¹ Nomba umuntu umo uwaleku kutwa Lasalo walilwele , lekwikala ku Betani umushi wakwa Maria na Malita. ² Uyu ni Maria ulya wa subile Shikulu icakununkila no kupukuta amakasa yakwe k umushishi wakwe, euyo ndume yakwe Lasalo walwele. ³ Nkashi epakulaisha Yesu, alandile ati, ''Shikulu bona ,ulya uyo watemwa alilwele.'' ⁴ Uluntu Yesu aumfwile ici, walandile ati,'' ubu bulwele tabuli nakufika kumfwa. Nomba nipa mulandu wa bukata bwa kwa Lesa ukutila umwana wa kwa Lesa ukuti akatamikilwemo.'' ⁵ Nomba Yesu walitemenwe Malita na nkashi yakwe na Lasalo. ⁶ Eico ulutu waumfwile ati Lasalo allwele, Yesu walikeleko inshiku nashimbi shibili kuli ilya cende ali. ⁷ Panuma ya ifi , walandile kubasambi ati, '' natulekuya ku Yudeya na kabili.'' ⁸ Abasambi balandile kuli yee ati, '' Kasambilisha , ililinefyeaba Yuda balikufwaya uku kupola amabwe , elo webo eko elefwaya ukuya nakabili?'' ⁹ Yesu walyasukile ati, '' Bushe tamwaba insa ikumi limo na shibili i sha lubuto mu kasuba kamo? Nga umuntu alekwenda akasuba tekuti aipunune, pantu ale bona kulubuto lwa muli lino isonde. ¹⁰ Eico, nga cakuti walyendele ubushiku kuntu waipuntula pantu uluuto taluli muli yee.'' ¹¹ Wlandile ifi fintu, na panuma yaifi fintu, walandile kuli bo ati , '' Umunensu Lasalo aliponene mutulo , nomba ndeya no kuya kumwalamusha mutulo.'' ¹² Abasambi eico balandile kuli yee, ati, ''Shikulu nga alilele utulo, akobuka'' ¹³ Nomba Yesu walilandile pa mfwa ,lelo balekutontonkyanya ati walekulanda pa kulala kwa kutusha. ¹⁴ Eluntu Yesu walandile kuli bo mucine ati, ''' Lasalo alifwile.'' ¹⁵ Nebo ndi uwa nsansa, pamulandu wenu, icakuti Nebo nshaliko kulya pakuti mwebo mwingasumina '' Natuleya kuli yee.'' ¹⁶ Toma uwalekukutwa Mpundu walandile ku basambi banakwe ati, ''Natulekuya naifwe bene ukuti tukafwe na Yesu.'' ¹⁷ Uluntu Yesu waishile, alisangile Lasalo balimu bika kale mu manda papitile ne nshiku shine. ¹⁸ Nomba Betani wali mu pepi na Yerusalemu , apali intamfu ukufika ku milundu itatu. ¹⁹ Aba Yuda abengi balekwisa kuli Malita na Maria ,balekuabatalalika pali ndume yabo. ²⁰ Kabili Malita , uluntu waumfwile ukuti Yesu aleisa,alile kuku mukumanya,nomba Maria walishele mu ng'anda. ²¹ Malita eluntu walandile kuli Yesu ati, '' Shikulu nga mwa ciba kuno, ndume yandi nga tamfwile . ²² Na nombaline , Nebo ndishibe ukuti conse webo wipusha kuli Lesa ,aka kupela.'' ²³ Yesu walandile kuli ee, '' Ndume yobe akema nakabili .'' ²⁴ Malita walandile kuli yee ati, '' Nebo ndishibe ukuti akema nakabili pa ku shukuka pa bushiku bwa kulekelesha. ²⁵ Yesu walandile kuli ee , ati '' Ninebo ukushukuka no mweo ;uyo uwa sumina muli nebo , nangula alifwile , akaba no mweo, ²⁶ elo onse uwikalilila no kusumina muli nebo takafwe. Bushe mwebo muli sumine ifi ?'' ²⁷ Walandile kuli yee ati, '' Eee , Shikulu,Nebo ndiumineukuti niwebo Kristu, umwana wa kwa Lesa, uyo uleisa mi sonde.'' ²⁸ Uluntu walandile ifi, walile no kuyaita Maria nkashi yakwe mubumfisolo . Walandile ati , '' kasambilisha alishile pano elo alekukuta.'' ²⁹ Uluntu aumfwile ifi alyalamukile mu kwangufyanyano kuuya kuli yee. ³⁰ Nomba Yesu talati kufika mu mushi nomba alifye pa ncende palya pene Malita amukumanishe. ³¹ Eico uluntu aba Yuda , abali na yee mu ng'anda no ku mutalalika ba mwene Maria uko walekwiminina bwangu