¹ Yesu aile ku lupili lwa mi Olife. ² Ulucelolcelo aishile kwi tempele nakabili, elo na bantu bonse balishile. ³ Bakalemba elo naba Falise baletele umwanakashi uo basanganishe alecita ubucende. Bamubilkile pakati. ⁴ Elo baebele Yesu ati, ''Kasambilisha, uyu umwanakashi balimwikete alecita ubucende. ⁵ Nomba mwifunde, Mose atukonkomeshe ukupola amabwe abantu ba musango uyu; webo nindo ulelandapo pali uyu umwanakshi? ⁶ Balandile ifi paku muteya nokuti basangane apa kumupelela umulandu, nomba Yesu aineme elo nokulemba panshi no munwe wakwe. ⁷ Ulo bakonkenyepo ukmwipusha amepusho, aliminine elo nokulanda kuli bo ati, ''Umo uwamuli mwe uushala ukupangapo isambi, lekeni eo atampilepo ukumulasa ilibwe.'' ⁸ Nakabili akontamine panshi, elo elo nokulemba panshi no munwe wakwe. ⁹ Ulo baumfwile ifyo, batampile kufumapo umo umo, ukutampilapo nabakulishepo. Napakulekelesha yesu washale fye eka, pamo no mwanakashi uwali pakati. ¹⁰ Yesu aliminine elo nokulanda kuli ye ati, ''We mwanakashi, bushe bali kwisa aba cilakupa imilandu?'' Bushe tapali nangu umo uukulashile ilibwe?'' ¹¹ Alandile ati, ''Tapali nangu umo Shikulu.'' Yesu amwebele ati, ''Nandi wine ntakupe umulandu. Kabuye elo wikabwekeshapo ukupanga isambi nakabili.''] ¹² akabili Yesu alandile kuli bo, nokulanda ati, ''Nine lubuto lwa calo, uyo onse uunkonka takendele munfinshi nomba akakwata ulubuto lwa mweo.'' ¹³ Aba Falise balandile kuli ye ati, ''Uleipela bukambone bobe we mwine; ubu bukambone tebwacine.'' ¹⁴ Yesu ayasukile nokulanda kuli bo ati, ''Nangu fye ngibele bukambone, bukambone bwandi bwacine. Nalishiba uko nafuma elo ndishibile noko ndeya, nomba mwebo tamwaishiba uko nafuma nangu uko ndeya. ¹⁵ Mupingula umwabela umubili; Nebo ntapingula nangu umo. ¹⁶ Lelo nangu napingula, ukupingula kwandi kwacine pantu ntaba neka, nomba naba na Tata uwantumine. ¹⁷ Ee, mu mafunde yenu mwalembwa ukuti bukambone bwa bantu babili bwacine. ¹⁸ Ninebo uupela bukambone pali nemwine, elo Tata uwantumine eula bukambone pali ne.'' ¹⁹ Balandile kuli ye ati, ''Bushe wiso aba kwisa?'' Yesu ayasukile ati, ''Mwebo tamwaishiba nebo nangu ni Tata; nga cakuti mwalingishibile, nga mwalishiba na Tata wine.'' ²⁰ Alandile aya amashiwi mu kakati k cipao ulo alikusambilsha mwi tempele, elo tapali nangu umo uwamwikete pantu ninshi inshita yakwe tailati ukufika. ²¹ Eico nakabili alandile kuli bo ati, ''Nebo ndeya ndefumapo; mukalekumfwaya elo mukafwila mu masambi yenu. ²² Aba Yuda balandile ati, ''Bushe alaeipaya umwine? Bushe efyo alelandila ati, ''Uko ndeya mwebo teti muyeko?'' ²³ Yesu alandile kuli bo ati, ''Mwebo mwafuma muli bamu calo, Nebo ndiwa ku mulu. Mwebo muli ba muli cino calo; Nebo nntali wamuli cino calo. ²⁴ Eico kanshi, Nebo nalandila ati mwebo mukafwila mu masambi yenu. Pantu kano nga cakuti mwasumina ukuti NINE, mukafwila mu masambi yenu.'' ²⁵ Eico kanshi balandile kuli ye ati, ''Bushe niwebo nani?'' Yesu alandile kuli bo ati, Ndikwete ifinti ifingi ifyakulanda elo ne fyakupingula pali mwe. ²⁶ Kanshi, nebo uwantuma wacine; elo ne fintu ifyo naumfwile kuliye, ifi efintu ifyo nebo nanda ku calo. ²⁷ Tabaumfwikishe ukuti alikulanda kuli bo pali Wishi. ²⁸ Yesu alandile ati, ''Uluntu mukeminika Umwana wa Muntu, eluntu mukeshiba ati NINE, elo nokuti ntaicicitila ifintu pa lwandi. Ifyo Tata ansambilishe, Nandibo ndalanda ifi fintu. ²⁹ Uyo nebo uwantumine aba nandi, elo ntansha neka, pantu lyonse ndacita ifimusekesha.'' ³⁰ Ulo Yesu alikulanda aya mashiwi, abantu abengi balimusumine. ³¹ Yesu