¹ Icebo caishile kwisa kuli Yeremia ukufuma kuli Yahweh uluntu imfumu Sidekia aishile kutuma Pashuri umwana mwaume wakwa Malikia elo na Sefenia umwana mwauma wakwa Maaseia shimapepo kuli ye, elo no kulanda ati, ² ''Katwipushisheko kuli Yahweh, pantu Nebukatinesari imfumu ya ku Babiloni akapanga ubulwi pali fwebo. Limbi Yahweh kuti acita ifya kupapa kuli fwebo, nga fintu calikuba munshiku sha kunuma, elo no kumulenga abwelelemo ukufuma kuli fwebo.'' ³ Yeremia aishile kulanda ati, ''Ifi efya efyo ufwile ukulanda kuli Sedekia, ⁴ 'Yahweh, Lesa wa bena Israeli, alandile ifi: Bona, nebo ndi pa kumubwesesha ifyanso fya bulwi ifyo fili mu maboko yenu, ifyo mukobomfya pa kulwa ne mfumu ya ku Babiloni elo na bena Kaludea abo abakoisa kuli mwebo ukufuma kunse ya fibumba.' Pantu ndi nokufikolonganika pakati ka uyu musumba. ⁵ Eluntu nebo palwandi ndi no kulwa na mwebo no kuboko ukwa kusumbuka elo ukwa maka nganshi, elo no bukali, ne cipyu elo ne cifukushi. ⁶ Pantu nebo nkasansa abekashi ba muli uyu musumba, abantu pamopenefye ne nama. Abantu ne nama bali no kufwa ku cikuko icakubipisha. ⁷ Panuma yaifi-uku ekulanda kwakwa Yahweh-Sedekia imfumu ya ku Yuda, ababomfi bakwe, abantu, elo noyo onse uukoshala muli uyu musumba panuma ya cikuko, ulupanga, elo ne cipowe ndi no kufipela fyonse mu maboko ya kwa Nebukatinesari imfumu ya ku Babiloni, elo kabili na mu maboko ya balwani babo, elo na mu maboko ya abo abakofwaya imyeo yabo. Eluntu ali no kubepaya ku milomo ya lupanga. Takabalangulukile, takashepo nangu umo, nangula ukubabelela uluse. ⁸ Eluntu kuli aba bantu ufwile ukulanda ati, 'Yahweh aishile kulanda ifi: Boneni, nkobika ku ntanshi yenu inshila ya mweo elo ne nshila ya mfwa. ⁹ Uuli onse uukoikala muli uyu musumba ali no kufwa ku lupanga, ku cipowe, elo na ku cikuko; lelo uyo onse uukofwaya no kuya kufukama pa mukufi yakwe ku bena Kaludea abo abakoisa kuli mwebo uli no kwikala. Ali no kususha umweo wakwe. ¹⁰ Pantu nebo ndibikile amenso yandi pali uyu musumba pakuti ninga letapo ubonaushi elo tekuletapo ubune iyo0ifi efyalanda Yahweh. Ulya musumba ulipelwe mu kuboko kwa mfumu ya ku Babiloni elo ali no kuoca. ¹¹ Palwa ba ng'anda iya bufumu bwakwa Yuda, ukabebe ukuti umfweni kuli Yahweh. Ing'anda yakwa Davidi, Yahweh akolanda ati, 'Iciteni ubupingushi ulucelo. ¹² Pususheni abo abakotitikishiwa ukufuma ku maboko ya bankalwe, nga teifyo icipyu candi cili no kufuma kwati mulilo elo no kupya, elo takwakabe nangula umo uwa kushimya, pamulandu wa mucitile yenu iya kubikapo. ¹³ Boneni, mwebo mwebaikala mu mikonko.' Nebo ndi kwalukile, we cilibwe ca mwilungu-ifi efyo Yahweh akolanda- nebo ndi myalukile mwebali bonse abakolanda ati, ''Bushe ni nani uukesa no kwsa tusansa?'' nangula ''Ninani uwingengila mu ng'anda shesu?'' ¹⁴ Ndi no kumulimuna mukukonka ne micitile yenu-ifi efyo Yahweh alanda- elo ndi no ku sonteka umulilo mu mushitu, elo no koca fyonse ifyashinguluka umushitu.'''