bwangu elo alekuya panse ,balimukonkele, balikutontonkanyaati akoya mukulilila kulya ku manda. ³² Uluntu Maria waishile ku cende uko Yesu wali no ku mubona , wali ponene panshi ya makasa yakwe elo walandile kuli yee ,ati, ''Shikulu nga waciba kuno , ndume yandi nga tafwile.'' ³³ Uluntu Yesu wa mubwene alekulila , naba Yuda nabo ba kolila ali selele sana mu mupashino ku cushiwa; ³⁴ elo walandile ati ,'' Nikwisa uko mwa mubika?'' Balandile kuli yee '' Shikulu isa ubone.'' ³⁵ Yesu wali lilile. ³⁶ Elintu aba Yuda balandile ati, ''Moneni ifyo watemwa Lasalo!'' ³⁷ Nomba bamo pali bo baishile kulanda ati,'' Bushe teulya muntu, washibatwile amenso ya mpofu, nakabili tenga lesha uyu muntu ukufwa?'' ³⁸ Eluntu Yesu nakabili , waiseseshe umwine, ukuya ku manda. Nomba cali icimpokompoko,ne libwe lyalifimbilepo. ³⁹ Yesu walandile ati , '' fumyenipo icilibwe.'' Malita nkashi ya kwa Lasalo , ulya wafwile , walandile kuli yesu ati,''Shikulu pali ino inshita umubili wali tampa ukubola , pantu ali uwafwa inshiku shiku shine.'' ⁴⁰ Yesu walandile kuli yee ati, '' Bushe nsha cilanda kuli mwebo ati nga mwa sumina mwebo mulemona ubukata bwa Lesa?'' ⁴¹ Eico balifumishepo icilibwe .Yesu walisanswile amenso ya kwe no kulanda ati, '' Tata , Nebo natasha mwebo pantu mwebo mwalyumfwile kuli Nebo. ⁴² Nebo nalishibe ati mwebo lonse mumfwa kuli Nebo , Nomba nipa mulandu wili ibumba linsungulwike ndelandila ifi, ukutila limbi balasumina ati ni webo wantuma.'' ⁴³ Panuma ya kulanda ifi, walilile mwishiwi ilya kukosha ati, '' Lasalo , fumina panse!'' ⁴⁴ Umuntu uwafwa walishile panse; amakasa yakwe ne minwe shakwe sha putulwe ne fya kufwala , elo ne impumi yakwe ya putilwe ifyakufwala. Yesu walandile kuli bo ati.,'' mukakuleni no kumuleka aye.'' ⁴⁵ Elintu abengi aba Yuda abaishile kil Maria no ku bona ifyo Yesu wacitile, balisumine muli yee.'' ⁴⁶ Bambi pali bo balile ku ba Falise no kulanda kuli bo ifyo Yesu wacitile. ⁴⁷ Elintu aba kulu ba bashimapepo na ba Falise balikolongene icilye pamo elo balandile abati,'' Nindo tuli no kucita?uyu muntu akocita ifishibilo ifingi. ⁴⁸ Nga twalimulekele nge fi , bonse bakasumina muli yee ; Abena Roma bakesa kusenda fyonse kuli fwe incende ne calo.'' ⁴⁹ Eico, umuntu umo pali bo, Kaifa , uwali shimapepo uwakulisha muli ulya mwaka, walandile kuli bo ati, tamwishibile icili conse. ⁵⁰ Mwebo tamu lekonka ukuti ciliweme kuli mwebo ati umuntu umo ukufwila abantu ukucila icalo cons ukuloba.'' ⁵¹ Nomba ifi walandile tafya fumine kuli yee.Lelo ,ukuba shimapepo umukulu muli ulya mwaka , Waliseseme ati, Yesu alingile ukufwila icalo; ⁵² elo te calo fye , na bana ba kwa Lesa abapasangana ukukolonganikwa ca pamo. ⁵³ Ukufuma pali bulya bushiku balipangile ifya kubika Yesu ku mfwa. ⁵⁴ Yesu taendelepo pa lwalalapa ba Yuda na kabili,Lelo walifumineko no kuya mu calo mupepi na matololo iya lekukutwa Eflaimu. Kulya walikele na basambi. ⁵⁵ Nomba ukusefya kwa kucilila kwaba Yuda kwalipaleme, elo abengi balile ku Yerusalemu pakuti baye kusangululwa. ⁵⁶ Balikufwaya Yesu , no kulanda kuli umo no munakwe ilyo bacilibaliminine mwitempele ati, '' Nindo mukotontonkanya ? ukuti tekuti ese ku kusefya?'' ⁵⁷ Nomba bashimapepo abakulu na ba Falise balipele icipope ukuti uli onse nga alishibe eko ali, alingile ukutubulula ukuti bamwikate.