¹ Pushuri umwana mwaume wakwa Imeri shimapepo-ali ni ntungulushi iikulu-aishile kumfwa uko Yeremia ali kusesema aya mashiwi mu ng'anda yakwa Yahweh. ² Eico Pushuri aishile kuma Yeremia kasesema elo kabili aishile kumubika na mu minyololo iyo iyali pa mulu wa mwenshi wakwa Benjamini mu ng'anda yakwa Yahweh. ³ Ubushiku bwaishile kukonkapo Pashuri aishile kufumya Yeremia mu minyololo. Eluntu Yeremia aishile kulanda kuli ye ati, ''Yahweh takwimike Pashuri, lelo mwe uli cintinya ca kumbali shonse. ⁴ Pantu Yahweh aishile kulanda ifi, 'Bona, nalaisa kucita ica kutinya, kuli webo elo nakuli bonse abo watemwa pantu bali no kufwa ku lupanga lwa balwani babo elo na menso yobe ya kabonako. Ndi no kupela abena Yuda bonse mu maboko ya mfumu ya ku Babiloni. Akabasenda bunkole ku Babiloni nangula ukubasansa ku lupanga. ⁵ Nkapela kuli ye ifyuma fyonse ifya uyu musumba elo ne fya bunonshi fya uko, na fyonse ifya luma umutengo elo na fyonse ifyo basunga ifya shamfumu sha ku Yuda. Nkafipela mu maboko ya balwani benu, elo bakafitapa. Bali no kufisenda elo no kufitwala ku Babiloni. ⁶ Lelo webo, we Pashuri, elo na bonse aba ng'anda yobe bakumusenda bunkole. Muli no kuya ku Babiloni elo no kuya kufwila kulya kwine. Webo elo ne fibusa fyobe abo mwali kusesema nabo ifya bufi muli no kushikwa kulya kwine.''' ⁷ ''Mwe Yahweh, mwalindufishe, elo na ndibo nalilubile. Mwebo mwalikosa ukucila nebo, elo kabili mwali ncimfishe nebo. Ndi ica kusekwa cila kusekwa; umuntu onse ni nebo bakopumya. ⁸ Pantu lyonsefye ulo na landa, kupundafye elo no kubilikisha ati, 'Nimpasase elo no bonaushi.' Eluntu ishiwi lya kwa Yahweh lilifye ca kusekwa elo kabili akawele cila kasuba. ⁹ Nga nalanda ati, 'Ntakatomtonkanyepo pa lwakwa Yahweh na kabili. No kuti ntakalandile mwishina lyakwe na kabili.' Eluntu cisa mukuba kwati mulilo ukopya mu mutima wandi, uuli mu mafupa yandi. Kanshi ndafilwa ukushipikisha ukusunga elo tekuti mfisunge. ¹⁰ Nebo nkoumfwa amshiwi ya cintinya ukufuma ku bantu abengi ku mbali shonse. 'Bakolanda abati! Tumwebele.'' Nabali ifibusa kuli nebo bakololelafye ukubona ukuwa kwandi. 'Ati limbi kuti alufwa. Nga cakuti cabefyo kuti twamucimfya elo no kucita icilandushi kuli ye.' ¹¹ Lelo mwebo mwe Yahweh mwaba kuli nebo kwati ni mpalume ya bulamba, eico abakompakasa bali no kufilwa. Tabakancimfye. Bakalengwa insoni apakalamba nganshi, pantu ta pali uko bakoya. Bakekalila mu kusebana kwabo, elo ukusebana kwabo takwakalabwe. ¹² Lelo we Yahweh wa fita, ulabebeta abalungami elo no kubona amano elo ne mitima. Lekeni imbone icilandushi cenu pali bo pantu nebo natula uyu mulandu kuli mwebo. ¹³ Imbileni Yahweh! Lumbanyeni Yahweh! Pantu apokolola imyeo ya abo abatitikishiwa ukufuma mu kuboko kwa bancita tubi. ¹⁴ Lekeni ubushiku uluntu na fyelwe bube ubwatipwa. Mwileka ubushiku ubo mayo wa fyelemo ukupalwa. ¹⁵ Lekeni umuntu uwaile kweba tata atipwe, uyo uwaile kulanda ati, ''Umwana mwaume alifyelwe kuli webo,' ukulenga ukuti asansamuke. ¹⁶ Lekeni uyo muntu abe kwati ni ilya imisumba intu Yahweh waonawile elo ukwabula no ku yumfwila uluse. Lekeni omfwe inkuta ya bwafwilisho ku macaca, ne nkuta ya bulwi pa nshita ya kasuba pakati, ¹⁷ pantu ta njipeye ulo nali mwifumo, ukuti alenge mayo ukuba imanda yandi, ne fumo lyakwa mayo ukwimitwa umuyayaya. ¹⁸ Cindo calengele ukuti mfume mwifumo ku kubona amafya elo na macushi, pakuti inshiku shandi shikabefye ishakwisulamo insoni?''