¹ فیر تڑکے یسوع ہیکل وچ گیا تے اوتھے اک بنده سی جیدا ہتھ سُکیا ہویا سی ۔ ² اوه اوہنوں ویندے سن پئی وہکھیئے اے سبت والے دِن اس بندے نوں چنگا کرے گا کہ نئیں۔ اوه اوہدے تے غلط کم کرن دا اِلزام لان واسطے کوئی بہانہ لبھدے پھردے سن۔ ³ یسوع نے اُوس سُکدے ہتھ والے بندے نوں آکھیا اُٹھ تے ایتھے ساریاں دے وچکار کھلو جا۔ ⁴ فیر اونے لوکاں نوں پُچھیا " سبت والے دِن چنگے کم کرنا بجا اے کہ بدی کرنا، جان بچانا کہ جان کھوه لینا "؟ پر او کُج نہ بولے۔ ⁵ اوہنے بڑے غصّے نال چار چویرے اوہناں نوں ویکھیا تے اوہناں دے سخت دل دی وجہ ناں اوہدا دلِ بڑا ای دُکھیا۔ اوہنے اُوس بندے نوں کہیا " اپنا ہتھ آگے ودھا"۔اوہنے اپنا ہتھ اگے ودھایا تے یسوع نے اوہدا ہتھ چنگا کر دتا۔ ⁶ تے فورا ای فریسی اوسے ویلے باہر گئے تے ہیرودیس دے نال والیاں نال صلاح کیتی تے اوہناں اوہنوں مار دین دی متہ لکایا۔ ⁷ فیر یسوع اپنے چیلیاں دے نال پراں سمندر ول نوں ٹُر گیا۔ اوتھے لوکاں دی واہیواه بھیڑ گلیل تے یہودیہ۔ ⁸ یروشلیم، ادومیہ تے یردن دے پرے پاسیوں صور تے صیدا دے علاقیاں نوں اوہدے مگر آگئی۔ اوس وڈی بھیڑ نے اودہیاں کماں بارے سُنیا جو او کردا سی تے اوه سارے اوہدے کول آگئے۔ ⁹ اوہنے اپنے چیلیاں نوں آکھیا کہ اوہدے لئی اک کشتی تیّار رکھن کیوں جے بھیڑ (اینی ودھ گئی سی تے ) اوہدا دباوٴ اینا ودھ گیا سی کہ خورے او اوہنوں مِدھ ای دیندے۔ ¹⁰ اوہنے کئی بیماریاں نوں چنگا کیتا۔ اپنے اپنے لوکاں نوں چنگا کیتا کہ جیس کسے نوں بیماری یا لاچاری ہوندی او اوہدے اُتے ڈھے جاندا سی، اوہناں دا دل کردا سی کہ کِسے طرح اوہنوں ہتھ ای لا لین۔ ¹¹ جدوں کدی پلیت روحاں اوہنوں ویخدیاں اوه اوہدے اَگے زمین تے ڈِگ پیندیاں تے چیکاں ماردیاں تے اوہنوں کہندیاں " توں رب دا پُتر ایں"۔ ¹² پر او اوہناں نوں سختی نال چُپ کیتے رہن دا حُکم دیندا۔ کیوں جو اوه نہیں سی چاہندا کہ اوہدے بارے دس کہ اوه کون اے۔ ¹³ اوه پہاڑ دے اُتے چڑھ گیا تے اوہناں لوکاں نوں اپنے لاگے بُلایا جنھاں نوں اوہ اپنے کول بُلانا چاہندا سی تے اوه اوہدے کول آگئے اوہنے اوہناں وچوں باره نوں مُقرر کیتا ¹⁴ ( تے اوہناں نوں رسول آکھیا ) تاں جے اوہدے نال نال رہن تے اوه اوہناں نوں منادی کرن لئی گھلے۔ ¹⁵ تے نال اوہناں کول بدروحاں نوں کڈھن لئی اختیار ہو وے۔ ¹⁶ اوہنے بارہ نوں مُقرّر کیتا؛ شمعون دا ناں پطرس رکھیا۔ ¹⁷ یعقوب جیڑا زبدی دا پُتّر سی، تے یعقوب دا بھرا یوحنا (جنھوں اوہنے بوانرجس" دا ناں دِتا جدا مطلب اے گرجن والے بدّل دا پُتّر )۔ ¹⁸ تے اِندریاس، تے فِلپس، برتلمائی، متی، تُوما، الفائس دا پُتّر یعقوب، تدّی، شمعون قنائی۔ ¹⁹ تے یہیوده اِسکریوتی جنہیں اوہنوں دغا دہتا سی ۔ ²⁰ اوہدے بعد اوه گھر وچ گئے پر لوکی اینے کٹھے ہو گئے کہ اوه رعتی وی نہ کھا سکے، جدوں اوہدے گھر والیاں اے سُنیا تے اوہنوں پھڑن نِکلے ۔ ²¹ کیوں جو اوه آہندے سن کہ "اوه اپنے آپے وچ نئیں۔"۔ ²² تے یروشلم توں آن والے کئی فقہیاں نے آکھا کہ " اوه بعل زبوب دے وَس وچ اے" تے نالے "اوه بدروحاں دے سردار سی مدد نال بدروحاں کڈھدا اے"۔ ²³ یسوع نے اوہناں نوں سدیا تے تمثیلاں نال گلاں کرن لگ پیا۔ اوہنے آکھیا شیطان، شیطان نوں کیوں کڈھے گا۔ ²⁴ کسے راج وچ پُھٹ پے جاوے تے اوه راج کھلو نہیں سکدا۔ ²⁵ جے کسے گھر وچ پُھٹ پے جاسے تے اوه گھر کھلوتا نئیں رہوے گا۔ ²⁶ جے شیطان اپنے خلاف کھلو جائے تے اوہدے وچ ھت پے جاوے تے او قائم نئیں ره سکے گا، ²⁷ کوئی بندہ کسے تگڑے بندے تے (دے) گھر وچ وڑ کے اوہدیاں شیواں چوری نہیں کرسکدا جدوں تیکر اوه پہلاں اوس پہلوان نوں ہتھ نہ دوے تے فیر اوه اوہدے گھر وچوں اوہدیاں شیواں چوری کرے گا۔ ²⁸ مِیں تہوانوں سچ آکھناں کہ بندیاں دے سارے گناه معاف ہو جان گے بھاویں جِنا وی کُفر اوہناں نے بکیا ہوے اوہدی معافی ہو جاوے گی پر، ²⁹ جیڑا بنده رُوح القُدس دے خلاف کُفر بکدا اے اوہدا قصور کدی معاف نئیں ہو وے گا بلکہ اوس بندے دا گناه قائم رھے گا۔ ³⁰ یسوع نے ایہہ ایس لئی کَیا کیوں جو اوه کہندے سن کہ " اوہدے وچ پلیت (بد) روح ہے" ۔ ³¹ فیر اوہدی ماں تے اوہدے بھرا باہر آن کھلوتے اوہنوں سنیا کھلیا تے اوہنوں باہر سدیا۔ ³² تے اوہدے دوالے واہواه لوکی بیٹھے سَن۔ اونہاں اونہوں آکھیا " تیری ماں تے تیرے بھرا باہر کھلوتے نئیں تے اوه پُچھدے پئیے ہن کہ توں کتھے آں"۔ ³³ اوہنے اوہناں نوں جواب دیتا کہ " میری ماں تے میرے بھرا بھلا کون نیں۔ ³⁴ فیر اوہناں ویکھیا جیڑے اوہدے آلے دوالے بیٹھے سن تے اوہناں نوں آکھیا " ویکھو میری ماں تے میرے بھرا تے ایتھے ہین۔ ³⁵ کیوں جو کوئی رب دی مرضی تے چلدا اے او ہی میرا بھرا تے میری بہن تے میری ماں اے "۔