¹ Nomba Yesu aishibe ukuti aba Faliseyo nabomfwa ai Yesu acita no kubatisha, abasambi abengiukucila Yoani ² (nangu line Yesu talikubatisha umwine kamofe abasambi abakwe), ³ Afumineko ku Yudea no kubwekelamo ku Galileya. ⁴ Awe ali nokupita mu Samaria ⁵ eco afika ku mushi wa Samaria, uwaitwa Sukuri, mu pepi ne me mpanga yakwa Yakobo iyo apele umwana wakwe Yosefu. ⁶ Elo mwali ne cishima cakwa Yakobo , Yesu alinakile pamulandu wa lwendo ulwalepele alimo no kwikala mupepi na kasuba pa kati. ⁷ Umwanakashi alishishile mukutapa amenshi, elo Yesu amweba ai, ''Mpelako amenshi amenshi ayakuti nwe.'' ⁸ Apo ninshi abasambi bakwe bale mukushita ifilyo mu mushi. ⁹ ELo umwanakashi umwina Samaria amweba ai, ''Nga cinshi iwe, we mu Yuda mu Yuda , ukonombela amenshi yakunwa?" pantu aba Yuda tabalekumfwana na bena Samaria. ¹⁰ Yesu asosele kumwanakashi ai, '' Nga wishibe icabupe cakwa Lesa, no uletila kuli nebo nao ngawa mulomba , ngaa kupela amenshi yamweo .'' ¹¹ Umwanakashi asosele ai, ''Mukwai, nshikwete icakutapilako elo necishima calilepa. Elo asosele ai nga kanshi ayo menshi ya mweo muli nayo? ¹² Bushe mwalicila icikolwe cesu Yakobo, uwatupele icishima ico alenwamo pamo fe nabana bakwe abaume nefitekwa? ¹³ Yesu alyankwile asosele kuli ena ai, ''Onse uulenwako amenshi akomfwe cilaka. ¹⁴ Yesu asosele ai lelo uulenwa amenshi ayo ine ndemupela takomfwe cilaka na kabili lelo amenshi ayo ine ndemupela munda yakwe yakulaba akafukauka ku mweo wape. ¹⁵ Umwanakashi asosele kuli Yesu ai, ''Mukwai, mpeleniko ayo menshi ukuti inwe nilaumfwa icilaka, elo nokukana laisa mukutapa amenshi.'' ¹⁶ Yesu asosele kuli ai, ''Kabiye, kete umulume obe, elyo wise kuno.'' ¹⁷ Umwanakashi ayaswike nokutila ai, ''Nshakwata umwaume.'' Yesu amwebele ai, ''Wasosa bwino ai, 'Nshakwata umulume.' ¹⁸ Pantu uyo uli nankwe ewakulenga busano, pantu noyo uli nankwe temulume obe. Ico wasosa cacishinka. ¹⁹ Umwanakashi alisosele ai, ''Mukwai, Naishiba kuti muli kasesema. ²⁰ Bashifwe bapepele mulupili, imwe mutila mu Yerusalemu emo abantu bali no kupepela.'' ²¹ Yesu amweba ai, ''Ncetekela we mwanakashi, inshita iileisa ilyo tamwakapepe Tata nelyo nimulupili atemwa mu Yerusalemu. ²² Imwe mupepa ico tamwaishiba. Lelo ifwe tupepa eco twaishiba, pa mulandu wakweba ai ipusukilo lyaishila muba Yuda. ²³ Inshita ileisa, nanomba eapo ili ilyo bakapepa bene bene bakapepela Tata mucine, na mumupashi wa mushilo, pantu na Tata afwaya abamusango yo. ²⁴ Pantu Lesa mupashi, nabamupepa bali nokumupepela mucine namumupashi wa mushilo.'' ²⁵ No mwanakashi asosele kuli ena ai, ''Naishibo kwebati Mesia aliisa (uwitwa Klistu) wene ilyo akesa, akalondolola fyonse kuli fwebo.'' ²⁶ Yesu amweba ai, ''Nine wine nkososa kuli webo.'' ²⁷ Pali kalya kene kashita abasambi bakwe balishile. Balipapile ico alelanda nomwanakashi. Lelo takwali uwatile cinshi bakolanda nankwe umwanakashi, takwali nelo