¹ Hwenu ke Jezu fo kɔgɔnamɛ we xo wu ahwanvi etɔn lɛ, e lɛ kɔ sɔn flɛn bo sɔmɔ do toxo yetɔn lɛ mɛ. ³ Hwenu ke Jaan mɛ nylɔ do tomɛ tɔ lɔ le gankpamɛ bo le se azɔn ke Jezu le wa lɛ, e do owɛn ahwanvi etɔn lɛ bo ɖɔ ye n'i bo yi ɖɔ na Jezu ɖɔ: ² «Yɔ wɛ nyi mɛ ke na wa lɔ alo mi ni lɛ nɔ te kpɔn mɛɖevo?» ⁴ Mi yi ɖɔ na Jaan nu ke mi le mɔ kpodo nu ke mi le se kpo. ⁵ Nukuntɔnɔ lɛ le mɔ nu, kplibɔnɔ lɛ le cite, gudunɔ lɛ le mɔ lɛwe yi, tokunɔ lɛ le se nu, ocyɔ lɛ le fɔn sɔn ku, bɔ Wɛn Ɖagbe lɔ le nyi ɖiɖɔ na gbɛtɔ lɛ. ⁶ Mɛ ke ɖinu na un lɛ nyi nyɔnanɔ. ⁷ Jaan we ahwanvi lɛ lɛkɔ bo le sɔn yi Jaan de. Hwe exɔn nu Jezu le ɖɔ oxo na togun lɔ do Jaan go bo le ɖɔ: «Etɛ wɛ mi yi mɔ le gbetoto mɛ, nu ɖi ofɛn bɔ jɛhɔn le fu wɛ? ⁸ Mi mɔ gbɛtɔ ɖe bɔ e do awu mɛjɔmɛ tɔn wɛ? Mɛ ke nɔ do mɛ jɔmɛ we nu lɛ, axɔluhɔnmɛ wɛ e nɔ mɔ ye le. ⁹ Nu tɛ wɛ mi yi mɔ? Oxoyiɖɔtɔ? Ɛɛ, nu hugan oxoyiɖɔtɔ wɛ mi yi mɔ. ¹⁰ Mɛ ke go e wlan nudo ɖɔ: "Kpɔn, un sɛ do nukɔn towe mɛ ke na ɖe ali na we." ¹¹ Un le ɖɔ nugbo na mi, mɛ ke nyɔnu ji lɛ, mɛti ma le ye mɛ bo hugan Jaan mɛ nylɔdotɔ lɔ gɛ. Co mɛ ke nyi ovu le axɔluto Mawu tɔn mɛ nyi nu xu Jaan mɛ nylɔdotɔmɛtɔ lɔ. ¹² Sɔn Jaan mɛ nylɔdotɔmɛtɔ lɔ hwenu kaka do jɛ odin, axɔluɖuto Mawu vyawu na bibyɔ ɛ mɛ. ¹³ Kaka do wa hwenu Jaan mɛ nylɔdotɔmɛtɔ lɔ tɔn, oxoyiɖɔtɔ kpodo osɛn lɛ kpo ko ɖɔ nu ke na wa jɔ lɛ. ¹⁴ Na mi ba na nywɛ, eyɔ wɛ nyi Eli ke na wa lɔ. ¹⁵ Mɛ ke ɖo oto bo na se nu lɛ, ye ni ɖoto ganji. ¹⁶ Etɛ wu wɛ e na jlɛ gbɛtɔ hwenu kɔ tɔn lɛ ɖo? E ciɖi vikpɛvu ke le da ayihun le nɔtɛn ayihunɖɛtɔn ɖe bo nɔ ylɔ yeɖe bo nɔ ɖɔ: ¹⁷ Mi xo ohun na mi bɔ mi ma ɖu we gɛ. Mi ɖo nublawu na mi bɔ mi ma ka vi avi gɛ. ¹⁸ Jaan mɛ nylɔdotɔmɛtɔ wa nu ma ɖu ahan ma nu bɔ mi ɖɔ e bo ɖo gbigbɔ mawe. ¹⁹ Ovi gbɛtɔ tɔn Jezu un wa bo ɖu nu bo nu ahan bɔ mi nɔ ɖɔ: "Kpɔn ɛ, e nɔ ɖu nu bo nɔ nu ahan,e jɛ hadowe xa tokwacantɔ lɛ, bo jɛ hadowe xa hwɛhutɔ lɛ. Na ye le mɔ nu ke nu nyinywɛ Mawu tɔn le blo, ye mɔ nukunu jɛ ego ɖɔ e blo ganji. ²⁰ Jezu jɛ onu gbɛ na toxo ke mɛ e wa aznɔ jawu ɖaxo gbɔn lɛ, ɖo ye ma ɖo lɛvɔjɔ gɛ wutu. ²¹ Nu ylankan tɛ nyi ekɔ na mi, Korazin! Onu ylankan tɛ nyi kɔ na mi Bɛtsayida! Ɖo, nujiwu ke e blo le mi de do nyi biblo le Tyr kpodo Sidɔn kpo wɛ, ye na ko lɛvɔjɔ xoxo, bo na ko ze saki yetɔn kpodo afin kpo. ²² Yi wɛ zɔn un le ɖɔ na mi: "Le hwɛdazangbe, Tyr kpodo Sidɔn kpo hwɛdida yetɔn na kpɔnte hugan mitɔn. ²³ Toxo Kapɛnawɔmu tɔn, a na mɔ axɔluɖuta Mawu tɔn mɛ yi? Ye na ɖe we kpo kaka do yi mɛ kuku lɛ mɛ; ɖo, nujiwu ke e blo le diwe lɛ do nyi biblo le Sodɔmu wɛ, e na kpo le ote kaka jɛ egbe. ²⁴ E wutu un le ɖɔ na mi:"Ohwɛdazangbe, hwɛdida Sodɔmu tɔn na kpɔnte xu towe." ²⁵ Bɔ Jezu yi xo le hwe exɔn nu bo le ɖɔ: «Un ze gigo na we Aklunɔ ke da oji kpodo odo kpo, na a do hwla onu e kɔ le do gbɛtɔ nu nywɛ tɔ lɛ kpodo nukunnu mɔ jɛ nu mɛ tɔ lɛ kpo, bɔ vikpɛvu ma nyɔ nuɖe witɔ lɛ wɛ a ze xlɛ.» ²⁶ Ɛɛ, Otɔ, un do okpɛ na we na a do jlo do le. ²⁷ Mawu ke nyi Tace, E ze nu lɛ kpo sese ze do alɔcemɛ. Mɛti ma nyɔ ovi lɔ wi zɛ na Otɔ gɛ, le wɛ mɛti ma nyɔ Otɔ lɔ wi zɛ na ovi lɔ gɛ. Bɔ mɛ ke jlo Ovi lɔ wɛ e nɔ ze Otɔ lɔ xlɛ. ²⁸ Mi wa di e, mi mɛ ke agbɔ ko kpe lɛ bisese bɔ agban kpikpɛn le kɔ ji na lɛ, bɔ na na mi gbɔjɛ. ³⁰ Agbance foɖa bo mɔ nɔ kpɛn mɛ gɛ. Mi yi hɛn bo trɔ zun ahwanvi ce lɛ, ɖo un mɔ nɔ zin mɛ ji gɛ. ²⁹ Nugbo mɛ agban ce foɖa bɔ mi na hɛn, nu ke un ɖɔ mi ni hɛn, e foɖa taun.