¹ Kiya kilekeho ivokea hedungia, kiya fukichue, kiya fukivonire kwa miso gheru, kiya fukilolerie na mavoko gheru ghakakivwara ifumana na kirero kyekilia. ² Na kiya kyekilia kihirirwe kikamanyika itangenyi, fukakivona fukakishuhudia, fukavamanyisha kyekilia mifiri yoshe, nacho kileke kwa papa kikinahirwe kikamanyika kweru. ³ Kiya fukivonire na ikiichwa fwakimanyisha kwenyu, kimecha muirime isanganyika hamwi na ifwe, na vumwe vweru hamwi na papa na mwana wakwe Yesu Kristo. ⁴ Fwa mwandikia findofi kimecha inuliwa yenyu litosheke. ⁵ Iki nicho kirero fukichue kifumie kwakwe fukavavilia, ruva ni kilanga na voshi yakwe haghireho mma hata kanndo. ⁶ Kana fukaghamba fughire vumwe nawe mira fwaivaria mmenyi fwalemba kangi fwahirafwe keni. ⁷ Mira fukaghendea kilangenyi, savundu we akekilangenyi, fwavwarana ifwe kwa ifwe na dhakame ya Yesu Kristo, mwana wakwe yafuelesha ifuma hena vifichwa fyoshe. ⁸ Kana fukaghamba fuhirire fwe fivichwa fwakulemba fweka, na haghireho keni voshi yero. ⁹ Mira fukatenya mri kwa mburi ya thambi teru, we ni mrakela mma kangi ni wa keni, heni ifureghea thambi teru na ifuelesha na fivichwa fyoshe. ¹⁰ Fukaghamba ku funahira fwe fivichwa fwamghosha ave mmongo na kirero kyakwe kikehocho voshi yeru.