¹ Konkeni icitemwiko mube no kukonsha pa fipe fyaku mupashi, pakuti mulekusesema. ² Pantu uulanda mu ndimi talanda ku bantu lelo ni kuli Lesa pantu takuli ukomumfwa pantu alanda ifipesha mano fya kwa mupashi. ³ Lelo musesema mu ndimi pakubabula, nokubabika pamulu, nokubanasha. ⁴ Onse uulanda mu ndimi mwine alaikula, mu kusesema akula icilonganino. ⁵ Nomba nkofwaisha ai bonse nga mwalikulanda mu ndimi. Nokucilapo, kuti natemwa mukosesema. Uyo onse uusesema alicila uulanda mu ndimi (kamo fe uukopilibula pakuti bomfwe). ⁶ Nomba, bamuninane nga naisa kuli mwebo nkolanda mu ndimi, nkaminonka shani? Tekuti kamo fe nkomyeba mu busokololo, nangu ukwishiba, nangu ubusesemo, nangu mukusambilisha. ⁷ Munshila imo ine, ifibombelo ifitalila, fikolila isese ne cimpeta- nga teti fifunye ifiunda ifyapusana pusan, nokukanya iciunda, ifyo muntu nefyo engeshiba iciunda cesese ne cimpeta. ⁸ Ulo ipenga lilila ne ciunda ca putauka, umuntu kuti aishiba ni nshita yakuya ku nkondo. ⁹ Ecimo cine ku ndimi. Nga nalanda mululimi ulutomfwikile bwino, kuti fyaumfika shani ifyo wasosa? ¹⁰ Ukwabela ukutwishika kwilaba indimi ishingi muno calo, lelo talwaba ulutakwata ubupilibulo. ¹¹ Nomba nga nteshibile ubupilibulo bwa lulimi, nakuba umwina fyalo ku ukolanda, no ukolanda ukuba umwina fyalo kuli nebo. ¹² Kanshi cili kuli webo. Apo uli ipeleshne pa kuti muli Mupashi, fwayeni ukumfwika ku cilonganino pakuti mube abaikatana. ¹³ Eico uyo onse uukolanda mululimi apepe eshibe ukupilibula. ¹⁴ Apo pepa mu ndimi, umupashi wandi ulapepa, nomba amano yandi yafwile ukupepa ai ndekupilibula. ¹⁵ Nindo ningacita? Nkolekupepa no mupashi wandi, kabili nkolekwimba na mano yandi. ¹⁶ Lelo, ngwa wapala Lesa no Mupashi, abakunse kuti basosa ai ''Cibe ifyo fine'' ulo ukototela kuli Lesa nga teshibila ico bakososa? ¹⁷ Pantu mulatotela bwino sana, nomba umuntu uyu umbi tafundwa. ¹⁸ Nkototela Lesa ndalanda indimi ukucila mwe bengi. ¹⁹ Nomba mu cilonganino cawamapo nalanda amashiwi yasano nokumfwa pakuti mbebe ifyakucitika, ukucila amashiwi ikana mu ndimi. ²⁰ Ba munyinane, mwiba abaice mukutontonkanya. Llero ukololesha ku bubi, beni ukubai twaice. Nomba mukule muku tontonkanya. ²¹ Namafunde calembwa ai, ''Ku bantu bandimi isheni nakumilomo ya beni nakulanda kuli aba bantu nangu fe tabakangufwe,'' efyasosa Shikulu. ²² Kanshi, indimi cishibilo, takuli kuba basumina, nomba kubatasumina. Nomba ubusesemo cishibilo, kubatasumina, nomba kubasumina. ²³ Nga, kanshi, icilonganino ciba pamo no kulanda indimi, aba kunse naba tasumina baingilamo, tekuti balande ai mwalipena? ²⁴ Nomba bonse nga mukosesema no utasumina aisamo, akukakwa kuli fyonse ifyo akoumfwa. Akapingulwa kufyo akososa. ²⁵ Inkama sha mu mutima wakwe, shalekusokololwa. Ecalenga, akuwa panshi ubunkumpeme nokupepa Lesa. Akupepa no kubilisha ai Lesa aba muli mwebo. ²⁶ Cindo cakonkapo ba munyinane, ulo mwalongana pamo, cila muntu ne lumbo, isambililo, ubusokololo, ululimi, nangu ubupilibulo. Citeni conse ica kukulo icilonganino. ²⁷ Nga umuntu akolanda mu ndimi, lekeni babe babili no kucila batatu, cila muntu no muku, elo umbi alekupilibula ifyo bakososa. ²⁸ Nga tapali uukopilibula, lekeni bonse bekale tondolo mu cilonganino. Lekeni cila muntu alande ku mwine na kuli Lesa. ²⁹ Lekeni bakasesema babili nangu batatu basose, na bambi beluke umo ifyo bakososa. ³⁰ Nomba nga pali ubusokololo kuli wikele, lekeni ekale tondolo. ³¹ Pantu abali bonse kuti basesema umo umo pakuti cila umo asambilile pakuti bakoseleshanye. ³² Pantu imipashi yaba kasesema yaba kuli bakasesema. ³³ Pantu Lesa tali Lesa wacimfulu mfulu lelo icibote. Ili efunde mu filonganino fyonse, ifya kwa lEsa aba mushilo ³⁴ Bana mayo bekale tondolo mu cilonganino. Tabasuminishiwa ukulanda. Lelo bafwile ukunakila ukukonka ne funde. ³⁵ Nga kuli ifyo bakokabila ukusambilila, bakepusha abalume babo ku nganda. Pantu ca nsoni namayo ukulanda mu cilonganino. ³⁶ Bushe icebo cakwa Lesa cafumine kuli mwebo? Ni mwebo mweka cafikako? ³⁷ Nga umuntu aleitunga ukuba kasesema nangu uwakumupashi, afwile ukusumina ai nkolemba kuli imwe icipope cakwa Shikulu. ³⁸ Nomba onse utafyumfwile ifi, nao eumfwika. ³⁹ Eco kanshi, ba munyinane, mukukabilisha ubusesemo, mwilakukanya uulu onse ukulanda mu ndimi. ⁴⁰ Nomba lekeni fyonse ficitike bwino bwino kabili ifyakubula ukufulungana.