¹ Ukuyana ni vyawupi vya mumupasi, yanji, inthakulonda ukuti muye mwe yawula ukumanya. ² Mwamanya ukuti pano mwali mwe yawula isuwilo, mwaponzile ukuya ku vikozyo vino visivwanga, munzila zino zyawakolelanga. ³ Achino nkhulonda mumanye ukuti pasi wino akavwanjila mu mupasi wakwe Leza angati, ''Yesu umutipwe.''Pasi wino angavwanga ukuti, ''Yesu a Mwene,'' kano ukupitila mu mupasi uwutiswe. ⁴ Nomba kwaya ivyawupi ivyakulekana, kwene umupasi wonga. ⁵ Kwaya imilimo iyakulekana, kwene Mwene wenga; ⁶ nupya kwaya imilimo ya kulekana, kwene aLeza wenga wino akawomba vyonsi muli vyonsi. ⁷ Nomba kumuntu wenga Umupasi ukuyilanjizya munzila yakwe ni yakwe pamulandu wausuma wa wonsi. ⁸ Pakuti kumuze kukupelwa kukupitila mu Mupasi mwizwi ilyakulamda ivyamano nakulimuze izwi ilyakumanya ukulanda ivyamano ukuyana nu Mupasi wuliwonga. ⁹ Ku muze yakumupa isuwilo nu Mupasi wuwokwene, ku muze ivyawila vyakupozya nu Mupasi wiyokwene. ¹⁰ Ku muze yakumupela amaka ayakuwombela ivizungusyo ,na ku muze ughimi. Ku muze yakumupa amano ayakupusanya pakasi pa imipasi ku muze imivwango iyakupusana iyachilendo, na kumuze ukusenulila amazwi yachilendo. ¹¹ Vyonsi vino inchito vikuwombwa nu Mupasi wenga sile, ukupela ivyawila ku muntu wenga na wenga, muno akusolela . ¹² Ngati muno umwili uyelile wonga uli niviputulwa ivinji nupya iviputulwa vyonsi ivya mwili uwokwene, amuno viyelile na Kristu. ¹³ Umwa wenga Umupasi swensi twabatiziwe ukumwili wonga,manyi ayaYuda limwi ayaGriki,manyi ayanyepwe pamwi ayasapulwe,swensi twapochela Umupasi wonga.. ¹⁴ Pakuti umwili asichiputulwa chonga,kwene ivivule ¹⁵ .Ndi ikulu lingalanda ukuti''Apakuti asanene ikasa.Insi imbali yonga iyachiputulwa ichamwili,''chii chitangachikanizye ukuya ichiputulwa ichamwili. ¹⁶ Nupya ndi ikutwi lingalanda,'''Pamulandu asanelinso. asanene chonga chachiputulwa ichamwili,'' chii chitangachikanizye ukuya ichiputulwa ichamwili. ¹⁷ Ndi umwili wonsi walinji ilinso , uzye ngali tukuuvwila chani? Ndi umwili wonsi aliyanga ikutwi,uzye ngali tununsizya nachani? ¹⁸ Kwene ngati muno Leza waviyika ningo iviputulwa chinachi umumwili ngati muno wavilenjela. ¹⁹ Ndi vyonsi vyalinji ichiputulwa chonga, uzye umwili ngali ulikwi? ²⁰ Ngati muno viyelile kuli viputulwa ivinji, kwene umwili uliwonga sile. ²¹ Ilinso litanga lilande kwikasa, ''Insi ninchito nawe,'' Napano uye umutwe utanga ulande namakulu, ''Insi ninchito nawe.'' ²² Kwene ichiputula chamwili chino chikuloleka ukuya ichikatakata ichakulondekwa, ²³ niviputulwa vyamwili vino tukwelenganya ukuti visikulondwa ,tukuvipela umuchinzi ukalamba sana, ni viputulwa vyamwili vino vikutusonzya insonyi avino tukuvisayilila numuchjnzi ukalamba. ²⁴ Nomba chii asichakulondikwa kuviputulwa vino vikuloleka ningo,mwakuti vilikali numuchinzi. Kwene leza wataluminkanya viputulwa vyonsi ponga, nukuvipela umuchinzi kuviputulwa vino vitaya numuchinzi. ²⁵ Wawomvile chii umwakuti kutayi kuye ukwankana mukasi mumwili, kwene ukuti iviputulwa vyonsi vyasayililana mwakulingana ²⁶ Ndi ichiputulwa chonga chachula, vyonsi iviputulwa vikuchulila palipamwi pamwi ndi ichiputulwa chonga chikuchindikwa ,vyonsi vikusechelela palipamwi. ²⁷ Nomba mwe mwili wakwe Kristu, wensi wakwe mwemwe ichiputulwa ichamwili wuu. ²⁸ Leza wasola ayantu mung'anda yamapepo ayakutalichila ayapositpli, yakwe chili inchimi, yakwe chitatu yakasambilizya,alino nayalya yano yakawpmba imilimo iyamaka, nayalya yano yakwata ivyawila ivyakuuvwila, nayalya yano yakwavwa,nayalya yano yakuwomba umulimo wakuloleka, na yalya yano yakwata imitundu iyinji ²⁹ yachilendo.Uzye wonsi ayapositoli? Uzye wonsi inchimi ? Uze wonsi ayakasamblizya? Uzye wonsi yakuwomba imilimo iyamaka? ³⁰ Uzye wonsi yaya nivyawila ivyakuuvwila? Uzye wonsi muno yayelile yakuvwanga imivwango yachilendo? Uzye wonsi yakusenulila imivwango yachilendo? ³¹ Yikini imyenzo yinu pavyawila ivikalamba. Kwene ndiwalanjizya insuma ukulusya vyonsi.