko asili muzeituni malawi na kinyume kya asili mulepandikisa katika kidi kikeri kicha, cha zaidi sanu iva Wayahudi, kira cha matawi va asili edima evadorisia kavi numbenyi ya kidi iva vavenyi? ²⁵ Kira vandodu ngauri mamanye, ehusiane na siri ii, ili Kira mulave na nganyi katika isura kwanu muvenyi. Siri ii nyi kira iomia o fumia katika Israeli, adi ekamilika ko masanga kupecha. ²⁶ Kudo Israeli vose vupeokolewa, kira yarengwa: ''Kufuma Sayuni kacha mukombozi. Ajifunie uovu kufuma ko Yakobo. ²⁷ Na ipeva agano jakwa anduamu navo, kieri ngapesifuna sambi sapo.'' ²⁸ Ko upande umu kuhusu injili, vanechukiwa kokira yanu. Ko upande ungi kutokana na uchagusi o Makilunga, vakundwa kokira kya vasura. ²⁹ Ko kira sawadi nedikirwa na Makilunga upebadirikapo. ³⁰ Kokira awali mvekeri momuasi Makilunga, kake lwaha moadija rehemu kokira easi kwavo. ³¹ Ko njia iyo iyo, lwaha iva Wayahudi vameasi matokeo vakenyi kutokana n huruma malejariwa inywe vapedima eadija rehema. ³² Maana Makilunga alevapunga vandu vose katika uasi, ili napata evaurimia vose. ³³ Chakundu kikeri uye ya utajiri na hekima na maarifa va Makilunga! Sipevachungusia hukumu sake, na njia sake sipemanyikapo! ³⁴ ''Maana nyunga aichi nia ya Mndumi? Au nyunga avamushauri wake? ³⁵ Au nyunga o kuvoka alemuninga kindo Makilunga, ili na lipe kavi?'' ³⁶ Ko maana kufuma kwake, na ko njia yake na kwake, shindo shose shikeri. Kwake uve na utukufu ndarasi. Amina.