¹ "Imitima yenu isakamikwa.Cetekeleni muli Lesa;kaili cetekeleni muli nebo. ² Mung'anda yakwa tata mwaba ififulo ifingi.Pantu acikana ukubefi ,nganalimweba,pantu nkoya mukumipekanishisha incende. ³ Pantu ngacakweba ai naya nokumipekanishisha incende ,nkabwela nakaili nkesa kumisenda,pakweba ai uko nkaba namwebo eko mukaba. ⁴ Mulishibile nsila uko nkoya." ⁵ Toma aeba Yesu ai, shikulu, tatwishibile uko ukoya. ⁶ Ysu amweba ai, ninebo nshila, necine, no mweo, takwaba umuntu nagu umonuwisa kuli tata kano apitila muli nebo. ⁷ Ngamwali njishibile, na tata nga mwali mwishibile. ukufuma pali kano kene kashita nokuya kuntanshi muli mwishibile noku mumona muli mu mwene. ⁸ Filip aeba Yesu ai, shikulu tulange ba wiso, nishi fwebo capwa. ⁹ Yesu amweba ai, nshita ubutali twali nenu tamulati mungishibe, Filip? Uyo onse uwa mona nebo, ninshi amona na tata. kuti wasosa shani ai, tulangeni wiso? ¹⁰ Tamwa cetekele ai, nebo naba muli tata, na tata aba muli nebo? Ama shiwi nkomyeba nshi kososaa pa lwandi lelo ni tata euko bomba inchito. ¹¹ Cetekeleni ukweba ai, nebo naba muli tata na tata aba muli nebo, nangu cetekele nipa mulimo ndecita. ¹² Icine, cine, nde mweba ai uyo onse uwa cetekela muli nebo akacita ifi fyonse nkocita, nefi cililepo pali ifi nkocita pantu nkoya kuli tata. ¹³ Na conse ico mwa kulombela mwishina lyandi, nka cicita, pakweba ai tata akacindikilwe mu mwana. ¹⁴ Nga mwalombela mwishina lyandi, nandi kacicita. ¹⁵ Nga mwali ntemwa mwakula kusunga amafunde yandi. ¹⁶ Nandi nakulalomba kuli tata, nao ukumipa kafwa na umbi pakuti akekale na mwebo pe. ¹⁷ Umupashi wacishinka uo abapano isonde bafilwa ukupokelela pantu taba mumona nangu ukumwishiba; lelo mwebo mwali mwishiba pantu ekala muli mwebo kaili akaba muli mwebo. ¹⁸ Nshaka mishefe nga abana ba nshiwa; na kubwela naka ili kuli mwebo. ¹⁹ Pantu mukashitafe akanono isonde ta cakatale icimona lelo mwebo mula mona. Pantu naba uwamweo, namwebo mukaba na umweo. ²⁰ Pali bulya bushiku mwakwishiba ati nebo naba muli tata, namwebo muli nebo, nanebo naba muli mwebo. ²¹ Uyo onse uukwete amafunde yandi noya sunga ewantemwa, uyo onse uwantemwa ena eo na tata akumutemwa na nebo na kumutemwa, kabili na kulailanga kuli mwebo. ²² Elo Yuda(te Eshikaryoti) aeba Yesu ai, shikulu nindo waku ilangila kuli fwebo tekwi sonde iyo? ²³ Yesu amwasuka ai, ngo muntu uuli onse antemwa, akusunga amashiwi yandi. Tata akumutemwa nebo na tata twakwisa kuli ena no kupanga ubwikalo nankwe. ²⁴ Uyo onse uutasunga amafunde yandi. Necebo ico mule umfwa tacile fuma kuli nebo lelo kuli tata uwantumine. ²⁵ Nkososa ifi fyonse ilyo ndi na mwebo. ²⁶ Lelo kafwa-umupashi wamushilo uo tata akumitumina mwishina lyandi-akwisa ku misambilisha fyonse, nokumibukishako ifyo nko myeba. ²⁷ N amishila umutende; na mipela umutende wandi. Nta mipele nga filya isonde lipela. Imitima yenu isakamana, elo kabili mwikwata mwenso. ²⁸ Mwalyumfwile ifyo na myebele, nkoya kuli tata, pantu tata emukulu pali nebo. ²⁹ Nomba nali myebele pakubala ntanshi fyali citikile, nga fyacitika mwakucetekela. ³⁰ Ntatwalilile ukusosa ifingi kuli mwebo, pantu kateka wesonde lino akoisa takwata amaka pali nebo. ³¹ Lelo pa kweba ai, isonde likeshibe ai nalitemwa tata, nkocita ngefyo tata ankonkoneshe. Aleni twendeni tufumeko kuno.