¹ Nomba nkofwaya ukulenga cishibikwe kuli mwebo, mwebatemwikwa, imbila ikobilwa iyo mwapokelele iyo kaili mwaimininako, ² kaili iyo mwapusukilako, nga mwaikatilila ku cebo ico nashimika kuli imwe, kamo nakaili mucicetekela apafye fye. ³ Icantanshi ico nashimike kuli mwebo kaili ico mwapokelele, nici, Yesu alifwile pamulandu wa membu shesu ukulingana na malembo, ⁴ elyo alishikilwe, kaili alishikukile pa bushiku bwakulenga shitatu ukulingana na malembo. ⁵ Kristu amonekele kuli Kefashi, elo panum ana ku bekumi na babili; ⁶ napanuma amonekele kubacilile pa myanda isano pamukufe umo. Bamo palibo bantuntulu elo bamo balifwa. ⁷ Kaili amonekele kuli Yakobo, panuma ku bekumi limo na babili. ⁸ Napali fyonse amonekele kuli ine, ngo wafyalwa kwati kapopo. ⁹ Pantu nine naba uwa kulekelesha ku basambi bonse. Inshilingile no kwitwa umusole pantu nacushishe ulukuta lwakwa Lesa. ¹⁰ Lelo ku cikuku cakwa Lesa ndi fino fine ndi, kaili ukusenaminwa kwa kwe kuli ine takwali kwafye. Eico, nculila sana ukucila aba bonse. Lelo teine ni mucikuku cakwa kwa Lesa ecaba muli nebo. ¹¹ Eico nangu ninebo nangu bena, eco tushimikila ukwebai na mweo musumine. ¹² Lelo Yesu nga lebilwa ukufwa no kubuka ku bafwa, nga ckanshi cinso bamo muli imwe basoselai takwaba ukushukuka ku bafwa? ¹³ Nga takwaba ukubuka ku bafwa, na Kristu tabuka; ¹⁴ nga Yesu tabukile kubafwa, ninshi nokufunda kwesu kwa fye, necicetekelo cenu ninshi cafye. ¹⁵ Nafwebene, kuti twasanguka inte sha bufi pali Lesa, apo tufunda ukwebai Lesa alisha Yesu ku bafwa. ¹⁶ Ab afwa nga tabakabuke, na Yesu wine tabuka; ¹⁷ Yesu nao nga tabuka, ne cicetekelo cenu cafye kaili mucili mulubembu. ¹⁸ Nabo aba fwila muli Kristu kale ninshi bali lobelela. ¹⁹ Nga cakwebai tukosubila muli Yesu muli buno bwikashi, ninshi nbonsefe tuli abankumba bulili. ²⁰ Lelo Yesu alibuka kale ku bafwa nga icisabo cantanshi ukutangilila bonse abafwa. ²¹ Ngefyo imfwa yaishile mu muntu, efyo nokushukuka kwaishile no muntu ²² Pantu nimuli Adamu bonse bafwila, efyo na muli Yesu bonse bakaba no mweo. ²³ Kanshi umo palwakwe: Kristu uwaba nge cisabo cantanshi, nabo bonse aba sumina muli Yesu bakema pakubwela kwakwe. ²⁴ Kaili kuli nokube mpela, ulo akalubula ubufumu kuli Lesa Wishi, elo akafubalisha ubutungulushi nolupaka na maka. ²⁵ Pamulandu waifyo akula tungulula mpaka akabike abalwani bakwe panshi yamakasa yakwe. ²⁶ No mulwani akalekeleshako ukonaula nimfwa. ²⁷ Pantu. ''nabika fyonse mwisamba yakasa yakwe.'' Ulo casoswa ai, ''abika ifintu fyonse .'' ico tacikopilibulo ukwebai uwabika fyonse kuli ena talimo. ²⁸ Ulo fyonse fya bikwa kuli ena umwana wa muntu nao akalubula fyonse ku wapele fyonse kuli ena, ukuti Lesa abe umwine wa fyonse. ²⁹ Munshila imbi bakacita shani aba batishiwa pamulandu wa bafwa? Nga abafwa tabakeme, ninshi ulubatisho babatishiwa cindo? ³⁰ Cindo ico nabela mubusanso inshita yonse? ³¹ Mfwa lyonse! Icine nkolapa kuli