¹ Kaangwi an igu'utu aarusmo Habakuki aa ar, ² Aako Mugnu kuung u i /aa/amaamiim ay daqala nee firoree ka siaaiin ay daqala? Kuung una i /aa/amamiim asuma malgu'uma nee kuung i sla'aka ba/amisaro. ³ Asuma mila mis moroo tlakwii laqaqaan nee tleehhmii tlakw ngiwa ga/aw. Asuma hhita nee malagu'uma i geerae=ae diri'iiya tsufrangw nee tlampa'ami naa geeraaee diri'iiya tsufarangw nee tlampa'ami naa geeraaee sihhitii. ⁴ Asuma haraeya kaa waaslaa muku hoot ner gan'amu kun hhititin nee muku hotaa tlakw afi qooma sleemeero. Asuma gan'amu kuna harweer nee tlakweema gawaa idoorihe, gan'amkuu lama ku hingees, "Aako Mungu" aaruusmo Habakuki ngure bay. ⁵ Qayste baraa ayeemo nee ki iada daqanirko ta waa/o/a nee ta amooqwada. Asuma ani gadiyerka atleehh dir kuunga tar slafingwi kahha gadiyer kuunga ta haratlintiaaka tan kingi ooi. ⁶ Asuma ga/awaak ani xooror Kaldayo ngi tlees xooroda dihh toda /uureemaa koom inooin kwada waraarahha ner baraa' ayeemo as aalir muku hatla ngiwa aaliya. ⁷ Mukwi a muku tlakw nee ki da'ayumiit waalo mukwi a sagerin ngin /ayiya baraa' u=kwasleemaduine nee baraa' uray'ine. ⁸ Farsuin i ti'in ta /ihiwiro ki isalaah ta towe nee slaqwaruseda faras ngwa tsa/an amor i dawaka saaw inooin kin islahh tan fuuraaru idor gwarsoo moroo/aymar aw. ⁹ Inooin sleemeero nin hardihiya as malgu'uma daaqooreyin in hi'iit idor fur'ar yaamuu duruq unooin muu kure burumbuur idor hhaasaangw. ¹⁰ Inooin waawita kun waaqaawaq nee uruuser'in kanar /aats. Aaaleer miji dirine aa gar waaqa'aatit kan hhaper i hatsiis nee muku baraa mujida kure hingees. ¹¹ Inooin tare waaraahh ner banslaay idor fura inooin talkweema ngin tleehhitiya nee i hhaslitiaka asuma /uuree mooin kwada kona oo baraa Munguin Aaruusmo Habakuki Aako Mungu ngure maahaas /aymuu hatlae. ¹² Aakoo Mungu ee, kwada hhoohhoo kuung aa kwad eke daadaw imir ihhaafiri nee baloo alhhe'eesee koondaaka? Aten diroge a hhaamanaka. Aako Mungu kuung muku Kaldayo nguna omooreni tles as aten inooin tundu waa sakwasleemutiya nee kuung tla ala mukda ugwa aleesleemuu i hariis as aten tiwa difiya. ¹³ Kuunga ilaahung ki hhohho tam moroo tlakw ga/aangoo ngu slaiaka kungunda tlehhmuu tlakw u sla'aka ga/aango ihii asuma mila mukda al/aymar tlehhat mis tawo ge/eer? Nee qoomar hee tlakw bir hee hootaa ganaa ta inose ngu gaamiis mas an dirogi xaslit? ¹⁴ Muu kure idor siyoo baraa tlawi tlehh, nee idor yaawasla kwada awa waawutumoo kooma'aaka. ¹⁵ Inooin muu ngun ohina ner tamberin kwadoo siyoo ohingw muu kure burumbuur baraa baratsufay in Gawaa' idoorihe inooin tan qwalalaa/ nee tan baahhuus nee inooin tin xirfemisiya waalo. ¹⁶ Gawaa' idoorihe inooin ilahhooar moro'oo ta tsu/i ngun harmisiya dir baratsufay nee baratsufayin ngu ila hhooar moro'oo da/a/aangw i harmamisiya asuma bratsufayin kwada ngaa leehhooar ay nee moroo/aymar yariire. ¹⁷ Gawaa' idoorihe mukda oo baraa' bartsufayin dirii ay dir kway faaki tsu/taro tay komiit amor muku ayeemo tam ki baloo gurtlayka?