¹ Mona , imfumu yakutungulula mubulungami, nabacilolo baiko bakulatungulula no mjulinganya. ² Nabo umo umo bakuba kwati bucingo ku mwela kwati ebakupusukila ku cimwela ca kukabanga, bakuba kwati emilonga yamenshi mumatololo, kwati e cintelelwe ca cilibwe icishaikulila icaba mu calo icauma ndii. ³ Na menso yonse ya abo abamona yakalalola, namatwi yabantu abomfwa bakuya kumfwikisha. ⁴ Abo abashiteka imitima bakulakwata umucetekanya no kulaposa amano kufyo abantu bakalacita kaili ababulubusa bakulasosa mukushipa. ⁵ Abapumbu tabakaye kumupela umucinshi, bakuleka nokusosa ayi ababufi abafuma cumi. ⁶ Pantu icipumbu cisosafye ifyabupumbu, elo asosa fyakusalulafye Yawe. Kabili tecakutala akupelako ifyakulya kuwansala, nangu ukupelako abali necilaka ca menshi nakalya iyoo. ⁷ Ububifi bwalibipisha ubo icipumbu cacita. Cena mu mutima waciko cipanga fe ukulaonaula abalanda kubufi bwaciko, nencushi ukushifyengelesha nelo alanda ifilungeme. ⁸ Lelo umuntu uwamucinshi apanga fye ukucita ifyamucinshi; napamulandu wamucishi wakwe akwiminina. ⁹ Umfweni kuno, imwe banakashi mwebaikla ubwanalale, umfweni kwishiwi lyandi; mweba shasakamana nelyo cimo, umfweni kuli nebo. ¹⁰ Pali nomba muli bu bwanalale nomba muli uyu mwaka walaisa imwe mwakulalaka lakafe, pantu takwakabe fitwalo fya myangashi mwakulasaba nakalya, ne fisabo fya fimuti fimbi nafyo tafyakamoneke. ¹¹ Akukankeni ku mwenso, imwe mwebaikala mubwanalale; akusunkaneni, imwe mweba shasakamana nelyo cimo; fuleni ifyakufwala ifyo mufwele; fwaleni ifyakufwala ifyabulanda mumisana yenu. ¹² Ikumbataneni amaboko pakulanguluka pa mabala ayafunda ayakonaika pa mabala ya myangashi. ¹³ Na palwa myunga iyikalekulila pamo napali ba cilasa mu mushi wa bantu bandi, lilileni amayanda yonse umo abantu baleikala nensansa mu musumba wa Jubilant umwali insansa. ¹⁴ Na kwisano kwakulekeleshiwa, no musumba uwakwete abantu abengi mwakusanguka amapopa; imishi yamalinga kumo kwine ne mpungu ishakulondelapo fyakushalafye ifitantala, ba punda ba mpanga ebakuya kwendaukamofye, nempanga emo shakuya kuliila umulemfwe; ¹⁵ kanofye umupashi ukapongolokelwe pali fwebo ukufuma kumulu, namatololo yakusanguka incende iyamufundo, nencende yamufundo yakwisa kuba impanga. ¹⁶ Mumatololo mwakulaikala umulinganya; ubulungami bwakulaya kwikala mu ncende yamufundo. ¹⁷ Ne ncito yabulungami bwakusanguka umutende; no bulungami bwakuleta umutelelwe uwape, umutalalila necimwela umuyayaya. ¹⁸ Abantu bandi bakulaya ukwikala mu ncende ya mutende, incende iyacingililwa, mu mutalalila emo bakuya ukwikala. ¹⁹ Nangu imitengo ikonaulwa ku mfula yacitalawe no wawishiwa panshi. ²⁰ Mwakupalwa nga mwasombola ifyo mwabyele pakushukila amenshi ayengi no kuleka ingombe na ba punda fileyendela fye no kulailila.