¹ Eico caba shani ukupulamo kwa ba Yuda?Kabili bukumu ndo buli mukusembululwa? ² Ku kulanda kwa mu misango yonse.Caliba cinkankala pali fyonse,aba Yuda basekeshiwe no kusokolwela ukufuma kuli Lesa. ³ Bushe cindo icakuti aba Yuda nga tabakwete icicetekelo? Bushe ukukana cetekela kwabo kuti kwalenga Lesa ukukana kuba pingula? ⁴ Tekuti cibe ifyo.Lelo,lekeni Lesa abe uwacine,nangu umuntu onse waba uwa bufi.Nga fintu calembwa,"Ati mufwile ukulainga ukuba aba lungama mukuilandila mu fyebo fyenu,ifyo mufwile ukuba ilyo mukaya ukwisa kubupingushi." ⁵ Lelo nga kukana lungama kwesu kulanga ukukana lungama kwa Lesa,bushe tukolanda shani?Bushe tulelanda ati Lesa tali uwalungama ukuleta ubukali pali fwebo?(Nkobofya ubuntunse). ⁶ Tekuti kube!Pantu ngefyo kuti Lesa apingula shani icaalo? ⁷ Lelo icine cakwa Lesa ukupitila mu bufi bwandi ecilenga ubukatami bwakwe bufule,bushe cindo nkopingwilwa ngo mubembu? ⁸ Bushe nindo tukolanda,ilyo tukolanda ububi pakuti ubusuma bufumepo,"Katucite ububi,pakuti ubune bwisee"?Kwaliwama ukusekwa pantu ubupingushi bwamulinganya. ⁹ Nakabili cindo?Bushe tukoiseka fwe bene?Takuli.Pantu tulishinikile kale Yuda naba Giliki,bonse pamo,pakuba aba bembu. ¹⁰ Ngefyo calembwa:Takwaba umulungami,nelyo umo; ¹¹ Takuli nangu umo uufwikisha;takuli nangu umo uukofwaya Lesa. ¹² Pantu bonse naba patuka;bena pamo balifye abapuka.Takuli nangu umo ucita icabune,takuli,nangufye umo,takuli." ¹³ "Imilomo yabo cilindi ica cenama.Ku ndimi shabo balabapa ubukali bwa nsoka bwaba mu milomo yabo." ¹⁴ "Mu tunwa twabo mwaisula intipu no bukali." ¹⁵ "Amakasa yabo yabutukila mukusumya umulopa. ¹⁶ Ukonaula no bulanda efyaba mu nshila shabo. ¹⁷ Aba bantu inshila yamutende tabaishiba." ¹⁸ "Tabakwata umwenso wa kutina Lesa mu menso yabo." ¹⁹ Nomba twalishiba ukuti conse ico amalango yalanda,yalanda kubali mu malango,ici cilifye icakuti akanwa konse kesalikwe,naba pa caalo bakalubulule kuli Lesa. ²⁰ Neci nipamulandu wakuti takuli uukalungamika ku milimo ya malango mukumona kwa kwe.Pantu ukwisa kwa malango mulandu wa lubembu. ²¹ Lelo nomba ukwabula amalango ubullungami bwa kwa Lesa tekuti bukokele,bwa monekele mu malango na muli bakasesema ngentee_ ²² ubo,ebulungami bwa kwa Lesa ubonaishiba mu cicetekelo muli Yesu Kristu kuli bonse abako musumina.Pantu takuli ukupatulula, ²³ pantu bonse bali bembukile na kambi bapelelwa ku bukata bwa kwa Lesa, ²⁴ kabili balungamikilwa ku kusenaminwa kwakwe ukupitila muli kalubula Yesu Kristu. ²⁵ Pantu Lesa atupele Yesu Kristu ukuba icisokolwelo ukupitila mu cicetekelo mu mulopa wakwe.Watupele Kristu ukuba icinshinikisho pa kulungama,pa mulandu walubembu lwa kunuma ²⁶ mukutekanya kwa kwe umwine.Ifi fyonse fyacitilwe ku kulanga ifya bulungami bwakwe pa nshita ulipo,ifi fyali pakuti aishininkishe umwine eka uwalungama,no kulanga ukuti alungamike bonse pamulandu wacicetekelo muli Yesu. ²⁷ Bushe nga ukuyumfwa kuli kwisa?Fyali fumishiwako.Ukupitila mumulandu ndo?iyo,lelo kupitila mwifunde lya cicetekelo. ²⁸ Eico tukutila ati umuntu talungamikilwa ku cicetekelo ukwabula uku bomba kwa malango. ²⁹ Bushe Lesa ni Lesa waba Yuda fye benka?Bushe tali Lesa wa bena fyalo?Ina,wabena fyalo fye. ³⁰ Nga,icine cine,Lesa aba umo,akalungika abasembululwa ku cicetekelo ,naba tasembululwa nabo ukupitila mu cicetekelo. ³¹ Bushe tuleke amalango ukupitila muku cetekela?Tekuti cibe ifyo!libe,lelo tukoseleshe amalango.