Icipndwa 1
1
Mukutampa kwali ishiwi,elo neshiwi lyali pamo na Lesa, ne shiwi lyali ni Lesa.
2
Ye ali pamo na Lesa mukutampa.
3
Fyonse ifintu fyalipangilwe ukupitila muli ye, elo ukwakubula ye takwali nangu cimo icapangilwe pafya pangwa.
4
Muliye mwali ubumi, no bumi e lubuto lwa bantu.
5
Ulubuto lulabutisha mumfimfi, ne mfimfi tayalucinfishe.
6
Kwali umuntu uwatuminwe ukufuma kuli Lesa, uweshina lya Yoani.
7
Aishile ukuba nga kambone pakupela ubunte pa lubuto, pakweba ati bonse bengasumina ukupitila muli ye.
8
Yoani ye tali elubuto, lelo aishile ukuti engapela ubunte pa lubuto.
9
Ulubuto lwa cine, ulo ulupela ulubuto ku bantu bonse , lwalikwisa mwi sonde.
10
Ali mwisonde, ne sonde lya pangilwe ukupitila muli ye, nesonde talya mwishibile.
11
Alishile kubakwe, nabakwe tabamupokelele.
12
Lelo kubengi abamupokelele, abasumine mwaishina lyakwe, Alibapele insambu sha kukutwa abana ba kwa Lesa.
13
Aba tafyelwe kumulopa, nangu mukufwaya kwa mubili, nangu ukufwaya kwa muntu, lelo kwa kuli Lesa.
14
Ishiwi lyaishile kuba umuntu no kwikala na fwe.Twalilubona ululumbi lwakwe, ululumbi ulo ulwakubati umofye epela uwafuma kuli Wishi, uwaiulamo ukusenaminwa elo ne cine.
15
Yoani apele ubunte pali ye, elo no kubilikisha ati, "Uyu eo ulya nalikulandapo ati, 'Uyo uukoisa panuma yandi wankucilapo amaka, pantu eko ali ulo nebo ntalabako.'''
16
Pantu mukwiulwamo kwakwe fwebo bonse twapokelele ukusenamina pa kusenamina.
17
Pantu ifunde lyalipelwe ukupitila muli Mose. Ukusenamina ne cine fyaishile ukupitila muli Yesu Kristu.
18
Tapaba nangu umo uwabonapo Lesa; Lesa fye epela, uwaba kulubali lwakwa Wishi, alilenga Lesa ukwishibwa.
19
Ubu ebunte bwakwa Yoani uluntu aba Yuba batumine bashi mapepo na bena Lebi kuli ye ukufuma ku Yelusalemu ku kumwipusha ati, " Bushe niwebo nani?"
20
Alisumine- takene iyo, Lelo abebele ati -"Ntali ne Kristu."
21
Eico baipwishe ati, "Kanshi bushe niwebo nani? Bushe niwebo Eliya? "Alandile ati, "Ntali ne" Balandile ati, ''Bushe niwebo kasesema?" Alyasukile ati, "Iyo."
22
Eluntu balandile kuli ye ati, "Niwebo nani, pakwebai tuye kupela icasuko kuba tumine? Cindo ukolanda palobe?"
23
Alandile ati, "Nebo ndi shiwi ili kobilikisha mumawanga ati: Pangeni inshila yakwa shikulu iya koololoka, 'ukubati nifilya kasesema Esaya alandile."
24
Nomba bambi balibatumine ukufuma kuba Falise,
25
elo bamwipwishe elo no kulanda kuli ye ati, " Bushe findo ubatishisha we utali niwe Kristu nangu Eliya nangu kasesema?"
26
Yoani abasukile ati, " Nebo mbatisha ku menshi, lelo pakati kenu palitaleme umo uyo mwebo tamwishibile.
27
Uyu eo ulya ukoisa panuma yandi, uo intambo shapansapato shakwe talingile kukakula."
28
Ifi fintu fyacitikile mu Betani bushilya bwa Yodani, uko Yoani ali kubatishisha.
