¹ Emfi fyasosele Yawe ku musubwa wakwe, Sailasi ai, niwe naikata ku kuboko kwandi ukwakukulyo pakuti ucimfye imishobo ya bantu, nokuya kupoka ishamfumu amaka yashiko, nokupankula impongolo shamisumba patanshi yobe, pakuti tapali uwakwisalako ifibi. ² Ninebo wine nkayo ku kupekanishisha umo ukayo ukupita nkaya nkopasa impili no tupili twin; Nkaya nkotobaula imipilikisho yashiko iya fyela. ³ Nkakupela ifyuma ifyo batutila umwakufisama necuma icafiswa mucifulo icankama, epakuti akashinikishe ai kanshi nine Yawe Lesa wakwa Israeliuwakwita mwishina lyobe. ⁴ Ico ine nakusalila nipakuti ulekutulanyako umjbomfi awakwa Yakobo, Israeli uo nebo nakwita mwishina lyobe. Nobe ndikusalile, ndikucindikile apakalambafe, nangu kwena webo tawangishiba. ⁵ Nebo ninebo Yawe, takwaba naumbi awe, Nebo ninebo Lesa, takwaba naumbi awe. ⁶ Ico nebo nkacitilefi nipakuti ukufuma ukutula akasuba, ukuya shinta nokokawila akasuba, abantu bonse bakoshinikisha ukwebai; Ninebofye Yawe, takwaba naumbi awe. ⁷ Nebo ninebo napangile ulubuto ne mfimfi; ninebo ndeta ishita yamutende kaili ne shita yafikuko, ninebo ndeta ne Yawe ncita fyonse ifi. ⁸ We mulu kauloka ubuloke nge mfula, mwe makumbi akumfumfumuneni ubuloke nge mfula, umushili nao wisuke, nokupususha kwine kutwale ifisabo, nobuloke bulekukulila capamo, ninebo Yahweh nkalenga ukwebai ifintu fikacitike ⁹ Cabulanda ku umana nakabumba wakwe, inongo imo iilingenefye ne nongo shinankwe shibiyo shonse, bushe kuti eshapama ukulapashanya no waibumba? Bushe ibumbu kuti elyaipusha nakabumba ai, 'Findo ukocita? Bushe ico ukopanga ecingayo ukukweba ai, 'takwaba maboko mwa? ¹⁰ Cabulanda ku mwana uwingapama ukweba wishi ai, 'Cinshi ico mwafyalile?' Nangu ukweba banyina ai, Cindo mwapampile?' ¹¹ Mfi efyo Yawe asosa, Lesa wamushilo uwakwa Israeli, kaili kabumba wakwe, pafili no kubako ndesosa ai, ',webo tamwaba na nsambu ishakuyo ukungipusha palwa bana bandi, nangu ukupampela icebo cakucitapo cimo. ¹² Ninebo neka nabumba isonsde, no kubumba abantu baikalapo. Ninebo nafungulula imyulu ku maka yandi fe, ninebo nenga kweba ai; akasuba kalebalika kumo kwine no mwenshi netanda. ¹³ Ninebo nkema Sairasi uwakulungika, ninebo nkamiwamishako inshila shakwe shonse. Eukakulila umusumba; eukandwilako abantu bandi abamuli bunkole. Pali uyu mulimo, awe takapokelelepo amalipilo awe,''' efyasosa Yawe wa mabumba. ¹⁴ Imfi efyasosa Yawe ai, ''Ifyuma fya mu Egypto nefya mu Kushi fyakuba fyenu, nabalya abantu bamu Saba ababa abatali bakuba abasha benu, bakalamukunkwila panshi, nokwisa laba ai, 'mucishinka fe nimwebo mweka mwaba na Lesa, nao e Lesa ekafye kabili takwakabe naumbi.''' ¹⁵ Cine cine uli Lesa uwaifisa, we Lesa wakwa Israeli kaili umupusushi wakwe. ¹⁶ Abapanga utulubi bonse bakasebana; bakoya nensoni nashibekata, bonse bakasebanina capamo. ¹⁷ Nomba abena Iseali bena Yawe akabapususha, akabapela ipusukilo lyamuyayaya kanshi tabakabale abasebana, kaili tabakakale abekatwe insoni awe ukufika umuyayaya. ¹⁸ Pantu efyo Yawe asosa, Yawe uwabumbile umunlu, ena e Lesa fye uwabumbile isonde nokulilinganya bwino, ewalikasha pamaka. Talibumba pakwebai lilyokubafye amatololo, awe. Ico alibumbile kwebai epo abantu bayo ukwikala: ''Aeba ai Nine Yawe, takwaba naumbi awe. ¹⁹ Atiala nshilandila mubumfisolo awe, nangu ukufisama muno umwakufita; nebo nshaebele ukwebai abana bakwa Yakobo balemfwaya icifwayefwaye awe, pantu nebo ndi Yawe, kaili nanda ifyacishnka; nkoishiba na bantu ifyakulungama. ²⁰ Longaneni kuno! Mwe bantu bamishibo yonse! Abashakutuluka nabo abatandasha utulubi, abapepa utumilungu utushaba namaka yakubapususha. ²¹ Iseni mupepi mulondolole umulandu wenu mu cilye, abakoyo ukukanina nabapandane amamo. Bushe kale ninani wasosele kabela ifi fintu, nokufilondolwela limo? Bushe tenebo Ne, Yawe? Ishiba ukwebaitapali Lesa umbi kanofe nebo, umupusushi, kaili umololoke; ala takwaba Lesa naumbi ukucila pali nebo. ²² Bweleleni uko ndi, pakuti mupusuke; nine neka, Ne Lesa takwaba naumbi. ²³ Napali Nemwine ukwebai ifyo nebo nasosa, ala fyacishinka kaili shakabwekeshepo: 'Napalifye nebo bonse bakuyo ukufukamina, ne ndimi shonse bakandaya ifilayo nokumpetamina. ²⁴ Bonse bakayo ukulanda pali nebo ai, ''Temuli Yawe eka emwaba ubulungami namaka.'''' Nomba bonse abakayo ukumupata bakayo ukusebana nokwikatwa insoni ku cinso cakwe. ²⁵ Muli Yawe emo ubufyashi bwakwa Israeli bakabela abakaele; kaili nabo bakalamulumbanya.