¹ Yahweh alandile kuli Mose mu matololo ya Sinai, mu mweshi wakutampilapo mu mwaka wabubili panuma ulo baishile kufuma mu calo ca Egupto. Alandile ati, ² '' Leka abantu ba mu Israeli basunge ica kucilila panshita yabikwa mu mwaka. ³ Pabushiku bwakulenga ikumi limo na shine muli uyu mweshi, pa cungulo mufwile ukusunga ica kucilila pa nshita iyabikwa mu mwaka. Mufwile ukusunga ifi, mukakonke yonse amafunde, elo nokubela ifipope fyonse ifyakupalana kulifi.'' ⁴ Eco, Mose alyebele abantu bamu Israeli ukuti bafwile ukusunga ubushiku bwakusefya icakucilila. ⁵ Eco balisungile icakucilila mu mweshi wa kutampilapo, pa bushiku bwakulenga ikumi kabili na shine ubwa mu mweshi, pa cungulo, mu matololo yamu Sinai. Abantu bamu Israeli balikonkele fyonse ifyo Yahweh akonkomeshe Mose ukucita. ⁶ Kwali abaume bamo abaishilekuba abashasangululwa ku mubili wa muntu uwa kufwa. Tekuti basunge icakucilila pali bulya bushiku. Baile pantanshi yakwa Mose na Aaron pali bulya bushiku bumobwine. ⁷ Abo baume balandile kuli Mose ati, ''Fwebo tulikowelele pa mulandu wa mubili wa muntu uwakufwa. Nindo uletufunisha kukutuula umutuulo wakuipelesha kuli Yahweh panshita iyabikwa iya mwaka pa bantu bamu Israeli?'' ⁸ Mose alandile kulibo ati, ''Mpembeleni ngufwe ifyo Yahweh alankonkomesha pali mwebo.'' ⁹ Yahweh alandile kuli Mose. Alandile ati, ¹⁰ ''Landa ku bantu bamu Israeli. Landa ati, 'Ngacakwebati umo muli mwebo, nangu uwa mulupwa lwenu alikowela pamulandu wa muntu wa kufwa, nangu ali pabulendo ubutali, wo kuti asunga icakucilila kuli Yahweh.' ¹¹ Mu mweshi wa bubili pa bushiku bwalenga ikumi na shine pa cungulo, bafwile bakalye icakulya ca kucilila. Bafwile ukulya umwana wa mpanga uwa cakucilila ku mukate uwakubulamo icakututumusha kabili na kumusalu uwakulula. ¹² Tabafwile ukushapo nangufwe cimo palifi mpakafwe ulucelo, nangu ukutoba ifupa lyaiko. Bafwile ukukonka amafunde yonsefye aya cakucilila. ¹³ Lelo umuntu uuli onse uyo uwasanguluka kabili tali na pabulendo, nomba uwafilwa ukusunga icakucilila, uyo muntu afwile ukupatulwako ukufuma ku bantu bakwe pantu o tapele icelambo ilyo Yahweh afwaya panshita yabikwa pa mwaka. Uyo muntu afwile ukusenda ulubembu lwakwe. ¹⁴ 14 Nga mweni ekala na mwebo kabili asunga icakucilila kuli Yahweh, wo afwile ukucisunga ukukonka nefipope fya cakucilila kabili ukukonka ne funde lya ciko. Mwebo mufwile ukukwata ifipope kuli bonsefye kubena fyalo elo na kulyabo abafyalilwe mu calo.'' ¹⁵ Pa bushiku ubo itenti lya kukumaninamo lyaimikilwe ikumbi lyalifimbile itenti lya kukumaninamo, itenti lya cipangano ca fipope. Mucungulo ikumbi lyalikuba pa mulu we tenti lya kukumaninamo. Eico calikumoneka ukubati mulilo ukufikafye na kacelo. ¹⁶ Calikonkenyepo muli ilya nshila. Ikumbi lyalifimbile itenti lya kukumaninamo elo lyalikumoneka kubati mulilo. Ulo lonse ikumbi lyalekufumishiwapo pa mulu we tenti, abantu ba mu Israeli balikutampako ulwendo lwabo. ¹⁷ Ulo lonse ikumbi lyaimakana, abantu balapanga inkambi. ¹⁸ Pakwebekesha kwakwa Yahweh, abantu mu Israeli balikwenda, elo pakwebekesha kwakwe, balikupanga inkambi. Ulyo ikumbi lyaimakana pa mulu we tenti lya kukumaninamo balikwikala mu nkambi. ¹⁹ Ilyo ikumbi lyaikala pa mulu we tenti lya kukumaninamo pa nshiku ishingi, eluntu abantu ba mu Israeli balikubela ifyakukonka fyakwa Yahweh kabili no kukana enda. ²⁰ Inshita shimo ikumbi lyalikwikalafye pa nshikufye ishinono pe tenti lya kukumaninamo muli uyo mulandu, balikubela ifyo Yahweh abakonkomesha-balikupanga inkambi elo kabili balikwenda mu kukonkomesha kwakwa Yahweh. ²¹ Inshita shimo ikumbi lyalikuba mu nkambi ukutula icungulo mpakafye ulucelo. Ilyo ikumbi lyaimishiwa mu lucelo, bena balikwenda. Nga cakonkanyapo akasuba elo no bushiku, nulofye ilyo ikumbi lyaimishiwa elo bengaba pa lwendo. ²² Nangula ikumbi lyaikala pe tenti lya kukumaninamo pa nshiku shibili, pa mweshi, nangu pa mwaka, ngacakuti likelefye palyapene, abantu bamu Israeli kuti bekelefye mu nkambi shabo elo ukwabula ukwenda. Ulo lonse ikumbi lyasumbulwa balikutampa ubulendo bwabo. ²³ Bena balikwikalafye mu nkambi shabo ngefyo Yahweh abakonkomeshe, kabili balikwenda pa kukonkomesha kwakwe. Bena balikubela ukukonkomesha kwakwa Yahweh ukwalikupelwa ukupitila muli Mose.