¹ Ko ikyo na Hamani wakandambuka ndesherekea na malikia Esta. ² Kyeri kya mkono o kavi, baada alameendwa kilajo, mfalme kambia Esta," Ngikyo ngoo yapo iuri? na ngikyo kiterevo kyapo? kudo nusu ya ufalme o kwa upenengiwa. ³ Ade malkia kambia mfalme, koja ngamepata kibali mesonyi vapo, na koja nog'horokiwa, nginengiwa maisha vakwa, Na kundi nyio ifunda ja ngoo yakwa. na kundi nyi kiterevo ko vandu vakwa kudo. ⁴ Ko ikyo inyi na vandu vakwa dilekumbwa, ili dinyamariwe, Diiwag'hwe dideswa ke dekumbwe utumwani, cha mndumi na mndumuka, ngevava sau, imwitama mfalme." ⁵ Ade mfalme, Ahusiero kambia malkia Esta, "Nyunga icho? nyunga elekuteri ngoonyi kwapoiuta kindo ikyo? ⁶ Esta kaamba, nyushu mvichwa Hamani, kaadwa na kisaro mbele ya mfalme na malkia. ⁷ Na gasabu ya mfame ifuma ndimenyi ko kitevi kya na kadambuka bustani ya Ikulu, kake Hamani nyeltijwa emtereva malkia Esta kimacha naiokoe maisha vake ko kitevi nyeleona mfalme apemuntya uvichwa. ⁸ Mfalme kanya ifu busitaninyi ya ikuu na iingia chumbenyi kija kiveode kilajo, Hamani nyevekeri amegwa gwanda ya kochi jivekeri edamia Esta. Mfalme kailusha na iamba, apembikia sonu mlkia mbele yakwa na numba yakwa? kini na shidedo shilefume momunyi o mfalme, vaja vedumwa vakashikija kiamu kya Hamani. ⁹ Ade Habona nyu umu o vaja veketarama mfalme akambia mdi uode urefu o futi hamsini nyukeri numba ya Hamani, kivekeri kimeandaliwa ko kitevi kya Modekai, icho elefuna taarifa ihusu ideswa japo, mfalme kaamba, mdosirienyi Hamani uye yake. ¹⁰ Koikyo vakamdosiria Hamani uye ya mdiveleuandaa ko kitevi kya Modekai, na nyashi ya mfalme ikag'husha.