¹ Ke Jezǔ mɔ gbɛtɔ́ susu gédé gédé xɔ́n lɛ́ɛ é xlɛ osó jí bo flɔn anyǐ,ahwanvi étɔn lɛ́ɛ sɛkpɔ́ ɛ. ² Bɔ é jɛ nǔkplɔn yěji boɖɔ: ³ Nǔ nyɔ́ ná mɛ ke nyǐmaɖǒděnɔ le ayi mɛ lɛ́ɛ, ɖó yětɔn wɛ̀ nyí Axɔ́lúɖúto sɛ̀xwe tɔ́n lɔ ! ⁴ Nǔ nyɔ́ ná́ mɛ ke le awǔblá mɛ lɛ́ɛ, ɖó e nǎ dó gbɔ ná yě ! ⁵ Nǔ nyɔ́ ná́ mɛ ke fá lɛ́ɛ, ɖó́ yě ná ɖu gǔ anyízan lɔ̌ tɔn ! ⁶ Nǔ nyɔ́ ná́ mɛ ke nǔjíjlɔ wiwa we xovɛ̀ nɔ ci, bɔ kɔmɛ étɔ́n nɔ ci yě lɛ́ɛ; ɖó yě ná gɔ́xo ! ⁷ Nǔ nyɔ́ ná́ mɛ ke nɔ kú nǔbláwǔ ná awegɔ yětɔn lɛ̀ɛ, ɖó e ná kú nǔbláwǔ ná yě lɔsú lɛ̀ɛ gbá ! ⁸ Nǔ nyɔ́ ná́ ayixamimɛ́nɔ lɛ̀ɛ, dó yě ná mɔ Mǎwǔ ! ⁹ Nǔ nyɔ́ ná́ mɛ ke nɔ xo fífá kan lɛ̀ɛ ɖo e nǎ ylɔ́ yě ɖɔ ovǐ Mǎwǔ tɔn ! ¹⁰ Nǔ nyɔ́ ná́ mɛ ke yě lé do vǐvɛsísé ná ɖó nǔjijlɔ́wíwa wútú lɛ́ɛ ɖó yětɔ́n wɛ nyi axɔ́lúɖúto sèxwé tɔn ! ¹¹ Nǔ nyɔ́ ná́ mi, hwekenu e lé zun mi, bo lé ɖé do mi, bo lé kpa lɛ́ɛ kpo dó minu, ɖo nyɛ wútu. ¹² Mi j'awǎ, na ni víví ná mi, ɖó ajɔ ɖaxó ɖé lé té kpɔ́n mi le sɛxwé.Ɖó le wɛ e ko do tagba ná xóyiɖɔ́tɔ́ Mǎwǔ tɔ́n ke jɛ nukɔn na mi lɛ̀ɛ ɖó xɛn. ¹³ Ojɛ wɛ mi nyǐ na ogbɛ lɔ̌. Amɔ̌, nɛnyí ojɛ ma ka sɔ́ ɖó otɔ́n étɔ bagɛ̀ɛ, nǔtɛ̀ wɛ e nǎ dó lɛ̀ ná ɛ otɔ́n lɔ́? É má sɔ́ nyɔ́ ná nǔdé zɛ nǎ e nǎ zé kɔ́n nyi gbě, bo nǎ gbidí i ɖó afɔ wú gɛ̀. ¹⁴ Mye wɛ nyí hǐnhɔn na ogbɛ lɔ̌, oto ke le osó ji ma si gan bɛ́ gɛ́.́ ¹⁵ Eka mɔ nɔ tá zogbɛ̌n bo nɔ sɔ́ ɖó ozɛ̌ň gɔ gɛ; amɔ̌ nǔ ji le ojǐ wɛ e nɔ zě ɖó, bɔ é nɔ́ hɔ́n ná mɛ ke le xwé lɔ́ gbe lɛ̀ɛ nɔ dó mɔ núkùnnú. ¹⁶ Hǐnhɔńn mitɔn ní bó hɔ́n le gbɛtɔ lɛ́ɛ núkɔn, ná yě ní dó mɔ nǔ ɖagbe wiwa mitɔn lɛ̀ɛ, bo nǎ dó kpá susu ná mye tɔ́ ke le Sɛxwé. ¹⁷ Mi nɔkpɔ́n mɔ́ ɖɔ un