¹ Nomba umfwa, we Ykobo umubomfi wandi elo na Isreali, ngo nebo nasalile. ² Mfi efyasosa Yawe, ngo uwakubumbile elo nokukupanga mwifumo elo ngo wine akoyo kukwafwa weebo: ''Witina, we Yakobo umubomfi wandi elo noobe, we Jeshuruni, ngo neebo nasallile. ³ Pakuti nebo nakupongolwela amenshi pa calo ca cilaka, elo ya kofukumukila mpo epakuuma; Nebo nakupongolwela no mupashi wandi pa bufyashi bobe elo nepalo lyandi paba munganda yobe. ⁴ Bakumena mucani, kwati citi patumilonga twa menshi. ⁵ Umo ukososa ai, 'Nebo ndi wakwa Yawe,' elo umbi nao akoyo kukuta ishina lyakwa Yakobo, elo umbi nao akoyokulemba pacisansa cakwe ai ndi wakwa Yawe,' elo akwinika neshina umwine ishina lyakwa Israeli.'' ⁶ Nku ekusosa kwa kwa Yawe-Imfumu yakwa Israeli elo kalubula wakwe, Yawe wamilalo ai: ''Nebo nine wantanshi, elo ninebo wakulekelesha; lelo takuli Lesa kanofe nebo. ⁷ Bushe ninani uwaba nga nebo? Lekeni atalame ukubila elo nokulondolola kuli nebo mfyo ifyacitikile ukutula fe apo nasalile abantu bandi, elo lekeni asose mfyo ifyakwisa. ⁸ Witina nangu ukuba no mwenso. Bushe nebo ntasosele akale fe kuli webo, elo nacibilisha? Nebo kambone wandi: Bushe kwalibako Lesa umbi pali nebo? Awe takwaba icibwe cimbi; Nebo nalishiba ai takwaba.'' ⁹ Bonse mbo abapanga utulubi tababa nangu fe cimo; nefintu mfyo bapangilapo tafyaba nangu fe kamo; bakambone babo tabamona nangu ukwishiba icili conse, elo nokusebana bakesa kusebana. ¹⁰ Ninani ngo ulenga umulungu nangu fe ukwenga akalubi nko akataba nakantu. ¹¹ Lolesheni, bonse mbo babishanya nabo bakwikatwa insoni; abapanga panga wa fintu bantu nse fe. Lekeni fe bonse mbo abemanina nabo pamo; bakwikatwa ubulanda elo ne nsoni. ¹² Kafula abombela ne fibombelo fyakwe, acipanga abombela pamifito. Acipangila na sando elo nokucibombela ku kuboko kwakwe ukwakukuso. Aumfwa ne nsala, elo nokukosakwakwe kwabula; takonwapo na menshi elo afwa necitu. ¹³ Kabasa apimina ulubao ku mwando, elo ashilila icilembo ku mwando. Apangilako ifipailo naco cibafe kwai muntu, nokuyokumoneka fe icabune ngo muntu pakuti cilingane cibe icakwikala panganda. ¹⁴ Alaya kukutemba ifiti fya mu kedari, nangu abula iciti ca mukupiri nangu iciti ca mu oke. Aitolela umwine ifiti mupanga. Alima iciti ca mwengele casuka cakula ulo palokele imfula. ¹⁵ Nakambi umuntu acibomfya mukukoshako umulilo elo nokuyokonta umwine. Ina, alakoseshako umulilo elo nokocelako umukate. Nakambi alapangilako umulungu elo nokuyofukaminako kuli wena; alapangilako nakambi elo nokuyokufukamina. ¹⁶ Alabika inkuni pamulilo, elo nokocelapo inama. Alaya elo nokwikuta. Alonta elo nokusosa ai, ''Eya, neebo nakaba, namona mulilo.'' ¹⁷ Ishashalapo inkuni apangilapo umulungu, icimpashanya caciko; akoufukamina elo nokucindika, elo nokupepa elo akoweba ai, ''mpokololeni neebo, pakuti nimwebo lesa wandi.'' ¹⁸ Ala tabalaishiba, nangu fe ukwiluka, pakuti amenso yabo yalipofula elo tayamona, elo nemitima yabo tailuka. ¹⁹ Takwaba nangu fe umo uutontonkaya, nokwibukisha elo nokusosa ai, ''nalilepwileko nakosesha nomulilo ina, neebo nalyocelepo na nomukate palaka yaciko. Nalyocelepo nenaama pamalaka yaciko elo nokulya nalilile. Nomba bushe kuti napangako icintu icakupusanako icakwebai ndekucishinshimuna? nakambi kuti nkofukamina nacofe icilibwe cacimuti?'' ²⁰ Ala na cintu bacita cimo cine fe nokulya imitoi, kanshi baicusha abeene elo nokucusha imitima yakwe. Tecekuti apokolole umweo wakwe, ''Bushe tekuti amone fe ai nci cintu icili muminwi yandi mulungu wabufi.'' ²¹ Muyokutontonkanya pali nfi fintu, Yakobo na Israel, pantu muli ba bomfi bandi: nalimibumbile; muli babomfi bandi: ntakamilabe. ²² Nalikubelela uluse kuli bumpulamafunde bobe, nge kumbi, ubufi bobe; bwekela kuli ne, pantu ine ndikulubwile. ²³ Imbeni, mwe myulu, pantu Yahweh alicitile nci; mulekwalwila ne nsansa, mwe ncende shaikala mwi sonde. Mulekupunda ne nsansa, mwe mwempili, mwe mwempa nga mwabe fiti; pantu yahweh alilubwile Yakobo, kai akulanga ubucindami bwakwe mu Israel. ²⁴ Mfi emfyo Yahweh akososa, kalubula wenu, uwakubumbile ukufuma muunda: Nine Yahweh kabumba wa fyonse, engo wine wandalika imyulu, nakambi nakambi enga uwabumbile isonde ukwabula uwakumwafwako. ²⁵ Nine mfulunganya ifisemo fyakuba kasesema babufi nokupelenganya amano ya bantu babuka; nine njokanya abamano nokubalanga mfyo amano yabo yaba ayabupuba. ²⁶ Ine, Yawe, neufikilisha mfyo umubomfi wandi asobela, uusosa pali Yeresalemu, ababtu bakwikalamo nakaili, 'ne misumba ya mu calo ca Yuda, 'fyakukulwa nakaili, yakukulwa cipya cipya'; ²⁷ uo ukososa kuli bemba mukalamba ai, 'Nakumya bemba mukalamba kai nemimana ipongolwelamo.' ²⁸ Yawe eusosa napali Sairasi, 'ai ngu musemi wandi, akucita fyonse mfyo mfwaya; akupela abantu icipope, cakukula Yerusalemu cipya cipya, 'kwai na petempele muyokuleka umufola ngo uupekanishiwe.