¹ یسوع مسیح جیڑا رب دا پُتر اے، ایہہ اُدی خُوشخبری دا شُروع اے۔ ² جدوں اُہدے بارے یسعیاه نبی دی کتاب وچ وی لِکھیا اے کہ ویکھ میں اپنا رُسول اپنے اگے اگے گھلاں گا، جیڑا تیرے لئ راه تیار کرے گا۔ ³ تے ہُن جنگل بیابان وچ کوئ آواز کُوکدی اے: خُداوند دے آن دیاں تیّاریاں کرو، اُہدیاں راہواں سِدیاں کرو ۔ ⁴ جدوں یوحنا آیا تے اوه گُناہواں دی معافی لئ توبہ دے بپتسمے دی مُنادی کرکے جنگل بیابان وچ غوطے دیندا سی ۔ ⁵ تے یہودیہ دے سارے مُلک یروشلم دے سارے لوکی اوہدے کولوں بپتسمے دا غوطہ لِین آن لگے پئےتے جدوں اوه اپنے قصور سُن لیندے سن، اوه اوہناں نوں یردن دے دریا وچ غقطہ دیندا سی، ⁶ یوحنا اونٹ دے والاں دا چوغہ پاندا سی، اوہنے اپنے لک دوالے چمرے دا پٹکا لویٹیا سی تے او ٹڈیاں تے جنگل دا شہد کھاندا سی۔ ⁷ اوه ایہہ کہہ کے منادی کردا سی کہ کہ " میرے مگروں اک ہور بندا آئے گا جیڑا میرے نالون واہوا تگڑا ہوئے گا، میں تےجوگا وی نئیں کہ تھلےبیہہ کے اوہدی جُتیاں دے تسمے میل (بن) دواں۔ ⁸ نیں تے تہوانوں پانی پانی نال غوطہ دیناں واں پر او تہوانوں روحِ پاک دا غوطہ (بپتسمہ) دوے گا ۔ ⁹ اونیاں دناں وچا اینج ہویا کہ یسوع گلیل دے علاقے ناصرت توں آیا تاں جےیوحنا کولوں یردن دے ردیا وچ بپتسمہ لوے۔ ¹⁰ جدوں یسوع پانی توں اُتاں آیا تے اُہنے ویکھیا کہ آسمان کُھل گیا تے رب دی روض کبوتر وانگوں اوہدےاُتے اُتری ۔ ¹¹ تے نال ای انہوں ای آواز آئ کہ توں میرا سوہنا پُتر ایں۔ میں تیرے تے بڑا راضی آں۔ ¹² فیر اوہنوں رب دا روح کھچ کے پیابان وچ لے گیا اوتھے شیطان اوہنوں آزماندا رہیا۔ ¹³ اوتھے اوه جنگلی جانوراں نال سی تے فرشتے (اوہدی خدمت کردے سن ) اوہدیاں لوڑاں دا دھیان رکھدے سن۔ ¹⁴ جدوں یوحنا پھڑیا گیا اوہدوں یسوع گلیل وچ آکے خُدا دی خُوشخبری دی منادی کرن (لگا) لگ پیا۔ ¹⁵ اوه نے کہیا سی؛ "ویلہ آگیا اے، رب دا راج لاگے آگیا اے ! توبہ کرو تے خُوشخبری تے ایمان لیاوٴ" ۔ ¹⁶ جدوں اوه گلیل دے دریا دے کنڈے جان ڈھیا سی، اُنہیں شمّعون تے اوہدے بَھرا اِندریاس نو ویکھیا، اوه دریا وچ جال سُٹن ڈئے سن، کیوں کہ :تاں جو: اوه مچھلیاں پھڑن والے سن۔ ¹⁷ یسوع نے اُنہاں نوں کہیا۔" میرے مگر آجاوٴ تے میں تہوانوں بندے پھڑن والے بنا دیا گاں۔ ¹⁸ اوه اوسے ای ویلے جال سُٹ کے اوہدے مگر مگر آ گئے۔ ¹⁹ ماڑا جئیا اگاں گیا تے اوہنے زبدی دے پُتّر یعقوب تے اوہدے بھرا یوحنا نوں ویکھیا، اوه کشتی دے اُتے اپنے جال گنڈھن ڈئے سن ۔ ²⁰ اوہنے اوسے ای ویلے اوہناں نوں واج ماری تے اوه اپنے پیئو زبدی نوں کشتی دے وچ دیہاڑی داراں دے نال چھد کے اوہدے مگر مگر آگئے۔ ²¹ اوہدے بعد اوه اوسے ای ویلے کفر نحوم وچ پہنچیا تے سبت والے دِن یہودیاں دے عبادت خانے جا کے اوہناں نوں (کلام) سکھایا۔ ²² لوکی تے اوہدی تعلیم توں حیران ره گئے، کیوں کہ (جو ) اوه فقیہاں وانگوں نئیں سی سکھاندا، پر اینج سکھاندا سی جیوں سب کُج اوہدے ای اختیار وچ اے۔ ²³ اودوں ای اوہنے عبادت خانے وچ اِک بنده سی جدھے وچ پلیت روح سی اوه چیکنن لگ پیا ۔ ²⁴ یسوع ناصری ساڈا تیرے نال کی کی لینا دینا؟ توں سانوں مُکان آیاایں ؟ میں جاندا آن کہ توں کون ایں۔ توں تے رب دا اک و اک پاک ایِں۔ ²⁵ یسوع نے اوس جن نوں جھڑک مار کے کیہیا " منہ بند کر تے اہہدے چوں نکل جا"۔ ²⁶ اوس پلیت جن نے اوس بندے نوں تھلے سُٹ دِتا تے زور زور دی چانگراںمار کے اوہدے وچوں نکل گیا۔ ²⁷ سارے لوکی حیران ره گئے تے اک دوجے نوں پُچھن لگے اے کی ہویا؟ " اے اختیار نال نوئی ای تعلیم اے!" ایہہ تے پلیت رعحاں نوں وی حُکم دیندا اے تے اوه اوہدے آکھے لگدیاں نئیں۔ ²⁸ اوہدے بعد اے ویلے یسوع دی مشہوری سارے گلیل وچ تے اوہدے چوفیرے ہو گئی۔ ²⁹ عبادت خانے چوں نکل کے فورا ای اوه یعقوب تے یوحنا نوں نال لے کے پطرس تے اِندریاس دے گھر چلے (تُر) گئے۔ ³⁰ اوتھے پطرس دی سَس نوں تاپ چڑھیا سی تے او لمی پئی ہوئی سی، اوہناں نے اوسے ای ویلے یسوع نوں دسیا ۔ ³¹ ایس تے اوه آیا تے اوہنے اوہدا ہتھ پھڑ کے اوہنوں اُٹھایا تے اوہدا سارا تاپ لیہہ گیا، پیر اوه اُنہاں دی خاطر کرن لگ پئ۔ ³² جدوں شام پئے گئ تے سورج ڈُب گیا تے لوکی سارے بیماراں، لاچاراں تے بدروحاں دے پھڑے ہوئے لوکاں نوں اوہدے کول لے آے۔ ³³ شہر دا شہر اوس بوہے تے کٹھا ہو گیا۔ ³⁴ تے ہسوع نے کئی لوکان نوں انہاں دیاں ون سونیاں بیماریاں توں چنگا کیتا تے بتہیریاں بدروحاں نوں کڈھیا پر اوه بدروحاں نوں بولن نیں سی دیندا کیونکہ اوه انہوں پہچاندیان سن۔ ³⁵ اگلے دن ہالی ہنیرا ای سی تے اوه تڑکے تڑکے اُٹھیا تے باہر کسے اوّلی تھاں جا کے اوتھے دُعا کردا پیا سی۔ ³⁶ شمعون تے ہور لوکی جیڑے اوہدے نال سن اوہنون لبھن لگ پئے تے، ³⁷ اوتھے اوہنوں ویکھیا تے اوہنوں آکھن لگے " سارے لوکی تینوں لبھدے پئے نیں"۔ ³⁸ اوه اوہناں نوں کی لگا، چلو کتھے ہور چلئےچار چوفیرے لاگے دے پِنڈاں وچ جائیے تان جو اوہنے کیا میں اوتھے سی منادی کراں کیوں کہ (جو) ایسے ماری تے میں ایتھے آیا واں ۔ ³⁹ فیر اوه گلیل دے سارے علاقے وچ پھر دا رہیا اوہنے اوہناں دے عبادت خانِیاں وچ منادی کیتی تے بدروحاں سی کڈھیاں۔ ⁴⁰ فیر اِک کورھی اوہدے کول آیا تے گوڈیاں پرنےہو کے اوہدے ترلے کرن لگ پیا کہ جے توں چاہیں تے مینوں صاف کرسکنا ایں۔ ⁴¹ یسوع نوں بڑا ترس آیا تے ترس کر کے اُہنے اپنا ہتھ ودھایا اوہنوں لا کے آکھیا، میں چاہناں آں ! پاک صاف ہو جا ! ⁴² او سے ای گھڑی اوہدا کوڑھ مُک گیاتے اوه پاک صاف ہو گیا۔ ⁴³ یسوع نے انہوں پکی کیتی تے اوہنوں فورا" اوتھوں گھل دِتا ۔ ⁴⁴ یسوع نے اوہنوں آکھیا کسے نوں ایس بارے کُج نہ دسیں پر جا کے کاہناں نوں اپنا پِنڈا وکھا تے جیڑی قُربانی موسیٰ نے دسی اے او اپنی پاکیزگی لئ چڑھا تاکہ کاہناں دے اگے تیری گواہی ہووے" ۔ ⁴⁵ پر اوس بندے نے ہر تھا جا کے ایس گل دا چرچا کیتا، تے ایہہ گک تھاں تھاں کرکے اینی ودھای کہ یسوع باہر کِتے نکل ای نئیں سی سکدا، فیر اوہنوں باہر ریتلے علاقے وچ رہنا پیا تان جے ساریاں علاقایاں وچون لوکی اوہدے کول آسکن۔