¹ Eco nomba, Yobo, nkokupapata, umfwa ukusosa kwandi; umfwa kumashiwi yandi yonse. ² Nomba mona, ndiswile akanwa kandi; ululimi lwandi lulisosele mukanwa kandi. ³ Amashiwi yandi yakofuma mukulungama kwa mutima wandi; imilomoyandi isosa amano yabune. ⁴ Umupashi wakwa Lesa wali walimpanga; umupu wawamaka yonse walimpele ubumi, ⁵ Umfwa kuti wacita, njasuka; pekanya amashiwi yobe pali nebo nokwiminina. ⁶ Mona, ndifye ngawe mu mumenso yakwa Lesa; Nanebo napangilwa ukufuma kwi bumba. ⁷ Mona, ububi bwandi tabwakakutinye; nangu ifisendo fyandi ukufina pali webo. ⁸ Ulisosele mumatwi yandi; ndyumfwile iciunda cakulanda kwa mashiwi yobe, ⁹ 'Ndimulungami kabili uwakubula akalema; ndiwakaele, kabili tamwa isambi muli nebo. ¹⁰ Mona, Lesa ukofwaya inshila shakunsanshilamo; akombika ngo mulwani wakwe. ¹¹ Ubika amakasa yandi mumakoli umona is=nshila shandi shonse. ¹² Mona, mulifi taulungeme-- Nkokwasuka, pantu Lesa walikulisha ukucila umuntu. ¹³ Nindo ukoculila pali wo? Talubulula pafyo acita fyonse. ¹⁴ Pantu Lesa usosa limo -- ee, libili lelo umuntu tacishiba. ¹⁵ Muciloto, mucimonwa cabushiku, ulo utulo tukulu twapona pa bantu, mukusendama pabusanshi-- ¹⁶ Elo Lesa waisua amatwi ya bantu, nokubatinya kufintinya, ¹⁷ Mukuti afunyeumuntu mufya masambi fyakwe,nokufumya akatutumushi pali wo. ¹⁸ Lesa asunga ubumi bwa muntu ukufuma ku cilindi, ubumi bwakwe ukufuma ku mfwa . ¹⁹ Umuntu nao ulacenjeshiwa ku bukali pa busanshi bwakwe, nobukali bwakutwalilila mumufupa yakwe. ²⁰ Icakutila ubumi bwakwe bwapata icilyo, kabilonumupashi wakwe wapata ifilyo fyakusasamusha. ²¹ Umubili wakwe ulilikilwe icakutila taukomoneka; amafupa yakwe, ulo tayakomoneka, nomba yalikakatukile. ²² Mucine cine, umupashi wakwe ulitentemukile mupepi ya cilindi, ubumi bwakwe kulibo bukabila ukubonaula. ²³ Lelo umfwa kuli malaika uwingamulandilako, umo ukfuma pekana, kukweba umuntu umuntu ifingawama paliwo, ²⁴ Ukuba noluse paliwo nokulanda, 'Pususheni uyu muntu ukufuma kukuya kucilindi; ndisangile icakukombwela wo.' ²⁵ Elo umubili wakwe ukoba uwakuyemba ukucila uwakanya; wabwekela kunshiku shabumusepela bwakwe. ²⁶ Wo ukapela kuli Lesa, kabili Lesa akaba noluse kuli wo, pakutila ukamone icinso cakwa Lesa nensansa. Lesa ukapela umuntu ukucimfwa kwakwe. ²⁷ Elo ulya muntu ukemba kuntashi yabantu banbi nokulanda, 'Nalicitileisambi kabili nalilufyenye ico cali icakulungama, lelo isambi lyandi talyakandilwe. ²⁸ Lesa ulipuswishe umupashi wandi ukufuma kukuya mucilindi, ubumi bwandi bukonkanyapo ukumona ulubuto,' ²⁹ Moneni, Lesa ucitile fyonsefi fintu ku muntu, libili, ee, nemuku itatu. ³⁰ Kukubwesha umupashi wakwe ukufuma kucilindi, pakutila lulekusanikilwa nolubuto lwa bumi. ³¹ Kutikisha, Yobo, kaili umfwa kuli nebo; batondolo kabili nkososa. ³² Umfwa uli nefyakulanda, ngasuka; sosa, pantu nkokabila ukushinikisha ukutila uli mubololoke. ³³ Umfwa tefyo, kanshi umfwa kuli nebo; ikala tondolo, kabili nkokufunda amano.''