¹ Nga ca kwebati kuli uku koseleshiwa ukuli konse muli kristu, nga ca kwebati kuli uku sansamushiwa ico icipelwa ne citemwiko, nga ca kwebati kuli ubwa mpano mu Mupashi, nga ca kwebati kuli uluse elo ne nkumbu, ² eluntu kanshi nji ushenimo ne nsansa nokuba ne tontonkanyo limo line, nokuba ne citemwiko cimo kwine, ukwampana mu Mupashi, noku kwata ubuyo bumo. ³ Mwi cita icili conse ukuilanga ukubati mulipo abenenene pa banenu nangu akatutumushi. Lelo mu kuicefya mule kutatakula abanenu ukucila mwe bene. ⁴ Lekeni cila umo pali bwebo ela kulolesha palwa fya ku kabila kwakwe fye, lelo naye ale kulolesha palwa fya ku kabila kwa banakwe. ⁵ Mule kukwata ici mu matontonkanyo yenu ico icali na muli Kristu Yesu , ⁶ ye, nangu naye ali ni Lesa tai bwene uku lingana na Lesa ukubati cintu cimo ica ku ilinganishisha naye. ⁷ Lelo, ali icefeshe umwine eka ukubula icipasho ca mubomfi, elo no kwisa ku fyalya ukubati umuntu, ⁸ ali icefeshe umwine eka elo no kuba uwa cumfwila uku shinta fye na kumfwa, nayo imfwa iyapa musalaba!. ⁹ Eico kanshi, naye Lesa ali mwimishe ukucila na mu cipimo elo amupele ne shina ilya kucila pa mashina yonse. ¹⁰ eico acitile fi pa kwebati pe shina lyakwa Yesu ikufi lyonse likafukame, mu mulu elo na pano calo elo na panshi ya calo. ¹¹ elo ne limi lyonse likande ukwebati Yesu Kristu ni Shikulu, ku lulumbi lwa kwa Lesa Tata. ¹² Eico kanshi, mwe batemwikwa, ukubati ni filya fine mubela lyonse, tali fye mukubapo kwandi, lelo na kucilishapo nga ntalipo, kobombeleni ipusukilo lyenu mwe bene no mwenso noku kanka. ¹³ Pantu ni Lesa uuko bomba muli mwebo bonse mukufwaya no kubomba mukutemwa kwakwe. ^{14 16} Mulekucita ifintu fyonse ukwakubula uku ilishanya nangu ukutalika ¹⁵ eico pa kwebati mube aba kubula icilubo elo aba kupwililika, abana bakwa Lesa abakubula akabi akali konse pakati ka aba bantu abakubipa, elo muli ino nkulo iya kubipa umo mwebo mwaka ukubati lubuto mu mwi sonde. Twalilileni ukule kucetekela mwi shiwi ilya mweo pa kwebati pa bushiku ubwakwa Kristu nebo nkale kuyumfwa ukwebati nebo nta butukile ulubilo apa fye nangu ukubombela apa fye. ¹⁷ Lelo nangu ninga pelwa ukubati ca bupe pelambo elo no mulimo wacicetekelo cenu ndi temenwe elo no kwanga nenu bonse. ¹⁸ Mu musango umo wine namwe bene mufwile mwatemwa no kwanga pamo nandi. ¹⁹ Lelo nkosubila muli Shikulu Yesu ukutuma Timoti kuli mweo nomba line, pa kwebati nandibo nkoseleshiwe uluntu naishiba ifintu pali mwebo. ²⁰ Pantu nta kwatapo nangu umo ukubati niye, ye uwasakamana pali mwebo. ²¹ Pantu nabo bonse bakofwaya ifyabo abene lelo tali fintu fya kwa Yesu Kristu. ²² Lelo muli shibile ukuba kwakwe, pantu ukuba ati ni filya umwana amwaume pamo na wishi, eico ali bombele nandi mu mbila iya bune. ²³ Eico nkosubila uku mutuma kangu nga ca kwebati nabona ifintu ifyo fikenda nandibo. ²⁴ Lelo ndi cetekele muli Shikulu ukwebati nebo nandibo nkoisa kangu. ²⁵ Lelo nko tontonkanya ukwebati cililingile ukutuma Epapolotitusi ukubwelela kuli mwebo. Ni munyina wandi elo no mubomfi munandi elo no mushilika munandi, elo ne nkombe yenu elo no mubomfi wa fintu ifyo nko bulisha. ²⁶ Pantu ali sakamene, elo ali kufwaisha ukuba nenu bonse, pa mulandu mwali kutikile ukwebati ali uwa kulwala. ²⁷ Pantu mu cine fye ali lwalishe nicikanga fye afwe no kufwa. Lelo Lesa ali mukwatile uluse, elo tali ye fye eka, lelo na pali nebo, pa kwebati niba no bulanda pa bulanda. ²⁸ Eico boneni bako kabilisha ukwebati nko mutuma pa kwebati uluntu muka mubona na kabili muka sansamuke, elo nandibo nka kwate ubulanda panono. ²⁹ Eico kanshi mupokeleleni muli Shikulu ne nsansa shonse. Mule kucindika abantu abakuba nga ye. ³⁰ Pantu nipa mulimo wakwa Kristu eu lengele afikile pepi nemfwa. Alibikile ubumi bwakwe mu kayofi pa kwebati apwilishe ukubombela filya ifyo tamwacitile ulo mwali noku mombela.