¹ Awe fwebo fweba maka tufwile ukusenda ifyakunakuka fyaba shaba na maka,lelo tekuisekesha awe. ² Fwebo bonse cila umo asekeshe umunankwe ico ecisuma, pakweba ai tumukule. ³ Epofye na Yesu taisekeshe umwine,ngefyo calembwa ai,''umusalula bakusalwile waishile pali nebo.'' ⁴ Pantu conse icalembelwe akale calembelwe kukutufunda ,mukutwalilila kaili mukutucincisha kwa malembo emo tube nokutetekela. ⁵ Awe Lesa uwamutembo elo kaili uwamucincisha apele kuli webo ukwikala mukumfwana ukulingana kuli Yesu kristu. ⁶ Acitile ifi pakweba ai twingakwata amano yamo yena kukusumbula kukukanwa kamo Lesa wishi wakwa shikulu Yesu kristu. ⁷ Eico pokeleleni umo nomunankwe,ngefyo Kristu namwebo amipokelela,kubukata bwakwa Lesa. ⁸ Pantu nkocila kristu aishile kuba umusha kuba sembululwa ku ciine cakwa Lesa,pakweba afikilishe icilayo alaile kufikolwe, ⁹ elo nabena fyalo kukuleka basumbule Lesa paluse lwakwe.Ngefyo calembwa ,''Nkapela ishamalumbo muli mwebo mwebena fyalo elo nokwimba ishamalumbo.'' ¹⁰ Nakaili casoswa ai,''sekeleleni,mwebenafyalo,nabantu bob.'' ¹¹ Elo nakaili,''Lumbanyeni shikulu,mwebena fyali bonse;lekeni abantu bonse bamulumbanya.'' ¹² Nakili,esaya asosele ai,''umushila wakwa Yesu ukesa,eumo ukema ukutungulula abena fyalo;muli wo abena fyalo bakakwata isubilo.'' ¹³ Nomba Lesa wesubilo eushemo ukusekelela elo no mutende mukumusuminamo,pakweb ai kumaka yamupashi wamushilo mukakilwe mwisubilo. ¹⁴ Awe nanebo ndisubile pali webo,mwebamunyinane.Ninsubila ukweba ai namwebo bene mwaliulamo no bune,mwalilongeleshiwamo na mano.Ninsubila ukweba mukolangilila umo nomunankwe. ¹⁵ Lelo nkolemba mukupama kuli mwebo pali fimo ifintu pakweba ai mwibukisheko nakaili,pamulandu nokusenaminwa kwapelwa kuli nebo kuli Lesa. ¹⁶ Uku uksenaminwa kwali kwakweba ai mfwile naba umubomfi wakwa Yesu kristu kukutumwa kubena fyalo,kukupelwa nga shimapepo wambila nsuma yakwa Lesa,pakweba ai icabupa cabena fyalo cingapokelelwa ,nokusangululwa kuli mupashi wamushilo. ¹⁷ Muli Yesu kristu ninkwata icakuitakishishapo mumulimo wandi kuli Lesa. ¹⁸ Pantu ntapame ukulanda icintu cimbi kanofye ifyo kristu abombele ukupitila muli nebo pacumfwila cabena fyalo.Ifi efintu ifyacitilwe mucebo elo namumicitile, ¹⁹ kumaka ya filangililo nefipapusho, elo nakumaka yamupashi wakwa Lesa.Ici cali cakweba ai ukufuma ku Yerusalemu,nokushinguluka naku illyricum,kuti natwalako imbila nsuma yakwa Kristu. ²⁰ Muli iyi nshila,ubusalo bwandi bwali bwakubila imbila nsuma,lelo tekuntu Kristu aishibikwafe pe shina,pakweba ai ntakuli pa mufola wamuntu umbi. ²¹ Ngamufyo calembwa ai:''abo abatabilwe pali ena bakwisa nokumona, elo nabo abataumfwile bakwisa nokwishiba.'' ²² Eico kanshi eco naleshiwe insita ishingi ukwisa uko mwali. ²³ Lelo nomba, ntakwetemo incende imbi muli cino icifulo,elo kaili nalikulwisha imyaka iingi ukwisa kuli mwe. ²⁴ Nkosubila ukumumona ulo nakuya ukupita ku spain,ulo kailinkayo ukwafwilishiwa kuli mwebo ulo nakuyo ukuba mu lwendo kulya,nakuyo ukusangalala ulo nakuyo kukumana na mwebo pakashita akanono. ²⁵ Lelo nkoya ku Yerusalemu,kukubombela abana bakwa Lesa abashila. ²⁶ Pantu cali icintu icisuma ku makedoniya naku akaya ukupanga umusangulo kubantu aba cuula mubantu bamushilo abakwa Lesa abali mu Yerusalemu. ²⁷ Ee,cali cintu icisuma kubene,elo kaili balikumineko kuli bena,Pantu ngacakuti abena fyalo ngabalyakene mufintu fya mupashi,ngabalikumineko kuba Yuda kubomba kuli bena kufibombelo fyabo. ^{28 29} Eico kanshi,ulo napwishishe uyu mulimo,elo nukushininkisha ukweba ai bayo ukupokelela ico ba kolonganike,nkoyo ukuya ku spain elo kaili nokumutandalako. Nalishiba ukweba ai ulo nkaya ukwiso uko nkesa mumapalo aya iula ayakwa Kristu. ³⁰ Nomba nkomipapata, mweba munyinane,muli Shikulu Yesu Kristu,elo nakucitemwiko ca mupashi,pakweba ai muko ampana nanebo mumapepo kuli Lesa na ine. ³¹ Mupepe ukweba ai ndubulwe kuli abo abashakwata icumfwila mu Yudeya,elo kaili nokweba umulimo wandi ukaye ukusuminishiwa kuba mushilo bakwa Lesa mu Yerusalemu. ³² Mumpepeleko ukweba ai nkabweluluke nensasa ukupitila mubufwayo bwakwa Lesa,elo nokweba ai,pamo bonse naimwe,tukasange ubutusho. ³³ Lekeni Lesa wa cibote abe namwebo.ameni.