¹ Paulo elo na Timoti, ababomfi bakwa Kristu Yesu, kuli bonse abantu bakwa Lesa aba mushilo muli Yesu Kristu bo ababa pa Filipo, pamo na bakangalila elo naba dikoni. ² Kuti ukusenaminwa kwaba nenu elo umutende ukutula kuli Lesa Shifwe elo na Shikulu Yesu Kristu. ³ Nkototela Lesa wandi inshita yonse nko mibusha, ⁴ lyonse, mu mapepo yandi yonse kuli mwebo bonse, ukulenga ipepo lyandi ne nsansa ⁵ pa mulandu no kwampana kwenu mu mbila ya bune ukutula pa bushiku bwa kutampa ukushinta na nomba. ⁶ Ndi shininkishe pali ici cintu, ukwebati ye uwatampile umulimo uwa bune muli webo atwalilile uku upwisha ukushinta napa ubushiku bwakwa Kristu Yesu. ⁷ Cili fye ubune kuli nebo uku kutika ifi pali mwebo bonse pa mulandu mwebo mwaliba mu mutima wandi. Mwebo bonse twa lyumana nenu akapi mu kusenaminwa monse mu cifungo elo mukui pokolola kwandi elo namu kusuminisha ku mbila iya bune. ⁸ Pantu Lesa e kambone, ifyo nko mifwaisha mwebo bonse no luse lwakwa Yesu Kristu. ⁹ Eico ili e pepo lyandi: ukwebati icitemwiko cenu cifule elo mu fule mu mano na muku kutikisha. ¹⁰ pa kwebati mule kusuminisha ica cilamo ubune, elo e kuti mube aba cine elo aba kubula akalubo ukushinta fye napa bushiku bwakwa Kristu. ¹¹ ukwi ulamo ne citwalo ica bulungami ico icikoisa ukupitila muli Yesu Kristu ululumbi elo no lumbanya Lesa. ¹² Nomba nebo nkofwaya njishibe, mweba munyinane, ukwebati ico ica citikile kuli nebo cili lengeleko ukwebati mbila iya bune ileko pa ntanshi. ¹³ Ne catu mbukilemo, iminyololo yandi muli Kristu yali shile pa kabalika monse fye mwisano lyakwa malonda elo naku bantu fye bambi bonse. ¹⁴ Abengi ba munyinane bali kwata icicetekelo icikulu muli Shikulu pa mulandu wa minyololo yandi, elo nabo bali shipa no kulanda icebo ukwa kubula umwenso. ¹⁵ Bambi mu cine fye nabo balashimika Kristu pa mulandu no lupato no bulaki, elo na bambi nabo mu kuitemenwa. ¹⁶ Abaku itemenwa ba bombela mu citemwiko, no kwishiba ukwebati na bikilwapo muku cingilila imbila ya bune. ¹⁷ Lelo aba fumineko bali kushimikila Kristu umulandu waku bu kaitemwe, tali mo mu cine . Ba kotontonkanya ukwebati bako nundilapo ubucushi ulo ndi mu minyololo. ¹⁸ Bushe findo ifyo nala tontonkaya pali ifi? Ici kulu abantu mu nshila iili fye yonse ¬cibe kutula mu matontonkanyo aya bubi nangu aya cine-Kristu ala shimikwa, elo na mulici ndasansamuka. Ana, elo nka lekusansamuka, ¹⁹ pantu ndi shibile ukwebati ici cikesa kulenga ukulubuka kwandi ukupitila mu mapepo yenu elo no kwafwa kwa Mupashi uwa kwa Yesu Kristu. ²⁰ Ku cetekela kwandi elo ne subilo ukwebati nta lengwe insoni mu nshila iili fye yonse, lelo mu kupama ukuli konse nomba ukubati ni filya fine lyonse, Kristu ako sumbwilwa mu mubili wandi, cibe niku mweo nangu niku mfwa. ²¹ Pantu kuli nebo ukwikala kwandi ni Kristu elo no kufwa bunonshi. ²² Lelo nga nkoikala mu mubili, ici kopilibula ukwebati ifitwalo ifya mukubomba kwandi. Lelo bushe kusalapo indo? Nte shibile. ²³ Pantu nte shibile ica kusalapo pali ifi fintu. Ukufwaya kwandi kwa kufuma pano elo no kuba na Kristu ici eca bapo ica bune nganshi. ²⁴ elo ukwikalila mu mubili kwala kabilwa pa mulandu wenu fye. ²⁵ Muku shininkisha ici, ndi shibile ukwebati nkekala elo no noku twalilila ukuba nenu bonse, pantu uku lunduluka kwenu elo ne nsansa mu cicetekelo, ²⁶ e pa kwebati muli nebo kuti mwa kwatilamo ukulunduluka no kuitakisha muli Kristu Yesu uluntu nkoisa na kabili kuli mwebo. ²⁷ Mule kuisunga mu musango uwa belamo imbila iya bune iyakwa Kristu, ukwebati cibe nkoisa muku mibona nangu nta sanganweko, nkale ku kutika pali mwebo ukwebati mu citalame ndi mu mupashi umo, ne tontonkanyo limo no kulwisha pamo ku cicetekelo ca mbila iya bune. ²⁸ Mwitina mu musango uuli onse kuli bo abali abalwani benu, Ici e cilangililo kuli bo ica bono, lelo ice pusukilo lyenu ¬elo likotula kuli Lesa. ²⁹ Pantu cili pelwe fye ica lutu kuli mwebo pa mulandu wakwa Kristu tali kusumina fye muli ye kweka,.lelo na mukucula pa mulandu wakwe, ³⁰ ukukwata ukucula kumo kwine uko mwa bwene muli nebo, elo nomba mu kokutika muli nebo.