¹ Mi nɔ kpɔn nɔ wa mawu zɔn mitɔn lƹ́ le agbawungba bo na do zé midé su le gbƹtɔ lƹ́ƹ nukɔn gƹ . Do ényi lè jƹn mi nɔ wa mawuzɔn mitɔn lƹ́ƹ do o , mi ma sɔ namɔ alè etɔn yi le nye tɔ ke le sƹxwé lɔ de gƹ ² E nyi a lè na nu mƹ, nɔ kpɔn blo di yƹmƹnu wa tɔ lƹ́ƹ tɔn ha gƹ, do nà yé lƹ́ƹ ja nù nà mƹ gbe e, jla wƹ yé nɔ jla gbɔn tokpletƹn lƹ̀ƹ , bo nɔ jla gbɔn mɔ ji mɔ ji bo nà do zé yédé su le gbƹtɔ lƹ́ƹ nùkɔn . Madɔ xo jɔ xo nà mi : ko mɔ alè yètɔn ĺƹ yi. ³ Amɔ nà yɔ , a ja nù nà mƹ gbee , amyɔlɔ towe ni nɔ kpɔn mɔ do nù ke adisilɔ towe lé wà ɔn gƹ ; ⁴ Nà nùnamƹ towe ni do nɔ owi mƹ; hwe éxɔn nu tà towé ké nɔ mɔ nù jƹ owi mƹ nà do ajɔ étɔn we . ⁵ Enyi mi lé xo dƹ , mi nɔ kpɔn à di yƹmƹnuwatɔ lƹ́ƹ dɔhun gƹ , do yé lƹ́ƹ nɔ yi wàn nà ote ninɔ le to kpkétn lƹ́ƹ kpo omɔ to bonɔ do xodƹnà gbƹtɔ lƹ́ƹ nà do mɔ yé .Ma dɔ xo jɔ xo nà mi : yé lƹ́ƹ ko mɔ ale yétɔn lƹ́ƹ yi. ⁶ Amɔ yɔɔ a ja dƹ xo gbé e , byƹ xɔ towe mƹ , bo sù hɔn towe do tà bo dɔ xo nà tà towe ke le flƹ́ƹn bɔ mƹdé mà lé mɔ ƹgƹ ; hwe éxɔn nu éyɔ mƹ ké nɔ mɔ nù jƹ ovi mƹ nà do ajɔ étɔn we. ⁷ Enyi mi lé xo dƹ , mi nɔ kpɔn nɔ wa nu dɔ di mƹ ke na nyɔ mawu wi lƹ́ƹ hà gƹ ,do yé lƹƹ hà gƹ ; do yé ĺƹ wƹ nɔ mɔ dɔ nùwladɔ wƹ nà zɔn bɔ mawu nà se odƹ yétɔn sin . ⁸ Minɔkpɔn blo di yé lƹƹ hà gƹ do mye tɔ ko nyɔ nùhudo mitɔn lƹƹ wi hwƹ kpo mi wà jà bibyɔ ƹgbe . ⁹ Léke mi do nà nɔ xodƹ do lɔke: myé tɔ ke le sƹxwé, nyikɔ towe ni nyi nùsisi. ¹⁰ Axɔlùdudu towe ni wà ojlo towe ni nyi wiwa le anyisan ji fi di lèke é nɔ nyi wiwa do le sƹxwé hà ¹¹ Nà nù dùdu égbé tɔn wu mi .

¹² Sɔ hwƹ mitɔn lƹƹ kƹ mi di léke mi nɔ sɔ kƹ mƹ ke nɔ hu hwƹ do mi lʋƹƹ hà .

¹³ Nɔkpɔn lɔn nà mi nà jƹ tƹnkpɔn mƹ gƹ , amɔ hwlƹn mi gan sɔn awovi si;" do towe wƹ nyi axɔlùdùdu honhlon kpo susu kpo kaka do yi mavɔ mavɔ ! AMI. ¹⁴ Enyi mi nɔ sɔ ohwƹ ke gbƹtɔ lƹ́ƹ hu do mki ĺƹ kƹ yé mye tɔ ké le sƹxwe lɔnà sɔ mye lɔsu tɔn lƹƹ kƹ mi .

¹⁵ Amɔ ényi mi mɔ nɔ sɔ ohwƹ ke gbƹtɔ lƹƹ hu do mi lƹƹ kƹ yé gƹƹ , myi tɔ ke le sxwé mà lé zé mye lɔ sù tɔn lƹƹ kƹ mi gba gƹ. ¹⁶ Enyi mi lé blà nu mi nɔkpɔn nɔ awublà mƹ di yƹmƹnu watɔ lƹƹ hà gƹ ; yé nɔ nylɔ nukùn mƹ bo nɔ do xlƹ gbƹtɔ lƹƹ dɔnyé bo lé blanù . Mà dɔ xo jɔ xo na mi yé ko mɔ ajɔ yétɔn yi.