29
Ubushiku bwakonkelepo Yoani ali bwene Yesu akoisa kuli ye elo alandile ati, "Boneni, Impanga ya kwa Lesa eko ili impanga yakwauupita imembu she sonde!
30
Uyu eo nalikulandapo ati, uuluse panupanuma yandi alincilile, pantu eko ali ulo ntalabako.
31
Ntamwishibile, lelo cali fye nkuma ukuti enga sokololwa kuli Israeli icakuti naishile nkobatisha ku menshi.''
32
Yoani alikupa ubunte ati, "Nali bwene umupashi ukoika ukufuma mumulu ukuba ati ninkunda, elo waikele pali ye.
33
Ntamwishibile, lelo uwa ntumine ukule kubatisha mumenshi alandile kuli nebo ati, 'Pali uyo ukobona umupashi ukoicilukailapo elo no kwikala pali ye, eo yo wine akalekubatisha ku mupashi.'
34
Nali bona elo nokupela ubunte ukuti uyu eo yo wine umwana wa kwa Lesa."
35
Na kumbi, ubushiku bwakonkelepo, Yoani alimine pamo naba sambi bakwe babili,
36
balibwene Yesu akopita, na Yoani alandile ati,"Moneniumwana wa mpanga wa kwa Lesa.
37
Abasambi bakwe babili balimumfwile uko alikulanda ifi elo bakonkele Yesu.
38
Eluntu Yesu apilibukile no kubabona bakomukonka elo alandile kulibo ati, " Bushe findo ifyo mukofwaya?" Balyasukile ati, Rabbi" (Ico icalulwa ati "kasambilisha") "Nikwisa uko wikala?"
39
Alandile kuli bo ati "Twendeni mubone." Eluntu baishile elo no kubona uko alikwikala; baikele na ye bulya bushiku,pantu yali ninshita mupepi nakasuba pakati.
40
Umo pali abo babili abaumfwile ifyo Yoani alikulanda nokukonka Yesu ali ni Andele wabo wakwa Simoni Petelo.
41
Atampilepo ukusungana wabo wakwa Simon elo nokulanda kuli ye ati, "Tulisangene Mesaya " (Icikoalulwa ati ''Kristu'').
42
Amuletele kuli Yesu, elo Yesu amuloleshe no kulanda kuli ye ati, "Eniwe Simoni mwana Yoani, ukalekukutwa ati Kefa" (Icikoalulwa ati ''Petelo'').
43
Ubushiku bwa konkelepo, uluntu Yesu alikufwaya ukuya ku Galileya, asangene Filipo elo alandile kuli ye ati, "Nkonka."
44
Nomba Filipo ali waku Betisaida, umusumba wakwa Andreya elo na Petelo.
45
Filipo asangene Natameli elo alandile kuli ye ati, "Uyu eo ulya Mose alembele mwifunde, elo na muli ba kasesema, tuli musangene: Yesu umwana mwaume wakwa Yusufu uwaku Nazaleti."
46
Natameli alandile kuli ye ati," Bushe icintu icabune kuti cafuma mu Nasaleti?" Filipo alandile kuli ye ati, " Isa ubone?"
47
Yesu abwene Natameli akoisa kuli ye elo alandile ulwapali ye ati, "bona , umwina Israeli mwinenene, umo muli ye umutaba bufi!"
48
Natameli alandile kuli ye ati, ''Bushe wanjishiba shani? " Yesu alyasukile no kulanda kuli ye ati, ulo Filipo talakukuta webo, uluntu waciba munshi yaciti ca mukunyu, ninshi ndikubwene."
49
Natameli alyasukile ati, "Rabbi, uli mwana mwaume wakwa Lesa! Uli mfumu yabena Israeli!"
50
Yesu alyasukile elo no kulanda kuli ye ati, "Pamulandu na cilanda kuli webo ati, 'Nali ndikubwene munshi yaciti ca mukunyu, eco wasuminina? Uli nokubona ifintu fyacipesha amano ifya kucila palifi."
51
Eluntu alandile ati, cine cine fye, nkolanda kuli mwebo nati, mukabona imyulu ilisukile, elo na bamalaika bakwa Lesa bakonina elo nokwika pa mwana mwaume wa Muntu.''