wa, bo nǎ dó gbɛ́ osɛn Mɔyízi tɔn lɛ̀ɛ alǒ nukplɔ́mɛ xoyíɖɔ́tɔ́ Mǎwǔ tɔn lɛ̀ɛ tɔn gɛ̀. Amɔ̌ un wa bonǎ bló bɔ osɛ́n lɔ́ ná dó sɔgbe. ¹⁸ Ɖó má dɔ̀ xójɔ̀xó ná mi: Ná ényí òjǐ kpó odó kpó má kó wá yi gɛ́ jɛ́n wɛ, wěkun ovu tintin ɖokpó gée má lé hwe le ósɛ́n lɔ mɛ káká cóbɔ onǔ lɛ̀ɛ̀ kpó ná wá cicɛ mɛ gɛ̀. ¹⁹ É le lěxá́, mɛɖě kpékpé ke ná gba ósɛ́n ovǔ tintin ɖokpó le ósɛ́n éxɔ́n lɛ́ɛ mɛ, lo bo nǎ lɛ̀ kplɔ́n mɛ ɖě̌vo lɛ̀ɛ ɖɔ yě lɔsú ni bló ɖó lě gbáan ome exɔ́n ma na nyi nǔɖ le axɔ́lúɖúto sɛ́xwé tɔ́n mɛ̀ gɛ̀. Amɔ̌ mɛ ke na nyi ósɛ́n éxɔ́n lɛ̀ɛ, lo bo nǎ kplɔn nǎ kplɔ́n omɛ ɖěvo lɛ̀ɛ ɖɔ yě lɔsù ní bló dó lě gbáa, omɛ exɔ́n ná nyi nujɔnǔ le axɔ́lúdúto sɛ̀xwé tɔ́n mɛ. ²⁰ Ɖó má ɖɔ́ ná mi : é nyí nǔjíjlɔ́ wiwa mitɔn ma hu gán ósɛ́nkpɔ́nmɛtɔ́ lɛ̀ɛ kpó Faliéi lɛ̀ɛ tɔ́n gɛ̀ɛ, mi ma le byɛ̀ axɔ́lúɖúto sɛ̀xwé tɔ́n mɛ́ gɛ̀. ²¹ Mi se bɔ e ko ɖɔ ná daagbó mitɔn lɛ̀ɛ ɖɔ̀ :"Nɔkpɔ́n hu mɛ gɛ̌,ényí mɛɖe hu mɛ, e na dá hwɛ n'ǐ." ²² Amɔ̌, nyɛ ka lě ɖɔ́ ná mi ɖɔ̀: mɛdě kpékpé sin xomɛ do awegɔ̌ étɔn, é jɛ xá ɖɔ̀ e nǎ sa sén dó e; mɛ ke ka nǎ zuun awegɔ̌ étɔn ɖɔ̀ :"Nǔvɔ́nɔ", é jɛ xá ɖɔ̀ agunmɛxó lɛ̀ɛ na dɔn tó n'ǐ. Mɛ ke ka nǎ zùn awegɔ̌ étɔn ɖɔ̀ :"yɛ̀yinɔ̀", é jɛ xá zomcí mɛ. ²³ Ényí ɖɔ̀ a wá vɔ̌sánkpe núkɔn, bo jlǒ ná xwlé nǔɖé Mǎwǔ,bo flǐn ɖɔ hwɛgbe ɖě le myé nɔ́vi kpo é myé kpó cíncin hǔn, ²⁴ Jǒ vɔ̌sánnú ke xwlé Mǎwǔ gbé wɛ a ja lɔ̌ dó nyì vɔ̌sánkpe lɔ́ núkɔn, bo yi ɖɔ hwɛ gbo xá anɔwevǐ lɔ́ hwɛ̌ kpó; lo bo wǎ zé vɔ̌sánnú towe xwlé Mǎwǔ. ²⁵ Ényí a wa nǔ nyí dò nǎ awegɔ̌ tówe, bɔ̀ é kplǎn we xwe ohwɛ nukɔn, ɖeblǎ bo ɖɔ hwɛ gbo xá ɛ hwekenu yɔ̀ kpó é kpo le mɔ̌ji,é má nyí