¹ Mbiaghoyakwa! inyi cha kigheri kye sambua kikameida, na kiporo kye sambua zabibu mdemenyi O mizabibu: kuvode se kimdeme kya matunda kineghon wa swpo, kuode mtini o malimbuko vasa ngenavatama nipo. ² Vandu vaja vaamikeye valedekia ifuma orikenyi, kuvoode mundu mwadilifu ko vandu vose. Vose viche lemba ko iveaje ibuswa ndakame: kila mundu nyechimwinda mnduavo ko nyafu. ^{3 4} Moko vavo mecha sana ko inta uvichwa. Vaitorie vecheve hela, hakimu nyakeri savasavako hela, na mundu aghode oruu nyechevavia vengi kija akiuri nakipate. Isho nyisho vecheuta anduam, Mundu bora kwavo cha mtemba, Mwadilifu kwavo cha kidi kya misha. Ileshika mfuri ilededwa ipo numa na varingi vapo, mfuri uja o hukumu. Liaha nyi kiase kya unyamari. ⁵ Mlamwamini kila jirani, mlamdere msongoru ko mong'o oose. Venyi maakini ko kija mkekideda hata ko mundumuha uja achelemba mokonyi vanu. ⁶ Ko kuwa mwana nya che mfedhesha ndiye, na mpuu nyacheinuka ishindana na maye, na mka omwana o ghomi nyeshindana na mamko wake. Adui o mundu ana vsndu nyi vandu va kanyi kwavo vavenyi. ⁷ Kake cha kokwa inyi, ngape mlambwa Yahwe.ngapemavedeja makilungo o wokovu okwa. Makilunga okwa apengiadanya. ⁸ Ulavorokiwa ko kilevi kyakwa, adui vakwa. ngaguwa ngapekure, kighari ngapeva ngadamije momenyi. Yahwe nyapeva taa yakwa. ⁹ Ko kitevi ngalenta sambi dhidi Yahwe ngapeiria nyashi yake hata kangidda ikos jakwa, na itekeleza hukumu ko ajili yakwa. apengiende taaenyi na ngapemwona engiokoa hakinyi yake. ¹⁰ Nacho mbichuwa okwa iho andu ajioghona ijoo,na sonu sipemshikija uja alengivia," Yahwe makilunga wapo nguku akeri? meso vakwa vape mlambwa: Nyapevadwa guanda cha Odoko ipo shiongonyi. ¹¹ Mifuri ye shumba kuta sapo ipeshikya; mfuri icho mirasa nyipeseriswa kwacha sana. ¹² Ashuru na mirii yamisri, Ifuma misri hata dahudue, ifuma olubalibali, na ifuma ifumbunyi. ¹³ Njiorika so sipeva simekutenga ko kitevi kya vandu ivo vakedamia iposhi, ko kitevi kya itunda ja matendo vavo. ¹⁴ Ombia vandu vapo ko msenge wapo, Indiki ja Omaso Lwapo, vakedamia vavenyi ipo msudunyi, gholosi ya msudu, Vaombie kuja Bashari na Gileadi cha mifuri ya kala. ¹⁵ Gha mifuri y kigheri kija mfumie nja ya Orika lo Misri, ngapemlorenyi maajabu. ¹⁶ Vandu va Orika vapeona kee nyisonu sa oru Lwavo Loose. vapevikiya moko wavo momunyi wavo: mandu vavo vapeva vaichwepo.Vapekomba maifu cha njoka, cha njiolughara na mashuru vengi Orikenyi. ¹⁷ Vapefuma nja ko iovakoigwa; vapecha ko kitevi kyapo. ¹⁸ Nyiunga akeri makilunga cha Igwe, Igwe ucheiria sambi sedu, Inguwe ucheidia uye ya ikosa ja matasa vamrithi wapo? upendera nyashi ypo ndarasi, ko kitevi nyukundiye jilora agano japo ja uaminifu. ¹⁹ Halafu nupewa na makene ko ajili Ydu; nyupevada mavichwa guanda ya madende vake. nyupesikumba sambi sedu sose ipo olubalibalinyi kulehia. ²⁰ Peambia Loi Yakobo na Agano jiamikiye ko Abraham, nyulea ko vakui ko mifuri iyaa kala.