¹ Yaweh asosele kuli Mose. Alandile ati, ² ''Panga amapenga ya Silfere yabili upame Silfere pakuyapanga. Mufwile ukubamfya ipenga pakwita abekalamushi capamo kabili nokwita abekakala mushi ukufuma pansakwe shabo. ³ Ba shimapepo bafwile ukulisha ipenga pakwita abekala mushi bonse capamo pantanshi yobe pa mwinshi we hemalya kukumaninapo. ⁴ Nga bashimapepo balisha ipenga umuku umo fye, elyo nabakulu ba mikowa shabena Isreali bafwile ukulongana pali we. ⁵ Ilyo walishisha sana icakwishibilako, nsakwe lubali lwa kukabanga bafwile batampa ubulendo. ⁶ Ilyo walishisha sana icakwishibilako umuku wa bubili, insakwe lubali lwa kukapinda ka kulyo bafwile batendeka ulwendo lwabo. Bafwile ukulishisha sana icakwishibilako icabulendo bwabo. ⁷ Ilyo abekala mushi balongana pamo, lisheni amapenga, nomba tekulishisha sana. ⁸ Abana bakwa Aroni, bashimapepo, bafwile ukulisha amapenga. Ici cikaba cipope pali mwebo ukupitila munkulo sha bantu benu bonse. ⁹ Ilyo mwaya ku nkondo mu calo cenu na balwani abamicusha, elyo mufwile ukulisha icishibilo na mapenga. Nebo, Yaweh Lesa wenu, nkamibukisha nokumipususha ukufuma kubalwani. ¹⁰ Kabili, munshita ya kusefya, yonse mumitebeto yenu napa kutampa kwa myeshi, mufwile ukulisha amapenga pamalambo yenu ayakoca na pa malambo yenu ayakuba pamo. Ifi fikalabomba nge fishibilo fyenu kuli ne, ne Lesa wenu. Nine Yaweh Lesa wenu.'' ¹¹ Mumwaka wa bubili, mu mweshi wa bubili, pa bushiku bwalenga amakumi yabili mu mweshi, ne kumbi lyalisumbwilwe ukufuma pe lunga lwa cipangano cakukumaninamo. ¹² Abena Isreali elyo baimine pa bulendo bwabo ukufuma mu matololo ya Sinai. Ikumbi lyaiminine mu matololo ya Palani. ¹³ Bapangile ub ulendo bwabo ubwa pakubala, ukukonka icipope cakwa Yaweh icapelwe ukupitila muli Mose. ¹⁴ Insakwe iyaile tungululwa nabana bakwa Yuda eba balilepo ukuya, ukufuma mumabumba-mabumba yabo. Na Shoni mwana Aminadabu atungulula ifita fyakwa Yuda. ¹⁵ Nataneli mwana-Zuaratungula ifita fya mutundu wa bana bakwa Isaka. ¹⁶ Eliabu mwana Eeloni alikutungula ifita fya mutundu wabana bakwa Sebuloni. ¹⁷ Abana bakwa Geshoni na Melali, balesunga icipango ca kukumaninamo, ba bongolola icipangano no kutampapo ubulendo bwabo. ¹⁸ Abakonkapo, ifita ifyalelangululwa ne nsakwe yakwa Lubeni baima pa bulendo bwabo. Elisu mwana Shedeuli atungulula ifita fyakwa Lubeni.Abakonkapo, kifita ifyalelangululwa ne nsakwe yakwa Lubeni baima pa bulendo bwabo. Elisu mwana Shedeuli atungulula ifita fyakwa Lubeni. ¹⁹ Shelumieli umwana wakwa Surishadai atungululwile ifita fya mutundu wa bana bakwa Simoni. ²⁰ Eliasafi umwana wakwa Develi atungulwile ifita fya mutundu wa bana bakwa Gadi. ²¹ Abena Koati balimine. Basende oicipe ca mushilo icakwikalapo. Bambi bali nokwimika icipango libe abena Koati tabalafika pa Nkambi yakonkapo. ²² Ifita ifyali kutungululwa na bana bakwa Eprraim ebakonkelepo. Elishama umwana mwaume wakwa Ammilhud atungulwile ifita fyakwa Epraimu. ²³ Gamalie umwana wakwa Pedasa atungulwile ifita fya mitundu ya bana bakwa Manase. ²⁴ Abidani umwana wakwa Gideoni atungulwile ifita fya mitundu ya bana bakwa Benjamini. ²⁵ Ifita ifyapangile inkambi, ifyaletungulwa na bana bakwa Dani efyaimine pa kulekelesha. Aiesa umwa wakwa Amishadai atungulwile ifita fyakwa Dani. ²⁶ Pagiele umwana wakwa Okulani atungulwile ifita fya mutundu wa bana bakwa Asha. ²⁷ Ahira umwana wakwa Enani atungulwile ifita fya mitundu ya bana bakwa Nafulali. ²⁸ Iyi enshila ifita fya bantu bakwa Isreali fyaimininemo pa bulendo bwabo. ²⁹ Mose asosele kuli Hobabu umwana wakwa Reueli umwina Midiani. Reulei ali wishi wamukashi wakwa Mose. Mose asosele kuli Hobabu nokulanda ati, ''Tuleya kuncende eko Yaweh atwebele. Yaweh alandile ati, 'Nkacipela kuli mwe.' Isa nefwe kabili tukakucitila ifisuma. Yaweh alilanga ukucita ifisuma kuli Isreali.'' ³⁰ Lelo Hobabu alandile kuli Mose, ''Ntaye nobe. nkoya ku calo candi kabili kubantu bandi.'' ³¹ Elyo Mose ayaswike, ''Twapapata mwitusha. Walishiba ifyakupanga insakwe mu matololo. Ufwile ukutulanga.'' ³² Nga waya nefwe, tukakucitila ifisuma fimo fine ifyo Yaweh akatucicila.'' ³³ Balyendele ukufuma ku lupili lwakwa Yaweh panshiku shitalu. Ne ciapo ca cipangano ca kwa Yaweh cali pantanshi yabo panshiku shitatu kukufwaya incende apo bo bengatushisha. ³⁴ Ikumbi lyakwa yawehlyali pamu wabo mukasuba ilyo balikwenda. ³⁵ Ilyo lyonse icipao caima, Mose alingile ukulansda, ''Imeni, Yaweh Paaseni abalwani benu. Lengeni abo aba mipata bafulumuke ukufuma kuli mwe.'' ³⁶ Ilyo lyonse caiminina, Mose alingile ukulanda, ''Bweleni, Yaweh, ku ma hema yabena OIsresali imintapendwa.