alandile ku ba Yuda abo aba musumine ati, ''Nga cakuti mwaikalilila mu mashiwi yandi, ninshi icine muli basambi bandi; ³² elo ninshi mukeshiba ne cine, elo cine cikamilenga ukuba abakaele.'' ³³ Balimwasukile ati, ''Fwebo tuli ba mulupwa lwakwa Abramu elo tatwatekwapo ubusha ku muntu nangu umo; bushe kuti walanda shani ati, 'Mukakaba abakaele'?'' ³⁴ Yesu abasukile ati, ''Icine, cine, Ndelanda kuli mwe, uyo onse uucita isambi ninshi musha we sambi. ³⁵ No musha tabelelela mu ng'anda, kano umwana eubelelela mu ng'anda. ³⁶ Eico kanshi, nga cakuti Umwana amicita ukuba abakaele, mukaba icine abakaele. ³⁷ Nebo ndishibile ukweba ati muli bamu lupwa lwakwa Abramu; mwebo mulefwaya ukungipaya pantu ishiwi lyandi talyakwata incene muli mwe. ³⁸ Nebo nanda ifyo nabona kuli Tata, elo namwe mucita ifyo mwaumfwa kuli wishinwe.'' ³⁹ Bayasukile elo nokulanda kuli ye ati, ''Fwebo umufyashi wesu ni Abramu.'' Yesu alandile kuli bo ati, ''Nga cakuti mwebo muli bana bakwa Abramu, namwe nga mulacita imilimo yakwa Abramu.'' ⁴⁰ Lelo, nomba mulefwaya ukungipaya umuntu uulemyeba icishinka ico naumfwa kuli Lesa. Abramu tacitile ico. ⁴¹ Mwebo mucita imilimo yakwa wishinwe.'' Balandile kuli ye ati, ''Fwebo tatwa fyalilwe mu bucende; twalikwata umo: Lesa.'' ⁴² Yesu alandile kuli ba ati, ''Gacakuti Lesa e Wishinwe, nga mwalintemwa, pantu Nebo nafuma kuli Lesa elo ndi napano; pantu Nebo nshaisa palwandi, nomba ewantumine. ⁴³ Cindo ico tamumfwikishisha amashiwi yandi? Nici mwebo tekuti mumfwe amashiwi yandi. ⁴⁴ Mwebo muli bakwa wishinwe, satana, elo mukabila fye ukucita ubufwayo bwakwa shinwe. Ali ni kepaya ukufuma fye napa kutampa elo temininina mu cine pantu tamwaba icine muli ye. Ulo alanda ubufi, alanda ukufuma kumu bela wakwe pantu wa bufi elo ni wishi wa bufi. ⁴⁵ Lelo, pantu Nebo nanda icine, tamunsumina. ⁴⁶ Ninani pali mwe uwinga nshinina pe sambi? Nga nanda icine, bushe cindo ico tamunsuminina? ⁴⁷ Umuntu uwakwa Lesa omfwa amashiwi yakwa Lesa; tamumfwa amashiwi pantu tamuli batu bakwa Lesa.'' ⁴⁸ Aba Yuda balyasukile elo nokulanda kuli ye ati, ''Bushe tatukukweba febo mu cine ukuti webo uli mwina Samaria elo uli ne nguli?'' ⁴⁹ Yesu abasuka ati, ''Nebo ntakwat ingulu, nomba ncindika Tata, elo mebo tamu mucinduka. ⁵⁰ Nebo ntaifwaila ubucindami; kwaliba uubufwaya elo nokupingula. ⁵¹ Icine, cine, Nebo ndemyeba , nga cakuti uuli onse alesunga ishiwi lyandi, takatale amona imfwa.'' ⁵² Aba Yuda balandile kuli ye ati, ''Nomba twaishiba ukuti waliba ne ngulu. Abramu elo naba kasesema balifwile; nomba webo ulelanda ati, 'Nga cakuti umo alesunga amashiwi yandi, takatale amona imfwa.' ⁵³ Webo tauli mumkulupo ukucila pali Abramu uyo uwafwa, bushe uli mukulu? Ba kasesema nabo balifwa. Bushe webo uleibika pesa?'' ⁵⁴ Yesu alyasukile ati, ''Nga cakuti Nebo ndaipela umucinshi, umucinshi wandi ninshi tapali ifyo uli; ni Tata euncindika--uyo wine uo mwebo mulanda ukuti ni Lesa wenu. ⁵⁵ Mwebo tamwamwishiba, nomba Nebo nalimwishiba. Nga cakuti nati nande ati, 'Ntamwishiba,' ninshi kuti naba ukubati nimwe, uwabufi. Eico, Nebo nalimwishiba elo ndasunga ne shiwi lyakwe. ⁵⁶ Wishinwe Abramu alisansamukile pa kubona ubushiku bwandi, alibubwene ele ali sansamukile.'' ⁵⁷ Ab Yuda balandile kuli ye ati, ''Webo taulafisha ne myaka amakumi yasano, elo ulelanda ati walimu monapo Abramu?'' ⁵⁸ Yesu alandile kuli bo ati, ''Icine, cine nde myeba, ulo talabako Abramu ninshi, NDIPO.'' ⁵⁹ Eluntu babulile amabwe nokutampa ukumulasa, nomba Yesu aliifishile elo nokufuma mwi tempele.