¹ Eco aba baume batatu balilekele ukwasuka Yobo pantu wali uwakulungama mu menso yakwe. ² Elo Elihu umwana mwaume wakwa Busakel umwina Busi, walikwete nobukali, uwamulupwa lwakwa Ram, bwalipile pali Yobo pantu waliilungamikile umwine ukucila Lesa. ³ Ubukali bwakwa Elihu nabo bwalipile pa banankwe batatu pantu tabasangile bwasuko pali Yobo, kabili balisushishe Yobo. ⁴ Nomba Elihu walilolele ukusosa kuli Yobo pantu abaume bambi balikulile paliwo. ⁵ Nangula, wo Elihu wamwene ukutila tapali bwasuko mutunwa twa baume aba batatu, ubukali bwakwe bwalipile. ⁶ Elo Elihu umwana mwaume wakwa Barakel umwina Busi wasosele nokulanda. ''Ndimwaice, elo mwebo mulibakulu sana. Ecalenga mbe tondolo nokukana landa kui mwebo ukulanda kwandi: ⁷ Nalandile, ''Ubwingi bwa nshiku busose; ukufula kwa myaka kufunde amano. ⁸ Lelo muli umupashi mu muntu; umupu wawmaka yonse wamupa ukwishiba. ⁹ Tacabafye ukuti abantu abakulu bamano, nangula abakote beka ukwiluka ubupingushi. ¹⁰ Eco kanshi inkolanda kuli mwebo, 'Umfweni kuli nebo; nanebo inkomweba amano yandi.' ¹¹ Moneni, nalikulolela amashiwi yenu; nalyumfwile kufikansa fyenu ulo mwali kutontonkanya ifyakulanda. ¹² Mucine cine, nalyumfwile kuli mwebo, lelo, moneni, tapali umo pali mwebo uwalengele Yobo ukushininwa nangula ukwasuka ku mashiwi yakwe. ¹³ Mube abakuncenjela mwilanda, 'Tuli sangile amano!' Lesa ukacimfya Yobo; umwaume wafye tekuti acicite. ¹⁴ pantu Yobo tatungulwile amashiwi yakwe kuli nebo, eco ntakumwasuke namashiwi yenu. ¹⁵ Aba baume batatu balitinine; tekuti basuke Yobo nakabii; tabakwete ishiwi lyakulanda nakabili. ¹⁶ Bushe ningalole pantu tabakasose, pantu baliminine palya tondolo nokwasuka iyo? ¹⁷ Iyo, nanebo nkoyasuka palubali lwandi; Naine nkabeba amano yandi. ¹⁸ Pantu ndiswile namashiwi ayengi; umupashi muli nebo ukonjeba. ¹⁹ Moneni, amabele yandi yali ngo mwangashi wakupikwapo uwakubula umwea; ukuba ati fipapa fyamyangashi pya, iikofwaya ukupalika. ²⁰ Nkososa ukutila ntushe; nkoisula imilomo yandi; nokwasuka. ²¹ Nshikolanga kapatulula; Nangufye kupela amashina yakucindika uuli onse. ²² Pantu ntaishiba fyakupela amashina yaifyo; umfwa nacita ico, uwambumbile kuti wapita bwangu.