¹ Mfuri ya mfalme ahusiero kamnenga malkia Esta mali yose ya Hamani, mbichwa o Wayahudi na ade kandosirya cheo Modekai kinesa natumike mbele sake ko kitevi malkia Esta anyevekeri amembia mfalme Ahusiero watee na Modekai. ² Ade mfalme kamnenga pete yake nja evekeri amemnenga Hamani, malkia Esta kamdosirya Modekai ili na ndue o mdeme o Hamani. ³ Ade Esta kadeda kavi na mfalme, kagw na ifugha ko mfalme, akemteveva mfalme nag'halushe ovari lo ivawagha Wayahudi vose kivekeri kimatangaswa na Hamani Muagagi. ⁴ Ade mfalme kamg'horoja msenge wake o dhahabu Esta, kakure na imukana aja ko mfalme. ⁵ Esta kaamba," kuje kyakug'horoka, na koje nganengwa kibali mbele yapo, utereve kufunwa utaratibu o g'hamsha barua isosireg'hiwa na Hamani o Hammedatha muagagi, baru iso sireghiwa kinesa sivaangamise Wayahudi wose vevekeri katika miri yose ya mfalme. ⁶ Kuda ngapeona uvichwa avanenga vanduvakwa? kuda ngapendima iona uyamari o vamog'ho vakwa? ⁷ Mfalme Ahusiero kamvia Esta na Modekai, mnyahudi, lambua ngamnenga Esta numba yose ya Hamani na velemdosirya Hamani katikati ya mdi ko kitevi nyevekeri nyeveuri navaangamige Wayahudi vose. ⁸ Koikyo adike urango wowose kokitevi kya Wayahudi ko rina ja mfalme na ikagwa mhuri ko pete ya mfalme kipeva ighhusa po. ⁹ Ade Waandisi va mfalme, vakakojana k kipindi ikyo ikyo mori icho o karadu, amu mori osi sivani mkono o ishirini o mori o karadu. mbiu nyeleandikwa yose iya Modekai nyeleva amurru Wayahudi vautiwe avenyi kila mri. mbiu iyo ileandikwa ko makida magavana na vadue va miri yose vevekeri ipo India na Ethiopia miri 127 kila mri ureg'hwa ko Wayahudi ko maandishi na lugha yavo. ¹⁰ Modekai nyeleandika korina ja mfalme Ahusiero na kakava mhuri ko pete ya mfalme. kadamada naraka ko makarishi, Akavadosirya uye matiko vakedambuka movinyi akedumika moviinyi ko kitevi kya mfalme vashajwa ko mfalme. ¹¹ Mfalme kavanengia Wayahudi vose katika miri utawala wake kiba kya isaghirya na ikuringa na rusa ya imara na, iiagha inyamara mdu wowose uja aode njia ua yewag'ha na ikwsudia iagha Wayahudi wose na waso mali savo. ¹² Ologho huinyarye luarijwa katika miri yase ya mfalme Ahusiero. mkono o mfuri o kumi na siradu ya mori o kumi na ivi amu nyimori o Adari. ¹³ Nakala ya mbiu nyiinyarye ifuma cha sheria na itangaswa kovandu vose Wayahudi vevekeri tayari ko mfuri icho iliha kisasi ko vichwa ivo. ¹⁴ Kudo matarishi vakadambuka na matileo vevekeri vaketumiwa ko hodama sa ufalme. Veledambuka movinyi. mbiu iinyevekeri imefnwa aja mri o shushani loi. ¹⁵ Ade Modekai kakure ko mfalme akeri avikie nguvo sa kifalme. Nguvo sa buluu na siilye na itaji jiduweja dhahabu na joho ja sumbarawe na mji oshushani ukaghoroka. ¹⁶ Wayahudi vevekeri na sia ya nganyi veleuta ndima na vakatotona. ¹⁷ Vandu vafoje veletamaniiva Wayahudi kitefi kya logwa wayahudi ikeri uye yavo.