¹ Kalanda tentemukila ku Egypto kubwafwilisho no kwendela pali bakabalwe, nokucetekela mu maceleta (pantu fyena fingi) nabakalume baba kabalwe (pantu baena tekuti tupende). Lelo tababika mano peshina lya mushilo wakwa Israeli, nangula ukufwailisha Yawe! ² Lelo ena alicengela, elo akuleta ifikunka nakaili takabweshemo na mashiwi wakwe. Akwimina palwa bubi bwa munganda elo na bonse abafwa bonse abacita ulubembu. ³ Egypto muntunse fe te Lesa iyoo, bakabalwe nabo ninama fe temupashi iyoo, ulo Yawe akucitapo cimo ukubomfya ukuboko, na bonse abamwafwilishako bakatalansuka noyo bafwilisha akuwa, bonse bakulobela pamo. ⁴ Imfi efyo Yawe asosele kuli nebo, ''Nge nkalamo, nangu ni nkalamo iinono, in'gan'gina inama iyo ikete, ulo ibumba lyabacemi ulo bakocema, lelo tafitina amashiwi yabo, nangu ukusakamikwa kukupunda kwabo; eico Yawe wamilalo akwika ukwisa kulwa palupili lwa Sioni, palupili ndulya. ⁵ Nge fyoni ifikopupuka, eico Yawe wamilalo akucinga Yerusalemu; akubacingilila nokubapususha ulo akupita pali bena no kubalama bene. ⁶ Bweleni kuli wene kuli uyo mwapondokela, mwebena Israeli. ⁷ Pantu bulya bushiku bonse mwakuposamo utulubi tushaibipila uto imwe mwapangila na silifa na golide uto uto imininwe yenu ya lubembu yapangile. ⁸ Assyria cakoneka ku lupanga; nalo telupanga lwa muntunse iyo uukamupomona. Akufulumuka ku lupanga, na baice bakubatwala mubusha ubukalamba nganshi. ⁹ Bakulusa ne cimwela pa mulandu wa mwenso, na bamushika babo abankondo nabo bakutina pa cinso cakwa Yawe no lunga lwabo ulwa nkondo-uku ekusosa kwakwa Yawe -umulilo wakwe uli mu Sioni elo lungu lyakwe lyaba mu Yerusalemu.''