¹ Ani nire sihhiit dir'ee tada niw axumxaam nire tsa/am gawaa /aampa nire gawada waa xumaamiis aso inos ani gar bay nee idor ni /iis daandoo wa/aa/ir eere. ² Aako Mungu ani ire bay igu'utuwi oheek nee gooimeek gawaa' daandoo peehhi as kahho umoo hee kangwsing ngwa soomin guway nguwa sleeslay. ³ Asuma igu'utuwi siiwaar kus hariim a tada xaw nee aa kangw lo oo alhhe'eeseyda xaw. Bartaxes i idadaa/ kuung dameek. Asuma loeemawo ni xay nee i idaa/iika. ⁴ Ga/aawaak mukda tlakweemaa tlehhahhiit i hardihhika. Nee kwada gana'amuu koom in slaaf ner haratlintaao. ⁵ Asuma difaai aa slaslawar al/aymuso'o masoomoo daara/aam gitla ngu tu/iika nee ilatleerir hee idorii a idor tidar baa'a nee idor ti dar gwa'ara i baloo axiika. Inos in buruumburin waa baraa' umoo ayeemo, nee inos in buruumburin waa ayeemo asuma muu sleemeero tawa kos. ⁶ Moroowi sleemeero gar tlehhiti a tadaeke tuwa nooin ner daa'aangw waangera tada tawa kaahi "Tsaxwaawos kwad moroowos dogiit ner moro' muku hatla, tada taa geera i o ka ki/is aa daqalaa? ⁷ Mukda kuung u tlatuus ni tlaykahe ner wa'ii wak ture oh? nee mukda kuung u da'ayumiit in sihhitikahe? kuung ure ohiya. ⁸ Asuma kuung muku yaariir una hayooha hiin nee panayda aa meet kuung tun hayoh. Asuma tserduu yaariir oo muu ina ku'umaamis nee tlaweemada taa tlehhahhit dir muu sleemeero kwad hoot waa baraa' yaamuin nee baraa' mijinay'in. ⁹ Aa tsaxwaawos kwada do'owos ngwa daqaarti'iis ner moroo malgu'umaar maroo muku hatla nee do'os oo tleer gawaa' ngure tleehh as inos gar tlakw nguwa sleeraka. ¹⁰ Kuung doowok una mureekes as idoda muku yaariir kuw qororo'o maamis kuung tlakweema iga tlehh nee slafingok kure kilog qwaares. ¹¹ Gawaa' idoorihe tlaa/e i uiya wa baraa' alee nee waaqasoda oo geehhay ire ilaaoh. ¹² Aa tsaxwaawos kwada muji ngaa tleehhi ner tserduu muu kuumis nee muk=ji ngaa ihhaf ner moroo hara/untsa. ¹³ Ga/awaak gaari i amor Aako Mungu aleesleemusmo ngin dahh ar gidaaba ti muu iwa ditsokusi as gar asla i /ay ayeemo sleemeero nee ayeemoo hatla gar kona i kahh? ¹⁴ Asuma xirfoo Aako Mungu yaamu ngina hatsiis idoda ar ma'aay tlawi ngir hatsimaamisiya. ¹⁵ Aa tsaxwaawos kwada inslaawmowos ngwa wahas ner gar oonitimis nee kuung kwada qarkwa qaamiim as kahho tawa oonimiti waalo nee kuung /ankwetsoin kuwa ge/eer. ¹⁶ Kuung an hats waa murekesay ta xirfowo. Kuungo kila na waheek daqade taa /anketsitsiin. Xooslmo doodakw doo /uyay oo Aako Mungu ni hardah dirok ure wahaas ner aleesleemuwos xirfuwok kure tuntuuk nee murekesay. ¹⁷ Tlakweemada taa tleehhahhit dir muku Lebanoni kuug u iki/iiya nee makeda taa qororo'o maamins kuung u da'eer aya. Asuma tserduu muu ina kuumaamis nee tlakweema ina tleehhahhit dir muu sleemeero kwada hoot waa baraa' yaamuin nee baraa' mujinayin. ¹⁸ Mungii slaqsaay gar uwa buya a mila? Nee heeda Munguu slaqsaay ngwa tleehhi aluwo ngure i guruungeeri'iit nee ngure ma'aamiis neesi aa intsahhatusmoo lama, asuma gatliyer dabawos ngin haratlinlatii ar Mungii aa tleehh ner dabawos mungiida axweesa'aka. ¹⁹ Aa tsaxwaawos kwada kah, Xaonotlawang nee kwada tla/ar axweesaaka ngi babaw, sihhiitang. Aso moroosing kuung u itsaahhaatisi? Aso ga/aweek moroowi kuna imbalaaxa ner sahaabu nee muqslada peesa nee baraaine i hinsloo kona'aka. ²⁰ Nee Aako Mung i baraa' kwada hhoohhoo! Yaamu sleemero i xasliitiye dir geeraawos.