¹ Nomba Yesu alikupita, alimwene umuntu uwalu impofu ukufuma kukufyalwa kwakwe. ² Abasambi bakwe balimwipwisha ukuti, ''Kafundisha , bushe uwacitile isambi ni uyu nangu abafyashi bakwe?'' ³ Yesu alyasukile ati,''Uyu muntu tewacile isambi nangu abafyashi bakwe , lelo ni pakweba ati umulimo wakwa Lesa usokolokele muli ye. ⁴ Tulingile ukubomba imilimo iya uyu uwantumine ulo kuli asuba. Ubushiku bukoisa uluntu takwakabe nangu umo ukalekubomba. ⁵ Ulo ndi mucalo, ninebo lubuto lwa muno calo.'' ⁶ Panuma Yesu walandile ifi fintu wasakile amate panshi, akandwile itipa namate , nokumushinga itipa mumenso yakwe. ⁷ Alandile kuli ye ati, ''kabuye kasmbe mucishiba ca Sibam'' (Icilelola ukuti ''ukutuma''). Eico umuntu alifuminepo, alisambile no kubwela ninshi alemona. ⁸ Nomba abena mupalamano bakwe abo abamubwene kale ilyo ali kalomba lomba balandile ati,'' Bushe teulya muntu uwaleikala no kulomba?'' ⁹ Bamo balandile ati ''Eye'' Bambi nabo balandile ati, '' awe, nomba napalaka." lelo alandile ati ''Ninebo'' ¹⁰ Balandile kliye ati, "Bushe yalishibilwe shani amanso yobe." ¹¹ Alibasukile ati, "Umuntu uo beta Yesu ewakandile itipa nokunshinga pamenso yandi nokungeba ati, ' kabuye ku Sibamu nokusamba.' elo naile nokusamba, elyo nabwene .'' ¹² Balandile kuliye ati '' Alikwisa ?'' Walyasukile ati "Nshishibile.'' ¹³ Batwele umuntu uwali impofu ku ba Falise. ¹⁴ Nomba bwali bushiku bwe sabata elo Yesu akandwile itipa nokushibulwa amenso yakwe. ¹⁵ Elo Kabili aba falise bamwipwishe ifyo akwete ukupola ameso yakwe. Alandile kuli bo ati " abikile itipa pa menso yandi , Nasambile, lelo ndemona.'' ¹⁶ Bamo paba Farse balandile , ati, '' Uyu muntu muntu tafuma kuli Lesa pantu talikusunga isabbata.'' Nabambi balandile "Bushe umuntu uwamasambi kuti acita ifi filangilo?" ¹⁷ Eico balipwishe impofu nakabili ati, ''Bushe findo ukolanda pali ye, apo nashibula ameno yobe?"Lelo impofu yalandile ati," Nikasesema.? ¹⁸ Nomba aba Yuda bacili tabasumina palwa ena ukuti yali ni mpofu lelo alipokelele amenso yakwe mpaka baitile abafyashi bakwa ulya apokelele amenso. ¹⁹ Baipwishe abafyashi ati, "Bushe uyu mwana wenu uo uukotila wafyelwe impofu ? Bushe nomba umwene shani?'' ²⁰ Eico abafyashi balibasukile, ati,"Tulishibile mwana wesu nokweba ati, wafyelwe impofu. ²¹ Ifyo nomba abwene , tatwishibe noyoumushibwileamenso yakwe, tatwishibile mwipusheni , mukulu kuti wailandila umwine" ²² Abafyashi bakwe balandile ifi fintu pantu balikutina aba Yuda.Ico aba Yuda balisumine ukuti nga cakuti umo walanda ati ni Kristu bafwile bamuposa no kumufumya mu sunagoge. ²³ Pamulandu waci abafyashi bakwe balandile ati, "mukulu mwipusheni." ²⁴ Eico umuku wabubili bali mukutile umuntu uwali impofu no kulanda kuliye ' Pela umucinshi kuli Lesa. Natwishiba ukuti uyu muntu wamasambi." ²⁵ Naulya muntu walyasukile ati, Nebo shishibe ukuti uyu muntu nga wamasambi. Icintu cimo nebo ngishibile; Nebo nali impofu , lelo nomba nkomona.'' ²⁶ Elyo balandile kuliye ati, "Findo acitile kuli we? Washibwilwe shani amenso yobe?'' ²⁷ Walyasukile ati, "Nimyeba kale, kabili tamukofwaya umfwa! Bushe findo mukofwaya mumfwe nakabili? Bushe mu kofwaya ukuba abasambi bakwe, namwe? ²⁸ Balimwasukile nokulanda ati, "Niwebo umusambi wakwe lelo fwebo tuli basumbi bakwa Mose. ²⁹ Twalishiba ukuti Less alandile kuli Mose , lelo tatwaishibile uko uyu afumine. ³⁰ Lelo umuntu alibasukile no kulanda kulibo ati, campapusha icakuti tamwishibile kuntu afuma ,lelo na shibula amenso yandi,. ³¹ Twalishiba ukuti Lesa kuba masambi , lelo umuntu nga akotina Lesa no kucita ifyo afwaya alomfwa kuliye. ³² Apo icalo catampila takwatala umfwikapo umuntu ashibula amenso ya muntu wafyelwe impofu. ³³ Ngacakweba ati uyu muntu tafuma kuli Lesa Tapali ifyo enga cita. ³⁴ Ba lyasukile no kulanda ukuli ye, "Webo wafyelwe mumasambi, elo winga tufunda fwebo? elo muposele kunsu. ³⁵ Yesu walyumfwile ukweba ati na bamutamfya mu sunagoge. ³⁶ Wali musangile no kumweba ai, "Bushe ulesumina mu wana wa muntu? Walyasukile no kulanda ati,"Bushe ninani uyo , shikulu, uyo ninga sumina muliye? ³⁷ Yesu alimwebele ati, "ulimubwene, e untu mukolanda na ye.'' ³⁸ Lelo umuntu alandile ati, "shikulu , nasumina," elintu amupepele. ³⁹ Yesu alandile ayi,"kubupingushi eko naishila pali cino calo pakweba ati abashibona babone na bo ababona babe impofu.'' ⁴⁰ Bambi aba farise balipamona ye ba umfwile ifi fintu elo ba mwipwishe ati, Bushe bonse tuli mpofu? ⁴¹ Yesu alndile kulibo ati,"nNgacakweba ati muli mpofu tekuti mukwate isambi, lelo nomba mwalandaati, "Tulamona ,eico isambi lya likalilila.''