¹ Munshiku shilya Yoani kabatisha alishile alekushimika mumatololo yamu Yudea alelanda ati, ² ''Lapileni , pantu ubufumu bwamumulu bulipaleme.'' ³ Pantu uyu euyu balekulandapo kuli Esaya kasesema , ati, '' Iswiwi lya umo likobilikisha mumatololo , ' Pekanyeni inshila yakwa Shikulu , pangeni ne inshil iyakololoka.'' ⁴ Lelo Yoani alikufwala amasako yapanga maline lamba lya mpapa mumusana wakwe. Ifilyo fyakwe fyali ni makanta elo no buci bwa mumpanga. ⁵ Elyo Yerusalemu , Yudea onse, kabili necitungu conse icashingulukile umumana wa Yordan batile kuli ena. ⁶ Balibatishiwe kulio mumumana wa Yordani, pakwebelelwa amasambi. ⁷ Lelo ilyo amwene abengi abamubafarise na ba Saduki baleisa kuli o mukubatishiwa, alibebele ati , '''Mwebana ba nsoka mwe , ninani amisopeshe ukutina ubukali ubukoisa? ⁸ Mutwale ifisabo fyalikulingana no kulapila no kulapila. ⁹ Mwilakutontonkanya no kulanda muntu mubelele ati , 'Tulikwete Abramu nga tata! pantu ukulanda ukolanda kuli mwe ati, Lesa alikwete amaka yakusumbula abana bakwa Abramu ukufuma ku mabwe. ¹⁰ Kale kale isembe lilibikilwe pamishila yafiti. Eico iciti conse icishakatwale ifisabo ifyabune bakafitema no kufiposa mumulilo. ¹¹ Nkomibatisha kumenshi pakusebelelwa. Lelo uyu ukoisa panuma yandi alikwete amaka ukucila ine , kabili ntalingile kuputa indyato shakwe. Akamibatisha ku mupashi amushilo elo na kumulilo. ¹² Ulupe lwakwelelapo ali nalo muminwe yakwe, akafuya ifipapa fyangano mu musolo no kukolonganika ing'ano mung'anda yakusungilamo. Lelo akoca imisungu mumulilo ifikafumishiwemo.'' ¹³ Elo Yesu afumine ku Galileya nokuya ku mumana wa Yordani mukubatishiwa kuli Yoani. ¹⁴ Lelo Yoani alikonkenyepo ukumulesha ukuti, Nebo nine nkobatishiwa kuli we , lelo niwe waisa kuli ne?'' ¹⁵ Yesu alimwasukile no kulanda ati, '' Ucisuminishe ililine , pantu cililungeme kuli fwebo ukufikilisha ubulungami bonse.'' Elo Yoani amusuminishe. ¹⁶ Panuma yakubatishiwa , Yesu aliminine ukufuma mu menshi palya pane, kabili lolesheni imyulu yalisukile kuli yee. Alimwene no mupashi wakwa Lesa ukoika kwati ni kunda kabili nokwisa pali yee. ¹⁷ Moneni Ishiwi lyalishile ukufuma mumakumbi nokulanda ati, '' Uyu emwana wandi. uo natemwisha , eo nsekelelamo.''