¹ Pokeleleni umuntu onse uwakunakuka muciteekelo ,nokukana ukumupa ubupingushi palwa kukansana. ² Umuntu alikwata icitetekelo cakulyafe fyonse,umbi nao uwakunakuka mucitetekelo alyafye umusalu weka weka. ³ Uulya fyonse esula uutalya;elo noutalya fyonse epingula uulya fyonse .Ico Lesa aliyo ukumupokelela. ⁴ Niwebo nani,wewakupingula umubomfi wamuli umbi?Nikuli shikulu wakwe eminina nokufilwa.Lelo uyo uulenga ukuyo ukwiminina ,pantu shikulu akamulenga ukwiminina. ⁵ Umuntu umo kuti amona kwati ubushiku bumo bwalicicindama ukucila shimbi,umo nao umbi alinga inshiku ukuba ati shalilingana .Cila muntu ayo ukushininkisha ukweba ai ifyo akotontonkanya fya cishinka. ⁶ Uyo uulinga ubushiku,nikuli shikulu wakwe abulingila;na uyo uulya,alila kuli shikulu,pantu atotela Lesa.Uyo nao uutalya,nikuli shikulu eko talila;nao apela amatotelo kuli Lesa. ⁷ Pantu tapaba pali fwebo uuikalila umwine,elo kaili tapali uuifwila umwine. ⁸ Pantu ngacakweba ai tuli nomweo,nikuli Lesa twikalila,elo kaili ngatwafwa, nikuli shikulu tufwila.Eico ngatwafwa nangu tuli nomweo,nikuli shikulu. ⁹ Pantu nikuli uyu mulandu Kristu afwilile elo nokwikalila nakaili,pakweba abe shikulu wabonse abafwa naba lungami. ¹⁰ Lelo webo,nindo uyo ukupingwila munonko?Elo nawebo,nindo usushisha munonko?Pantu bonse tukayo ukwiminina kubupingushi bwakwa Lesa. ¹¹ Pantu calilembwa ai,''ulo ncili nomweo,''efyososa Shikulu ,''ikufi lyonse likayo kufukama ,elo nolulimi lonse lukayo ukulapila kuli Lesa.'' ¹² Eico nomba,cila umo akaya ukulubulula umwine kuli Lesa. ¹³ Eico kanshi,twilakupingula umo nomubiye,lelo icakuti musale ifi,ifyakweba ai takuli nangu umo uwakubika icakuipunwisha kuli munonko. ¹⁴ Ndishibile kaili ndyongwelwe kuli muli Shikulu Yesu ukweba ai takwaba icasangululwa iciine ceka.Nikuli uyo wine uumona ukweba ai tacayo ukusangululwa,kuli tacasangululwa. ¹⁵ Pantu pamulandu nefyakulya munonko apunuka,ninshi tamukoendela mucitemwiko.Wionaula kufya kulya fyobe umo pantu ni uyo Krisu afwilile . ¹⁶ Eico mwileka ico mukomona ubune cisoselwe icibi. ¹⁷ Pantu ubufumu bwakwa Lesa tekulya nokunwa ,lelo nipa bulungami,umutende,nokusekelela muli mupashi wamushilo. ¹⁸ Pantu uukobombela Kristu muli iinshila akupokelelwa kuli Lesa nokusuminishiwa ku bantu. ¹⁹ Eico nomba,natuye ukufwaya ifintu fyamutende elo nefintu ifingakula umo nomubiye. ²⁰ Mwila konaula umulimo wakwa Lesa pamulandu nokulya.Ifintu fyonse fyalisangululwa,lelo cilubo ku muntu ukulya ififli fonse ifingalenga umubiyo ukuipununa. ²¹ Cabune ukukanalya inama,nangula ukunwa umwangashi,nangula kucita icili conse icingalenga munonko aipununa. ²² Icitetekelo ico ukwete,cisunge wemwine na Lesa.Alipalwa uuntu uyo uutasekwa umwine kufintu ifyo ashininkisha umwine. ²³ Uyo uutwishika akasekwa umwine nga ayo ukulya,pantu tacikofuma pacitetekelo.Elo kaili na conse icitakofuma pacitetekelo ninshi lubembu.