¹ Nonwe mwegho ghukutenda halafu kubha katika bhwakali bhwisile baazi ja bhantubhalikajileka imani no kabha makini kuhulikisya myegho silya sikolembwa na mafundisho ghakimyujize. ² Ghalya ghalokafundishibhwe katika katika malami no bhunafiki. Mipango jabho jilokahindulwa. ³ Bhalokabhatunya kulola no kupokela fyakulya filyakabhumba fyoghake bhumbange fitumike ku shalani miongoni mwabho bhaamini na bhakanya kumanya bhwene. ⁴ Kusabhabhu kila sintu silya kabhumba syoghakaletanga ni syema. Kutuhu sintu syotukopokela ku shukulani sihensilwe kutunwa. ⁵ Kusabhebhu sikulafibhwa kuhwila ighambo lya kabhumba ni kusila ja kumsenghe. ⁶ Kubha unaghebhwika maghembo ghagha mbola ja bhamughana, ulobha mkola milimo musogha ghwa Jeesu Kilisto. Kusabhabhu ghasitawi kumaghambo gha imani no kumafundisho masogha ghowaka londa. ⁷ Lakini situne hadisi sye kibhwelelo silya syobhanyomilwe bhakema bhakekulu. Badala jaji lifundisye ghenyene katika utaua. ⁸ Ku maana mazoezi gha mtumba ghafaile kidogo, bali bhutaua bhufaile nkana kusumba maghambo ghonse. Kutusya ghadi kumaisha gha nonwe. No ghalya ghesile. ⁹ Bhujumbe bhobhu ni bhwakugholelewa no obhuhensilwe kupokelelwa kabhisa. ¹⁰ Bhukobha ni kusabhabhu jeji tukusamba nokwila mlimo kubidii nkane. Bhukobha lulinabhujasili katika kabhumba lie mpanga ambaye nikesabhula wa bhantu bhonse, lakini hasa kubhalya bhamwamini. ¹¹ Ughetende no kughafundisya maghambo ghagha. ¹² Mtu ghoghonse nasibhutungali bhusamba bhobhe. Badala jaje ubhe mfano kubhantu bhonse bhaamini katika bhutende, mwenendo bhunyomwe, bhwaninifu, no bhusafi. ¹³ Mpaka hondakajisa mudumu katika kusoma katika kuonya, no katika kufundisya. ¹⁴ Usijizalau kalama jilimomukati jobhe joghwakahebhwanga kuhitila bhunabii, kukubhikilwa mabhoko no bhakekulu. ¹⁵ Ughajali maghambo ghagha. Ishi katika ghagho ilikukula kobhe zahili kubhantu bhonse. Zingatia nkana mwenendo ghobhe no mafundisho. ¹⁶ Dumu katika maghambo ghagha. Maana kukukwila tetyo ulolisabhula na bhalya bhakokuhulikisya.