umo. ''Uwasosele ai cinshi akofwaya?'' ²⁸ Umwanakashi ashile umutondo, nokuya kumushi, nokweba abantu, ²⁹ ''Iseni, mukamone umuntu angebele fyonse ifyo nacita. Nalimo kuba e Klistu?'' ³⁰ Abantu bafumine mu mushi nokwisa kuli ena. ³¹ Elo aba mumushi balaisako, abasambi bakwe balimupapete ati, kafundisha, lyeni.'' ³² Elo asosele kuli bena ai, ''Ine ndi necakulya ico imwe tamwishibe.'' ³³ Abasambi batendeke ukwipushanya ai, ''Kuliko uumuletele ifilyo? Lelo takwali nelyo umo uwaletele ifilyo?'' ³⁴ Yesu asosele kuli bena ai, ''Icakulya candi kucito kufwaya kwa wa ntumine no kupwisha umulimo wakwe. ³⁵ Bushe imwe tamutila, 'imyenshi inga yaba ine tamutila ubusomboshi bwalaisa'? Nkososa kuli imwe ai, inuneni amenso yenu nokumona amabala yenu, ukuti nayapya nokusepa. ³⁶ Kasepa apokelela icilambu kabili alonganya ifitwalo ku mweo wape. Pa mulandu uutanda no wakusepa balesekelamo . ³⁷ Pantu emo cabela cebo cacishinka icakuti umo aletanda, umo alesepa,' cishinka. ³⁸ Yesu abebele aiine namutumine ku kusepa uko mwebo tamwa cucutike, bambi ebacucuctike, naimwe mwaingila mukusanduluka kwabo.'' ³⁹ Abengi abamu Samaria aba mumusumba ulya balicetekele pa mulandu wabu nte bwa mwanakashi uyo asosele ai angebele fyonse ifyo nacitile.'' ⁴⁰ Elo baishile abamu Samaritani balimupapatile ai ekale nabo, inshiku shibili elo aikele inshiku shibili. ⁴¹ Abantu abengi balimucetekele pa mulandu wa cebo cakwe. ⁴² Abantu basosele ku mwanakashi ai, tepamulandu wa kusosa kobe twacetekela, lelo nipa mulandu, natuyumfwila fwebo, elo twaishiba kuti mupusushi wapano calo.'' ⁴³ Yesu panuma ya nshiku shibili alifumineko nokuya ku Galile. ⁴⁴ Pantu Yesu umwine ashimike ubunte aikasesema tapelwa mucinshi mu calo ca kumwabo. ⁴⁵ Yesu elo afikile mu Galile, abena Galileya balimusekelele, abantu bamwene ifyo acicile ilyo ali mu Yerusalemu pa mutebeto. ⁴⁶ Yesu kaili abwelele mu Cana wamu Galile, umo asangwile amenshi ukuba umwangashi eko ali nowakwisano umo umwana wakwe alilwele kuka Penamu. ⁴⁷ Ulo aumfwile ai Yesu nafuma mu Yeda na isa mu Galile aileko nokumweba ukuti atentemuke ese aposhe umwana wakwe. Pantu alasuke afwe. ⁴⁸ Yesu amwebele ai, ''Tekuti ucetekele kano wamona ifishibilo nefipesha amano. '' ⁴⁹ Nao alyebele Yesu ai, ''Mukwai tentemukeni epo umwana wandi talafwa.'' ⁵⁰ Yesu asosele kuli ai, ''Kabiye. Umwana ali no mweo.'' Umuntu acetekela icebo ico Yesu asosele kuli ena kabili aleya. ⁵¹ Kabinge Yesu ulo aletentemuka, abasha bakwe baishile mukumukumanya, abasha nokumweba ai umwana wandi ali no mweo. ⁵² Yesu alibepwishe inshita elo umwana atendeke ukupepemuka. Elo basosele ai mailo akasuba elo kayuluka.'' ⁵³ Elo wishi aibukishe ai ni munshita ilya ine Yesu asosele ati umwana obe ali no mweo kabili alicetekele bonse naba munganda yakwe bonse. ⁵⁴ Ici cali ecishibilo cakulenga fibili ico Yesu acitile ilyo alefuma mu Yuda no kubwelela mu Galileya.