¹ Panuma yakufyalwa kwa kwa yesu mu Betelemu wamu Yudaya munshiku ilyo Herod imfumu alikuteka ,abamano balishile mu yelusalemu bafumine kukabanga basosele ai. ² "Nikwisa ali uufyelwe ngemfumu yaba Yuda? Twa cimona ulutanda lwakwe kabili twishile mukumupepa.'' ³ Ilyo Herod imfumu aumfwile ifi, calimusakamikile, elo na Yelusalemu capamo nakwe. ⁴ Herod alikutile bashimapepo bakalamba nabakalemba, babantu, elo alibepwishe,'' Nikwisa ali Yesu uufyelwe.'' ⁵ Basosele kuli ena ai,'' Nimubetelemu wa mu Yuda, pantu ici ecasobelwe naba kasesema. ⁶ Lelo webo , we betelemu wamu Yuda mucitungu caba yuda , tawaba uwacepa pashamfumu shamu Yuda pantu muli webo mukesakufuma umo uukesa kuteka uyo uukesakucema abantu bandi Israeli. ⁷ Elo Herod munkama alikutile abaume abasambilila alibepwishe icine ninshita nshi ulutanda lwamonekele. ⁸ Alibatumine ku Betelemy, asosele ai'' kabuyeni elo mukafwaye bwino bwino umwana uufyelwe. Nga mwamusanga mukandetele icishinka pakweba ai nanebo nkese kukwumupepa.'' ⁹ Panuma ulya baumfwile ku mfumu, nabo baliile munshila yabo , elo ulutanda lwaiminina ukwabulo kusela apali umwana. ¹⁰ Elo baloleshe ulutanda, balisansamukile nesansa ishingi. ¹¹ Balingile mung'anda elo balimwene umwana elo na Maliya inyina wakwe Balifukeme panshi elo balimupepele Baliswile ifyabupe fyabo elo bapele kuli ena icabupe ca ngolide ifya nunkila bwino , elo ne nsalu yabuta. ¹² Lesa alibebele muciloto ukweba ai babwelela kuli Herod, elo babwelele kucalo cabo munshila inankwe. ¹³ Panuma ilyo babwekelemo , malaika wakwa Lesa alimonekele kuli Yosefe muciloto asosele ai,'' ima, senda umwana elo nanyina , elo ubutukile ku injpito ukukekale kuli ukusuka nkakwebe , pantu Herod akofwaya umwana kukumwipaya. ¹⁴ Bulya bwine bushiku Yosefe alimine elo alisendele umwana elo nanyina baile ku Egypito. ¹⁵ Alikele kulya mpaka Herod alifwile neco cafikilishe ica soselewe na shikulu ukupitila m,uli bakasesema bakwe ukweba ai, ukufuma mu Egypito nakutile umwana wandi ¹⁶ Ilyo Herod amwene ukweba ai natumpikwa kubaume abasambilile, alikalipile Alitumine elo nokwipaya utwana utwaume utwali mo Betelemu elo namu citungu conse abakwete imyaka yakufyalwa ibili ukubwela panshi ukulinga nenshita bamwebelepo kubasambilile. ¹⁷ Elo califikileshe icasosele kasesema Yeremia, icakweba ai,'' ¹⁸ ishiwi lyalyumfwikile mu Ramah, ukulila elo nokulosha ukukulu Rachel alelila umwana wakwe, elo alikene nokumutalika , pantu tabali nao nakabili ¹⁹ Ilyo Herod afwile , .''moneni umungeli wakwa shikulu alimunekele muciloto kuli Yosefe mu Egypito elo asosele ai, ²⁰ "Ima elo usenda umwanabo elo nanyina bali bwekele naku citungu Israeli ico balya balefwaya ukulofya umweo wamwana balifwile bonse.'' ²¹ Yosefe alimine ,asendele umwana elo na nyina , elo baishile kumpaya Israeli.'' ²² Lelo ilyo aumfwile ukweba ai Archelaus atekele mu Yuda mu citungu cakwa wishi herod, alyumfwile umwenso wakubwekelamo kulya panuma Lesa alimusokele muxiloto, aliile kumpanga ya Galilee. ²³ Elo aileikala muncende uyaleitwa Nazareti. cafikilishe icasoselwe ukupitila muli bakasesema, ukweba ai bakamwita umwina Nazarene