¹ Luaha adanyenyi kija Yahwe akenakideda", Imuka na udede kesi yapo mbele ya shifumbu; tija shifumbu shichwa iruu japo, ² Adanyenyi madai va Yahwe, Inywe shifumbu, na inywe msingi ifumilifu ya Orika. Ko kuwa Yahwe kena rimija anduam na vandu vake, na nyapekavana na mabarasa uyee ya Israeli," ³ Vandu vakwa ngikyo ngauta kwanu? ngamuningienyi molemwa mara kanga? shuhudienyi dhidi yakwa! ⁴ Ko kwa ngalevaende ifuma Orika la msiri na ivaokoa ifuma numbenyi ya utumwa. Ngalemduma Musa Aruni na mariam kwapo. ⁵ Vandu vakwa, kumbukenyi chakundu Balaki mangi O moabu aletunga, na chakundu Balam mwana O Beori alemjibu chakundu akeridambuka ifuma ko Gilgali, ko kudo nampedima imanya shiutio sha Loi sha Yahwe." ⁶ Aliaha? ngiende kiki ko Yahwe iho andu ngapedambuka ndemramia makilunga o uyee? luaha nngapedima icha kwake na sadaka se kora anduam na ngache siode mwaka umuu? ⁷ Aluaha Yahwe napeghorokiwa na shiku sha mamondo va ghomi, ana shiku ikumi sha dhu sa mafunda? aluaha ngimune mwanakwa o kuvoka ko ajili ya ikosa jakwa, ana ituna ja Osese lokwa ko ajili ya sambi sakwa ngimonyi?? ⁸ Nyalekuvia, mndu kija kikeri kicha, na kija kya Yahwe apekishigha kwapo: kyeuta Loi, ikunda ukarimu, idambuka ko uoloru anduam na makilunga wapo. ⁹ Iruu ja Yhwe janatangasa murinyi-hata Luah nganyi nyichekukiri rina japo," damia ayari ko msenge, na kooja aleidera. ¹⁰ Kuvode omaso numbenyi sa vanyamari, na kipimo kya uongo ikyonyi nyashi mnu. ¹¹ Nanga dima ngikusa ko mduuja alaghode kinyamaro ko kipimo kya kilembo anduam na mfuko o kipimo kilembolembo? ¹² Vandu va Omaso vaichurie unyamari, numba savo siichurie uongo, na miomu iyavo nyichurie vongo na olumi luavo. ¹³ ko ikyo ngapekuva msenge upeumisa, ngapekufnya ismo ko kitevi sambi savo. ¹⁴ Upeja kake upeighudapo, utupu wapo nyupebaki numbenyi yapo. nyupedera misigo yapo kwacha kake upedera, kija upekidera ngapeki ngakifuma ko ipanga. ¹⁵ Nyupevaja kake upesambuapo; nyiupesangiria zeituni kake kupekushija mafuda; nyiupeshindika zabibu kake upenywa divaipo. ¹⁶ Kanuni sileleberwa na Omri siletunzwa, na matendo voose va numba ya Ahabu. Mkenadambuka ko ushauri wavo. Ko kudo ngapekufanya igwe, muri, isamo, na numba sapo kindo. kinyamarikie, na mpeiria kimeno kya vandu vakwa.