¹ ''Nine mwangashi, wine wine Tata nao emulimi. ² Umusambo onse uwamuli ine ushitwala alaufunyamo, no musambo uutwala alautungwisha ukuti utwalishe. ³ Imwe mwaliba abasanguluka kale kucebo ico nalandile akale kuli imwe. ⁴ Ikalilileni muli imwe. ifyo umusambo tekuti utwale euwine weka kano waikala mu mwangashi ifyo fine, nebo ni mwebo kano mwaikala muli ine. ⁵ Nine mwangashi, imwe muli misambo, uyo onse uwaikala muli ine naine muli ena ico wene eutwalisha, ico mbula ine te kuti mucite kantu awe. ⁶ Umuntu nga cakuti taikala muli ena, akaposwa ekunse ngo musambo no kulokota kabili bailonganya nokuiposa mu mulilo na kabili yapya. ⁷ Nga mwaikala muli ine, nefyobo fyandi fyaikala muli imwe, lombeni conse ico mulefwaya naco cikamucitilwa. ⁸ Muli ici emukacindikilwa Tata, nga mwatilisha elyo mukaba abasambi bandi. ⁹ Efyo Tata atemwa ine, efyo naine natemwa imwe, ikaleni mukutemwa kwandi. ¹⁰ Nga cakuti mwabaka amafunde yandi, mwakulaikala mukutemwa kwandi, efyo naine nabaka amafunde ya kwa Tata no kwikala mukutemwa kwakwe. ¹¹ Ifi fintu nkolanda kuli imwe ukuti ukusansamuka kwandi kube kuli imwe imwe no kusansamuka kwenu kufishiwepo. ¹² Ili efunde lyandi lya kuti mutemwane ifyo natemwa imwe. ¹³ Panti takuli untu akwato kutemwa ukucila pali uku ukwakuti umuntu abaposele ababiyo umweo wakwe. ¹⁴ Yesu asosele ai nimwe banandi nga mucite fyo mweba. ¹⁵ Nshamite abasha kabili, nelo umusha taishiba ico shikulu wakwe alecita. Lelo namita abanandi, ico namulenga mwishibe fyonse ifyo naumfwile kuli Tata. ¹⁶ Imwe tamwasalile ine, lelo nebo nasalile imwe no kusonta ukuti mutwale nefisabo, fibemo muli imwe. Ukuti Tata akamupe fyonse ifyo nakulalombela mwishina lyandi akamupela. ¹⁷ Ifi fyonse nalandile kuli imwe, ukuti mutemwane. ¹⁸ Ngaba pano calo, bamupata mwishibe ukuti babalila bapata ine. ¹⁹ Nga muba pano calo, abapano calo nga batemwa abobene. Lelo ico tamuli bapano calo lelo ine namufumishe mubapano calo emulandu abapano calo bamupatila. ²⁰ Ibukesheni icebo nasosdle kuli imwe, 'Umusha tacita pali shikulu wakwe.' Nga bapakasa nebo, bapakasa naimwe; nga babakilila icebo candi, bakabaka ne cenu. ²¹ Lelo fyonse filya bacitile kuli imwe pa mulandu weshina lyandi, ico tabaishiba untumine. ²² Nga cakuti nshasosele kuli bena, ngo takwete isambi. Lelo nomba tabali neca ku leseshamoisambi lyabo. ²³ Uwapata ine apata na Tata. ²⁴ Nga nshatitile muli bena imilimo ilya takuli umbi uwacitile, nga takwete isambi, lelo nomba tabali naca ku leseshamo isambi lyabo lelo nomba balimona lelo bapata Ine na Tata. ²⁵ Elo nimukula icebo cafishiwepo icalembwa mu mafunde yabo, 'Bampatila apa fye.' ²⁶ Elo ilyo bukesa ubukota nkatumwa kuli imwe- ukufuma kuli Tata, umupashi wa cine, ukufuma kuli Tata ena akashiminko bunte. ²⁷ Naimwe bene muleshiko ubnte, ico pali naumwe bene ukufuma pa kutampa.