lěxá gɛ̀ɛ;é ná kplǎn we dó alɔmɛ nǎ ohwɛɖɔtɔ́, bɔ ohwɛɖɔtɔ́ ná zé wé jó ná gankpácɔ́tɔ́, bɔ éyɔ́ ná zé we dó gankpá mɛ. ²⁶ Má ɖɔ̀ xojɔxó ná we : ohwɛ ke yě dá ná wé lɔ́ kpókpó wé axɔ́ wɛ̌ a na sú hwɛ̌ kpó bo na tɔn sɔ́n gankpá lɔ́ mɛ". ²⁷ Mi ka se bɔ̀ e ɖɔ̀ :" Mi nɔkpɔ́ lɔ́ga gɛ." ²⁸ Amɔ̌, nyɛ lě ɖɔ́ na mid ɖɔ̀ : ná mɛɖě kpɔ̀n nyɔ̀̌nú dé bo lé lin ɖɔ é myé ná lɔ́ga xá ɛ, é kó lɔ́ga xá nyɔ̌nú lɔ́ le ayi mɛ xóxo. ²⁹ Ényí nukún tówe aɖisixwé tɔn ná ɖɔn we dó onu nyinnylǎ mɛ, de esɛ, bo zé nyi gbě; ɖó ná ényí nudé le gowe, é nyɔ́ na wé hú ɖɔ̀ nu lɛ̀ɛ kpo sɔgbe le gowe bɔ̀ e zě we blěbǔ nyi zomaci mɛ. ³⁰ Ényí alɔ aɖisi towé tɔn na dɔn we do onǔ nyinylǎ mɛ, gboe sɛ, bo zé nyì gbě; ɖo na enyí nǔdé hwe le gowe, é nyɔ́ ná wé hú ɖɔ̀ nǔ lɛ̀ɛ kpókpó sɔ́gbe le gowe bɔ̀ e zě we blěbǔ nyì zomaci mɛ. ³¹ É ka lɛ̀ dɔ̀ :"Ná ényí mɛɖě gbɛ́ asyɛ, ni wlǎn asigbigbɛ̀ wéma bo zéd'ásí n'ǐ". ³² Amɔ̌, nyɛ lě ɖɔ na mi ɖɔ :"Ná mɛdě nya asyɛ bɔ̀ é ma nyi ɖɔ̀ afɔ wɛ é do gbě gɛ́ɛ, ogà wɛ é zɔ ɛ ɖɔ n'í yí lɔ́ xɛn. Mɛ ke ka ɖe nyɔ̌nú ke aswɔ́ gbɛ̀ɛ, é lɔsú nyí ogalɔtɔ́". ³³ Mi ka lɛ̀ se bɔ̀ e ɖɔ̀ dǎgbó mitɔn lɛ̀ɛ ɖɔ́ : Nɔkpɔ́n dó akpagbe bo xwlé Mǎwǔ d'eji bo gɔ́n ɖiɖe gɛ̌. Amɔ, ɖe akpagbe ke a dǒ ná Aklúnɔ." ³⁴ Amɔ̌, nyɛ lě ɖɔ́ ná mi ɖɔ́ :"Mi mɔ kpɔ́n xwlé nǔtí gɛ́, mi nɔ kpɔ́n xwlé ojǐ gɛ́, ɖɔ́ é wɛ̀ nyí axɔ́lúzinkpo Mǎwǔ tɔn. ³⁵ Mi nɔkpɔ́n ká xwlé odò gbá gɛ̀, ɖó éwɛ́ nyí afɔdotɛn Mǎwǔ tɔn; mi nɔ kpɔ́n lɛ̀ xwlé Jeluzalɛ̀mu gɛ̀, ɖó éwɛ̀ nyí Axɔ́lú ɖaxó lɔ wé otò. ³⁶ Lěxá ké, nɔkpɔ́n xwlé ota towe gɛ̀, ɖó a ma sigǎn bló bɔ̀ oɖà towe kwin ɖokpó ná lolɛ wéwé, alóyuyu gɛ̌. ³⁷ É nyí oxo