¹ Usi mukali hili mughosi mukekulu. Bhali muhe mweghokati tata ghobhe. Ubhala mwegho bhalumba bha sighosi kukubha ni bhamughana bhobhe. ² Ubha he mwegho bhakema bhakekulu kati majo bhobhe, no bhakema bha sumba kati bhajojo bhobhe kubhusafi bhonse. ³ Ubha heshiimu bhalekwa, bhalya bhali bha lekwa bhwene bhwene. ⁴ Lakini kabha mulekwa alinobhana ama bhesukulu, bhaleke kwansa bhefundishye kulola hekima kubhantu bha halugho bhabho bhene. Bhaleke bhabhalile bha syale bhabho bhwema, kukubha jeji jili kuhukumu pendesya mbele ja kabhuu mba. ⁵ Lakini mulekwa bhwene bhwene ni ghulya ghogha lekwanga ghongwa. Nagho akobhika itegemeo lyaje ku kabhuumba. Nfuku syense akoji kala kusala no maombi bhufiku no muchana. ⁶ Ningatetyo, mukema ghulya ekuishi kubhuma lajaghafya, ningibho ali mupanga. ⁷ No ukagha hubhili aghe maghambo ili kubha bhalibhi no lawama. ⁸ Ila kubha muntu no asi bhatu nsile mughana ghaje, nkana ni bhalya bhali halugho mumwaje, ghajituna imani no nimbi kuliko muntu ghwatula imani. ⁹ Bhasi mukema anyeghele sibhwe ku aloza kobhe mulekwa ghwakubha no umuli ghwabhusila ku punguka miaka makumi ukagha, no nimu kema ghwamughosi ghumwi. ¹⁰ Lazima abhe no aju likene ku matendo masogha, mukubhe kubha akubha tunsya bhana ama ghakabha mukalimu kubha gheni ama gha sungamaghulu ghabhe kuamini, ama ghabha tunaila bho kabha bheku tejibhwa, ama ghake tumianga kumi limo syonse misoghe. ¹¹ Lakini kubhalya bhalekwa bhasumba, tuna kubhaghandi kisya ku oloziha ja bhalekwa. Kukubha bhakengila kuhamuja mitumba dhidi ja Kilisiro, bhehensile kutolwa. ¹² Kunjila jeji bhako jingila kuhatia kukubha bhako funaghakwi fyuma kwabho kwa kale. ¹³ No kabhili hujingila ku kalendeleo ka bhufika. Bhabhobhako nyengela lugho kulugho. Tekubha ni bhafila, bhali kabhili bhakobha bha mbeja no bhakwingilila maghambo gha bhandi. Bhabho bhako tende maghambo gha sibha hesibhwe kugha tenda. ¹⁴ Ku tetyo une nlensile bhakema bhasuma bhatolwe, bhafyale bhana, bhasimamie ngo syabho, ili kujila kumuha adui na fwaji ja kutusitaka ku kwila saambi. ¹⁵ Ku sabhabhu bhandi bhabho bhaka muhindukila shyetani ama (ibhilisi). ¹⁶ Kobhe mukema ghoghonse ekuamini ali no bhalekwa, bhasi no abhafunanile, ili kanisa lisumbibhwi, ili likobhole kubhafunanila bhalya bhali bhalekwa bhwene bhwene. ¹⁷ Bhasi bhalya bhakekulu bhobhe ku tawala fisogha bha pandisibhwe kubha bhekustahili bhutulame malakengi, nkane bhalyako ho bhekwishyughulisha no kuufndisya ighambo lya kabhuumba. ¹⁸ Kukubha ma andiko ghatenjile, ''Usimufumbi ng'ombe sinywa hoakulya nafaka, ''No ''Mukola muhimu ahenjile mushyahala ghwaje.'' ¹⁹ Usipokeli mashitaka dhidi ja mukekula tu kubhakulima bhahola bhabhili amabhatatu. ²⁰ Bhakalalile bhakosefu mbele ja bhantu bhonse ili bhandi bho bhasibhile hamwi bhalo ghubha ha. ²¹ Ndiku kulaghisya kudhati mbele ja kabhuumba, no mbele ja Kilisiro Jeesu, no misambwa bhateule, kubhaugha tusye maleghi aghe bhusile bhubhaguzi bhobhonse, no kubha usiile ighambo lyolyonse ku kubhu pendeleo. ²² Usimubhikili muntu ghoghonse mabhoko halaka. Usishiliki saambi jamuntu ghundi. Jiku hensibhwe kwitusya ghwe mwene ubhe musafi. ²³ Tekuhensibhwe kunywa mansi tuwe. Badilijaje unywe malwa kidogo kujili ja bhula no malasi ghobhe gha mala kwa mala. ²⁴ Saambi syabhantu baazi sikololeka hanse, no hubha longombo lela kuhukumu. Lakini saambi sindi sikolonda baadaje. ²⁵ Tetyoe, simeli milimo misogha sikololeka kubhu wazi, lakini ningi sindi tesina lifisa.