¹ Baada usuu atho sabato, saka kucheni elekeani thami mwanzo jumaa, mariamu magadelena, mariamu wathe ratsi waana kaburi. ² Keki thararuki gano, sababu malaika Bwana athe luthuku vingirishani jiwethe gwahi. ³ Sura isuu umeme, bago isuu karume kaka theluji. ⁴ Walinzini riko hofu kaka nzee.

⁵ Malaika fafanuliani nathesa onzi, bawa rikothena elethe hikane yesutho, athe sulibiwatho. ⁶ Athe kine kaka athe onzinyawa. Roi waana Bwana boamiwa.

⁷ Rathako haraka onzinawa wanafunzi isuu, Athe kine thipemi nzaeni, keki tanguliatho Garilayatho. Ukwa waana. Keki anyii athe oditha.

⁸ Nathetsa ukethi kaburini haraka hofu ekei olo furaha gano, onzinyawa wanafunzi usuu. ⁹ Keke yesu kutanani nakusi onzi, salamu, Nathetsa athe elethe kamiwa thaka isuu, abudutho. ¹⁰ Yesu onzinya, bawa rikonawa rathako onzinya ndugu itsi tanguliatho galilayani uko athe waana.

¹¹ Wakathi nathetsa rathako keki baadhi walinzi rathako mui ukwa oditha makuhani gano mapo akale thipemako. ¹² Aro makuhani kusanyikakuni gananumi jadilini japo ukwa wathukwe atha thipemi kiasi gano mapesani askari. ¹³ Oditha, onzi wathe wanafunzi yesutho ratsi himathe ibani miisho yesuni wakathi uthu bomiwa. ¹⁴ Taarifa ukwa fikiatsi liwali, uthu shawishini ondoleeni nyakae mashaka akale. ¹⁵ Askari kamiwa mapesa falano elekezwani, Habari uko eneakutho wayahuditho akale hadi atho.

¹⁶ Mtume kumi olo wathukwe rathako Galilaya mlimetho elekezekuni, ¹⁷ Athe waana, athe abuduni. Baadhi isuu waana shaka. ¹⁸ Yesu ratsi kunuu onzinyawa, kemiwa malaka akale giritha, olo wakatha ¹⁹ Rathako falano mataifa akale wanafunzi Batizani sare Baba olo gwitso olo Ruhu mtakatifui. ²⁰ Athe futamumako kamiwa mapo akale athe amurutho, keki nyii uko wathukwe nyakae daimani mwisho girithani.