¹ Gaari an firor aaruusmo Habakuki: ² Aako Mungu ani kangok ugwa axaas nee ani a da'ayumiit waa tlehhmi'iiwok kwad xirfoo kooma. Aako Mungu gadiyerok /abeeseek baraa' qoomaarihe nee baraa' qoomaarihe tlehhmi'iiwok geehhooutise baraa' buhhawoge gurtleemuwok inslaweek. ³ Mungu naa hardah i temanir daahh, insoda Hhoohhoo i gawaa tloomar paranir daahh. Xirfoowos dawri ngure tuuntuuk, nee dandoo yaamu ire haats xirfowose. ⁴ Mira/oo tsar igawaa dakos in gwa/at idor mankari nee dirii an dida aleesleemuwos kway luu/. ⁵ Tiqtir tsuut in geeraawos waa hi'it nee gwa'ara ya awos ngire digirdel. ⁶ Inos ire sihhiit yaamu ngire diingiis ire qaytsiit ayeemo ngire kwasltis. Tam tlomiida alhhe'eesee kooma aaka ngire hhitin waalo nee geengefaada alhhe'eesee kooma'aaka nire paahhii. Urwarose i alhheeesee koondaaka. ⁷ Muku yaamuu kushi ngure ar iwa baraa' slahh'amuu i dirii nee muku yaamuu Midiaani iwa daraaxi. ⁸ Aako Mungu kuung muna una faaki baraa' yae? Laqaa buhhawok aa baraa' yau /aqaa munerok a baraa' tlawi qoomar tawa tsa/an gawaa farsuuwok nee tawaa tsa/an gawaa' gaarduuwok kwada awa qwaatlo? ⁹ Ga/aleerok ngina hup i tuuntukumar koondaaka maheeri kire qas gawaa ga/aleero! Yaamu kire qasmis ner yau. ¹⁰ Tlomi kuung uwa ariye nire gurhaamutii. Me'ee naa wa/ii baray nina gawainer deelii alhhe'eeseda tser oo tlawi inre ilawaats. Bambeoros tada ar baaa tlawi ire sihhit gawaa. ¹¹ Tsee/iima nee sleehhengw tan sihhiit dirin tada taa hootatin dida gwa/atemaa meheriyok ngiwa arya nee dida /awaak ar gwa/atemaa lawluwok ngiwa ariya. ¹² Ana hi'iimit gawaa' dandoo yaamu ner munene nee baraa' buhhawoge ayeemo kire kal/aa/an. ¹³ Tare tleer as mukok kuwa ba/amis nee as heewok kwada taa imbalax kuwa ba/amis kuung doo geeraharusmoo muku tlakw kure saga gas nee ihhafiriir kare geehhoutis. ¹⁴ Sager slaqwaruuseda ana tlaqw ner maheeri'in awa kila asuma inooin nina hadaihhii idor fur'a as aten tunduwa diyaya/i inooin a idor muku a qwalaa/i as narkute ngiwa qawti gu/iya. ¹⁵ Ana hhayut ner farsuwok ner gawaa' dandoo tlawi tare waarahh ner braa' me'ee /uruu kooma. ¹⁶ Ani idor ngiwa axaas muunoee ina dararaax! afkwe'ee ina draraax sleme. Asuma hhituru'uma nina hardat baraa' faduee tam ya'aee sleeme nire dararaaxii idor hee deelodar slahhaamu ngi damaraam iwa hardat gawaa mukda a amoren i slaaqw. ¹⁷ Geeraho /antsi tin laqwalkahe laqaa sabiibu tim i na/ii konkahe nee geeraho xaii seituum=ni tam /aamu lo ngwa laqwalikahe tam qamu moroo/ayma ngu duxuna'akahe tam qeeraho moroo de'eengw hikwa tim faakia baraa' slumto ani ar ni tleehh a ti. ¹⁸ Aako Mungu un saqwalalaa/ un saqwalalaa/ asuma inos an Munguduu balamusmooee. ¹⁹ Aako Mungu kwadoo Aako inos an /uruuee nee diqee ngun gawdemiis idor kwadoo tlaqati. Inos ani in alee/ii niwa tsa/an ay diree tada ar gawaa' ngiwa digirdeel idor daa'aangw nee xooslar'ee tada ta bay gidoondoori.