¹ Elo pakupusuka elo twaishibe ukuti ecishi icitwa Melita. ² Ulo abena fyalo batubelele uluse ulwingi, pantu bakoseshe mulico batusekelele bonse pa mulandu wa mfula iyaliko kabili pamulandu wampepo. ³ Ulo Paulo alukumbilila icifinga ca nkuni no kukosho mulilo, ifwafwa lya fumine pa mulundu wakukaba lya mukambatila ku minwe. ⁴ Elo abena calo bamwene ai iciswango cilenigina pa minwe yakwe, balesoshanya ai, ''Ukuba uyu muntu wa misoka, apususka kuli bemba; lelo ubololoke tabumusuminishe ukuba no bumi. ⁵ Elo akuntile iciswango mu mulilo taumfwile icabipa awe. ⁶ Awe bena balamulolesha ukuti alafimba nalimo ukufwa apopene. Lelo pakumulolela inshita iikalamba no kumona nelyo cimo ukumuponena, elo bayalwile imitima yabo batila ai mulungu. ⁷ Nomba lubali kumpanga ilya kwali impanga, yakwa kateka wa cishi ishina lyakwe Popoli. Wene alitupokelele alitusekelele inshiku shitatu mubwanalale. ⁸ Awe wishi wakwa Popoli nalala naikatwe mpepo ne cele, elo Paulo aingile umo ali, apepele, atambalike iminwe pali ena, no kumuposha. ⁹ Ulo caponene ici, abasheleko ku cishi abali na malwele balishileko no kundapwa. ¹⁰ Elo batucindike kufya mucinshi ifingi. Elo kabinge ilyo twaimine palwendo babikilemo mu bwange ifyo twalekabila. ¹¹ Awe panuma ya myenshi itatu ulo twaimine pa lwendo mu bwange bwaku Alekesandria, ubwaikele mu cishi, ku nshita shafikuko icishibilo cabuko ba mpundu baume. ¹² Kabili twafikile ku Syracuse no kwikalako inshiku shitatu. ¹³ Awe napakufumako twalishokele twafikile ku Regi. Kabinge apo palile ubushiku bumo umwela waku kapinda ka kulyo walimine, kabinge ubwalenga shibili twafikile ku Puteoli. ¹⁴ Elo twasangile aba bwananina twapapatile ukulinda nabo inshiku cine lubali kabili elo twafikile ku Roma. ¹⁵ Kabinge kwafumineko ababwananina, ulo batumfwa, baishile ku kutukumanya ku Apifore kwine nakusha kufikililamo shitatu. Na Paulo pakuba mona, atotele Lesa no kuteka umutima. ¹⁶ Ilyo twaingile mu Roma, Paulo asuminishenye ukwikala pamo ne fita ifyalemulinda. ¹⁷ Ulo papitile inshiku shitatu ukutila intungulushi shaba Yuda. Ilyo balongene, atile kuli bena ai, ''Mwebamuninane, ine neushacitile nelo cimo icakubala bantu nelyo nintambishaba shifwe, napelwe umufungwa mu minwe yabena Roma ukufuma mu Yerusalemu. ¹⁸ Kabinge bene pakumbushisha, balafwayo ku nkakula, pantu kuli nebo takwali umulandu wa kuti ine mfwe iyo. ¹⁹ Kwena aba Yuda pakukana napatikishiwe, ukushina kuli Kaisare tekutila nali na kantu kakushinina uluko lwandi awe. ²⁰ Emulandu, Ine imwitile, ukuti tumonane no kusosa naimwe, pantu icilelolela Israeli elo cine nkakilwe iminyololo.'' ²¹ Elo basosele kuli ena, ''Ifwe tapokele ubkata abafuma ku Yudeya, kabili kuno takwaishilepo ababwananina uwatushimikile nelo ukulanda ifyabufi pali iwe. ²² Lelo tuletila cisuma ukumfwa kuli iwe ifyo uletontonkanya, pantu icakaniko ici icaishibikwa kuli ifwe ukuti konse konse cilandilwa mububi.'' ²³ Awe pakumulengula ubushiku baishile kuli ena, kunganda yabeni abengi cibi. Ukutampa ulucelo ukufika icungulo alebakolobondelamo ukushinikishe fya bufumu bwakwa Lesa. No kwesha ukuba nesha palwakwa Yesu, ukutula ku mafunde yakwa Mose naba kasesema, ²⁴ Kabili bamo bene basubile ifyalelandwa lelo bamo tabacetekele. ²⁵ Awe bena kuwila ku cintu cimo, balaima ulo Paulo asosele icebo cimo ai, ''Umupashi wa Mushilo walandile icisuma kuli ba shifwe auti. ²⁶ Asosele ai, ''Kuli aba bantu kalande ai, ''Ukumfwa mukomfwa no kwiluka iyoo; ukulolesha, mukalolesha no kwiluka iyoo. ²⁷ Pantu imitima yabo bantu yalikutwa, na matwi yabo yomfwa no bwafya, na menso yabo nabashibatika, epali bamona na menso yabo, baumfwa na matwi yabo, nokupilibuka kabili nabaposha.'' ²⁸ Eico, cishibikwe kuli imwe ukuti ipusukilo lyakwa Lesa lya tumwa kubena fyalo, kabili bena bakomfwa. ²⁹ Kabili elo asosele ifi fintu aba Yuda baile balebikana ifikansa ifingi. ³⁰ Paulo aikele imyaka ibili iituntulu mu nganda yakwe, yakwashimina ku fyuma fyakwe alesengela na bonse abaleisa nakuli ena. ³¹ Alekubila icebo cakwa Lesa no kusambilishe fyakwa Yesu Klistu no kushipa ukwabulo kuleshiwa.