mwebo, napakutakisha muli Kristu Yesu Shikulu. ³² Cindo ninganonkamo, ukufuma mu buntunse bwandi, pantu nalwile nefi swango mu Efeso, nga cakwebai abafwa tabakeme."Natulekulya no kunwa pantu mailo tukafwa.'' ³³ Mwibepekwa, ''ububi bolonaula ubusuma.'' ³⁴ Tekanyeni! Ikaleni mubulungami! Mwilakwikalilila mu kubembuka, pantu bamo muli mwebo tabaishiba Lesa. Nasosa ifi mukulenga insoni. ³⁵ Leloi umo kuti asosa ai, ''Nga abafwa bakema shani, kaili imibili ninshi bakabuka nasho? ³⁶ Wempelwa mano we! Ico ubyala taciba ni bumi kamo nga cafwa. ³⁷ Ico mubyala temubili, fisa mukaba embuto nangula fgimbife. ³⁸ Na Lesa kanshi akapela imibili imbi kuli uyo atemwa, kulubuto lumo ku lubuto lwauko. ³⁹ Imibili yonse tayapalana. Eico, kuli imibili ya bantu imibili yanama, imibili ya fyoni, ne mibili ya nswi. ⁴⁰ Kwaliba imibili ya mu calo ne mibili ya mu mulu. Lelo ubukata bwa mibili yakiu mulu bumo no bukata bwa mibili ya pa calo nabo bumo. ⁴¹ Ubukata bwakasuba bumo, no bukata bwa mwenshi lumo, no bukata bwa ntanda nabo bumbi, kabili ubukata bwalutanda bwalipusana kulunankwe. ⁴² Efyaba namukubuka kwabafwa. Conse ici shikwa cilabola, necisa mukubuka cilaba icisuma mukukanabola. ⁴³ Cibyalwa mukana cindikwa nokubukila mubukata, cibyalwa mu mubili wakunaka' lelo cibuka mumaka. ⁴⁴ Cibyalwa no mubili wabuntunse, cibuka no mubili wa mupashi. Nga umubili wacifyalilwa, ninshi kufwile kwaba nowabu mupashi. ⁴⁵ Nge fyo calembwa, ''Umuntu wapakutendeka Adamu ali mu mubnili wa buntu. ''Lelo Adamu wakale kale ali no bwikashi bwa bu mupashi. ⁴⁶ Lelo bumupashi tebwa ambilepo ni bumubili, elo nomba ni bu mupashi. ⁴⁷ Umuntu wakubalilapo mu calo, apangilwe no lukungu. Umuntu wabubili ena afumine fe ku mulu. ⁴⁸ Nga umo uwapangilwe ku lungungu, lelo tuli nokuba mu cata cauyo uwafumine ku mulu. ⁴⁹ Nge fyo twafyelwe mu cata cawapangilwe kulukungu, lelo tuli nokupasha uyo uwafumine ku mulu. ⁵⁰ Kanshi na sosai, mweba temwikwa, umubili no mulopa tekuti fipyane ubufumu bwa kwa Lesa. Pantu tekuti icibola cipyane icitabola. ⁵¹ Moneni Nkomyeba icankama: Tatwakalale bonse, lelo tukapilibukafe. ⁵² Mukashita akanini fe ngokukapa kwe linso, pepenga lya kulekelesha. Pantu ipenga likalila kaili na bafwa bakabuka mukukana bola kaili baka cingishiwa. ⁵³ Pantu ino imibili iibola ikafwikwa ukukana bola, ne mibili iifwa ikaba mukukana fwa. ⁵⁴ Elo ino mibili iibola iakafwikwa ukukana bola ne mibili iifwa ikaba mukukana fwa, elo icalembwa cikesa kufikilisha aciti, ''Imfwa yaposwa kukucimfiwa.'' ⁵⁵ ''Wemfwa, ngo ukucimfya kobe kuli kwisa? We mfwa, ulubola lobe luli kwiwsa?'' ⁵⁶ Ulubola lwamfwa lubembu, namaka yalubembu mafunde. ⁵⁷ Lelo Lesa acindikwe, uwatupoela ukucimfya ukupitila muli shikuluy Yesu Kristu! ⁵⁸ Eico mweba bwana nina abatemwikwa, natwikatilile no kukoseleshiwa. Lyonse tuybe mu mulimo wa kwa Shikuluy, pantu mwalishiba ukweba ai, ukuba mumulimo wakwa Shikulu tekwii cusha iyoo.