¹⁷ Amɔ yɔ , ényi a lé blànu lƹ sin bo blo dè wé do bo vun oda towe .

¹⁸ Nà mƹdé ni nɔ kpɔn nywƹ do awuwe dɔ a lé blà nu zƹ tatowe ke le zin mƹ lɔ wu gƹ : éxɔn éyɔ mƹ ke nɔ mɔ nù le yƹswi mƹ nà nà ajɔ étɔn wù we. ¹⁹ Mi nɔkpɔn kpli dɔkun do anizanji fi ke nùvùnùvù nɔ du nù le bɔ onu nɔ jƹ hwƹ le bɔ ajotɔ ado bo nɔ fin nù le gƹ . ²⁰ Amɔ , mi kpli dɔkun mitɔn lƹƹ do sƹxwé , fi ke nùvùnùvù mɔ nɔ du nu le bɔ onù mɔ nɔ jƹ hwƹ le ; bɔ ajotɔ mɔ nɔ tɔn ado bo nɔ fin nù lé gƹ. ²¹ Do fike dɔ kun towe le flƹn ké ayi towe lɔsù nà nɔ. ²² Nukùn towé lƹƹ wƹ nyi zogbƹn nà agbaza towe , ényi nukùn towé lƹƹ lé gandji agbaza towe kpokpo nà nɔ hinhɔn mƹ . ²³ Amɔ, enyi nukùn towé lƹƹ ma le gandji gƹƹ agbaza towé kpokpo nà nɔ zinvlù zinvlu daxo tƹ mƹ wƹ a nà ci xɔn ? ²⁴ Mƹdé ma kpégo bo nà sƹn ogan awe gƹ : do é nà gbƹ wan nà mƹé bo nà yi wan nà mƹdé , alo é nà sé tonù nà mƹdé bo nà vƹtoli nà mƹdé. Mima kpégo bo nà sƹn mawu bo lƹ sƹn dɔkun gƹ. ²⁵ Exɔn wùtu un lé dɔ nà mi dɔ : ado ni nɔkpɔn hu mi do nù ke mi nà du bo nà nɔ gbƹ, kpo nù ke mi nà do lɔ kpo wù gƹ : ogbƹ mà xɔ akwa hù nùdùdu , bɔ gbaza lɔsù mà xo akwa hù nùzinzan gƹ́ƹ ? ²⁶ Mi kpɔn oxƹ lƹ́ƹ , yé mɔ nɔ do jinukùn gƹ yé kàmɔ nɔ lƹ yà jinukùn bonɔ bƹ do agɔ mƹ gƹ; co tomitɔn ke le sƹxwé kà nɔ nà nùdùdu wuyé mye mi ma xɔ akwa hu oxƹ exɔn lƹ́ƹ? ²⁷ Mƹ kà lé mi mƹ bɔ nùlikpɔn étɔn nà zɔn bɔ é nà sigan do azan kpƹ dé ogbƹ é lɔsù tɔndjii ? ²⁸ Etwùtu mi ka nɔ lè jƹ tagba do onù ke mi ndo lɔ wù ? Mikpɔn léke foo lƹ́ƹ nɔ wù do lé ogbé lƹ́ƹ mƹ ; yé mɔ nɔ wa azɔn dé gƹ yé kà mɔ nɔ lun avɔ gƹ . ²⁹ Axɔlù Salomɔɔ lɔsù , léke édo dɔkun do xƹn , c'o é ma do acɔ sɔ dokpo yéton gƹ ³⁰ Enyi mawu do acɔ nà ogbé ké lé te égbé , bɔ osɔ enà do zo, do lée nadé é mà nà nà onù ke mi nà do wù mi gƹ do onù didi ovùnɔ lƹ́ƹ? ³¹ Hùn mi nɔkpɔn jƹ tagba , bo nà dɔ : "étƹ̀ nù nà dù " ; "étƹ̀ mi nà nu ", "étƹ̀mi nà do " gƹ? ³² Do mƹ ma dinù nà mawu gƹ lƹ́ƹ wƹ́ nɔ lé do wezun le onu éxɔn lƹ́ƹ godo .Tomitɔn ké le sƹxwé lɔ nywƹ dɔ onù éxɔn lƹ́ƹ hu do mi . ³³ Axɔlùdùdu mawu tɔn kpo ojlo étɔn biblo kpo ni nɔ myà nukùn nà mi jƹ nukɔn , éxɔn é nà nà onù éxɔn lƹ́ƹ kpo mi . ³⁴ Mi nɔkpɔn lin osɔ keja kpɔn gƹ , do osɔ ke ja nà wà kpo tagba é lɔsu tɔn lƹ́ƹ kpo .Tagba ke anyihɔn dokpo dokpo nà hƹn wà ko kpé nà anyihɔn éxɔn .