¹ Eico taukwete umwakufisamina, iwe we muntu, weuya ukupingula, pantu webo ico upingula muli umbi cakusekwa muli wemwine. Pantu iwe weupingula uyo ukucita fimo fine. ² Lelo nomba tulishibile ukuti ubupingushi bwakwa Lesa bwabo kulingana ne cine ilyo caponena pali abo abali kucita ifi fintu. ³ Lelo ishiba ici, webo we muntu, webo wewali kupingula abo abali kucita ifi fintu nangula nawebo ulacita fimo fine. Bushe ukapusuka ku bupingushi bwa kwa Lesa? ⁴ Nangu bushe utontonkanyo mukucepa pafya bunonshi bwabusuma bwakwe, pa cipaniko cakwe icikokole, no muteka tima wakwe? Bushe tawalikwishiba ukuti ubusuma bwakwe bwabelako ukukutwala ku kulapila? ⁵ Lelo kukosa kwenu no kukana lapila kwa mitima mwakwata mwebo mwalikukusha mubushiku bwabukali, ubu, bushiku bwa busokololo bwa bupingushi ubwalungama bwakwa Lesa. ⁶ Akapela ku muntu onse ukulingana ne ficitwa fyakwe: ⁷ Kuli bo ukulingana ne ficitwa fisuma bali kupoka ipalo, umucinshi, kabili ubucindami, akapela ubumi bwa muyayaya. ⁸ Lelo kuli bo abaifwaila, abakana icishinka no kusumina ifishalungama, ubukali no kukalipa kwabipisha kuleisa. ⁹ Lesa ali nokuyo ukuleta ubucushi no bulanda pa mutima wa muntu onse uyo uwali kucita ifibi, ukubalila ku mu Yuda, nokuya ku mu Griki. ¹⁰ Nomba ukulumbanishiwa, umucinshi, no mutende fikesa ku onse uwali kucita icisuma, ku mu Yuda pakubala, no kuya ku mu Greek. ¹¹ Pantu kuli Lesa takuli mucisha cinani. ¹² Pantu ngefyo bonse balikubifya ukwabula ifunde, ifyofine bakonaulwa ukwabula ifunde, kabili ngefyo abengi ba bembuka ukupitila mwifunde nabo bakapingulwa ne ifunde. ¹³ Pantu teabo abayo ukumfwa ifunde ababa abalungami kuli Lesa, Nomba nikuli bo abacita ifunde ebakaba abakaele. ¹⁴ Pantu ilyo abena fyalo, abashakwata ifunde, bacite fintu fye funde, bene lifunde ku bene, nangula tabakwete funde. ¹⁵ Pali ici balikulanga ukuti ificitwa fyalikufwaikwa ne funde fyalikulembwa mumitima yabo. Bakampingu wabo balikuba bakambone kuli bo, kabili amatontonkanyo yabo ilabapela ifilubo nangula ukubapokolola ku bene ¹⁶ nakuli Lesa. Ici cikacitika pa bushiku ilyo Lesa akayo ukupingula inkama sha bantu bonse, ukulingana ne mbila-nsuma yandi, ukupitila muli Yesu Kristu. ¹⁷ Nomba ngolayo ukuitunga umu Yuda no kwikala pe funde no kuyumfwila muli Lesa, ¹⁸ kabili nokwishiba ubwile bwakwe kabili no kwishiba iciyene pantu walisambilishiwa ukufuma mwifunde; ¹⁹ elo kabili nga walishininkisha ukuti uli ntungulushi ku mpofu, ulubuto kuli bo abali mu mfifi, ²⁰ uupindulula umuwele-wele, kafundisha waba bana abacece, nokuti naukwata mu mwifunde ifyamano ne cine, nomba bushe ici kuti cacinja shani ifyo wikala ubwikashi? ²¹ Iwe weuyo ukufunda bambi, bushe tauifunda wemwine? Iwe weushimikila pa kwiba? ²² Iwe weutila umo tafwile ukupanga ubucende, bushe ulacita ubucende? Iwe wewapata utulubi, bushe ulebila ama tempele? ²³ Iwe weuyumfwila mwi funde, bushe ulasusha Lesa mumitobele ye funde? ²⁴ Pantu ''Ishina lyakwa Lesa lilapomtelwa pa bena fyalo pamulandu waimwe,'' ngefyo calembwa. ²⁵ Pantu ukusembululwa kuti kwaminonkesha kacatila mwalabela ifunde, lelo ngamwatoba ifunde, ukusembululwa kwenu kwasanguka bukukana sembululwa. ²⁶ Ngacakuti, kanshi, umuntu uwasembululwa asunga ififwaya ifunde, bushe teti bukukana sembululwa bwakwe bwaba ngo kusembululwa? ²⁷ 27Kabili bushe umo uushasembululwa teti amuseke ngasunga ifunde? Ici nipakutila mwalikwata ifunde ilyalembwa no kusembululwa, lelo mulatoba ifunde! ²⁸ Pantu tali mu Yuda fye uwakunse; elo tekusembululwa kwakunse ya mubili. ²⁹ Lelo umu Yuda ni uyo uwamukati, kabili ukusembululwa nyuko ukwa mu mutima, mu Mupashi, temucalembwa iyo. Ukulubanishiwa kwa muntu wabe fyo takufuma ku muntu lelo kuli Lesa.