mitɔn nyǐ "ɛɛn" hun ní nyí "ɛɛn", é ká nyí "óoǒ" hun ní "óoǒ". Nǔke monɔ xwléd'éji lɛ̀ɛ kpókpóo, awǒvi de wɛ é sɔ́n. ³⁸ Mi se bɔ́ e ɖɔ́ : Ná mɛɖě tɔ́n nukún ná we, yɔ́ lɔsu tɔ́n nukún n'ǐ gbá; ná mɛɖě sún aɖǔ náwe, yɔ lɔsú sún aɖǔ n'ǐ gbá. ³⁹ Amɔ̌, nyɛ lě ɖɔ́ ná mi ɖɔ̀ :"Ná mɛdě wa nǔ nyinnylǎ dó we hǔn nɔkpɔ́n ba hlɔn gɛ̌; ényí mɛɖě xo tómɛ́ na we le aɖisixwé hǔn bo lilɛ amyɔxwe tɔ́n n'ǐ gbá." ⁴⁰ Ényí mɛdě jló ná ylɔ́ hwɛ̀ we bo nǎ yí awu towe odo tɔn lɔ̌ hǔn bo lɛ jó awu towe ɖaxó lɔ́ ɖo n'ǐ d'éji. ⁴¹ Ná mɛɖě zín jǐ wé bo ɖɔ yɔ bo ɖó émyé yi jɛ kilomɛ́tru ɖokpó hǔn, zɔ́n xɛ̀ɛ jɛ kilomɛtru awe. ⁴² Ná mɛdě byɔ́ nǔ we hǔn, ná ɛ; mɛɖě jɛ nǔ hwé gbe le asiwe hǔn, nɔ kpɔ́n tɛ̀ɛ gɛ. ⁴³ Mi se ɖɔ̀ :"nyǐ wǎn ná awegɔ̌ towe, bo gbɛ̀ wǎn ná kɛntɔ́ towe". ⁴⁴ Amɔ̌ nyɛ le ɖɔ ná mi ná mi ɖɔ̀ : "Mi nyǐ wǎn ná kɛntɔ mitɔn lɛ̀ɛ.Mi xo ɖɛ̀ ná mɛke nɔ dó nu mi lɛ̀ɛ. Miwa ɖagbe ná mɛ ke gbɛ̀ wǎn ná mi lɛ̀ɛ, bo nɔ xo ɖɛ̀ ɖagbe na mɛke nɔ ɖe dó mi bo nɔ d'aya ná mi lɛ̀ɛ. ⁴⁵ Hwe éxɔ́nu, mi nǎ nyi tá mi tɔ ke le sɛ̀xwé lɔ wé́ ví; ɖó é yɔ́ wɛ̀ nɔ́ zɔ́n bɔ̀ ohwe étɔn nɔ́ hun ɖó mɛ nyinylǎ lɛ̀ɛ kpó mɛ ɖagbe lɛ̀ɛ kpó jí, é nɔ blo b jǒkún nɔ́ já na mɛ ke nɔ wa nǔ jíjlɔ́ lɛ̀ɛ kpó mɛ ke nɔ wa nǔ gbingbǎn lɛ̀ɛ kpójí. ⁴⁶ Ná mi nɔ nyǐ wǎn ná mɛ ke nɔ nyǐ wǎn na mi lɛ́ɛ kɛ́ɖɛ́ɛ, ale tɛ́ wɛ́ le é mɛ ná mi? Takwácyántɔ́ lɛɛ lɔsú mɔ́ nɔ́ bló ɖó lěe? ⁴⁷ Ná ényí mye nɔvǐ lɛ́ɛ kɛ́ɖɛ́ jɛ́n wɛ mi nɔ dǒgbe náa, nǔ gbɔnvo tɛ́ wɛ mi lě bló? mɛ ke mɔ nɔ́ sɛ̀n Mǎwǔ gɛ̀ lɛ́ɛ lɔsú mɔ́ nɔ́́ bló lěe? ⁴⁸ É le lěxaa, hǔn mi bo nyǐ wǎn ná mɛ lɛ́ɛ kpó Tá mitɔń ke le Sɛxwé lɔ́nyǐ wǎn ná mɛ lɛ́ɛ kpódésé ɖó há.